Eremyas 1:19 - Fanawbuid tagsibaliwas Fakayabian

¹⁹ Kanya ban fagayu namawayan emu, dewa katanya, gababawan way ban, aroro gufud kban ay ggubuk emu. Au, Yawi, taglong tuy.”

Eremyas 1:19 ပူးပေါင်းရင်းမြစ်များ

Alubad. 129:2

Siginan nu kasik talun ami, kanya fagayu ngayu ginan wan nu gfaidapan emi, dewa katanya, wa nababo emi.

Eremyas 1:18

Katsi namaksvn au emu kaksvn sik furuan daul at ke alad, ay kamogat sik turuk ay sik dingding mawatan sanbung. Wa ban e mababo emu dewa ngay fun, ngay tagfangguna, ngay tagfon fanggalangun, ay fagayu tagbanwan sis Uda.

Eremyas 1:8

Lag o kalimu ngay taw aroro gufud kban ay gdiri emu. Au, Yawi, taglong tuy.”

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Eremyas 11:21

Ngay taw Anatut e algan gfabul angku, kway gfaragang nu kamoyung au Yawi at longan. Nu katanya, Yawi at Mabalyanan nalong te, “Namaurianan au kanya fag ngay taw: at ngay baguama umbul sas awayan, ay at ngay sisian umbul sas lunus.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 2:1

Yawi nalong sa angku te,

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 20:11

Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Eremyas 26:8

Ay Eremyas nu ntabu garingang, ngay tagfon fanggalangun, ay ngay taglong, ay ngay taw naligung anya, ay nalong te, “Masine nu kabul wo!

Eremyas 30:11

Gufud ktua ban ay gfalangfe ayu. Ay grasras kban fagayu talun nu inda nu gfasaruayan au ayu, dewa katanya kwa ban gfakamulun sa ayu takatanya. Ay bunwa at masuad te, kwa ban gfaurianan ya ayu, nu bunway gfalag au sa ayu at matuyan.”

Eremyas 39:17

Dewa katanya, ginanya ban, gfalangfe au emu. Kwa ban gfon emu sa am fakalimuun fag ngay taw.

Eremyas 42:11

Lag am kalimu ya Babilunya at fun aroro gufud ktua ban gugat ayu ay gfalangfe siginan at daluap.

Eremyas 46:28

Nu katanya, ku fagsuguan Akub at ngay kasugfunanan, lag am kalimu, aroro gufud kban ayu. Namamin kban ngay talun nusnga nday nu gfasaruayan au ayu, dewa katanya, kwa ban gfamin ayu. Namaurianan kban ayu tagalvngvdan sa ay fagmauriun. Wa masine kway ban gfaurianan ayu. Au, Yawi, taglong tuy.”

Daniel 3:25

Fun nalong te, “Damai! Ufat tua taglao sis wabilug afuy. Kanya fagayu wa masiukan ya ay wa kairug. Ay at sadi kata sik dius.”

Tap 14:9

Lag am kamabo Yawi. Ay lag am kalimu kanya fag ngay taw aroro gbabo waban tam fia. We ggubuk anya fagayu, dewa katanya, Yawi ggubuk tua antam. Nu katanya, lag am kalimu kanya fag ngay taw.”

Fakamulun 26:17

Ay gfalangfe kban emu siginan am ngay kaiban taw Udyu ay siginan at yud Udyu fag ngay taw. Gsugu au emu sanya fag ngay taw,

Uswe 1:9

Amatangi gugat ku suguan emu: maksvni tua ay maseganamai. Lag o kalimu ay kamomuy aroro au, Yawi am Dius, tagufud emu nusnga nday ban o.”