Eremyas 1:18 - Fanawbuid tagsibaliwas Fakayabian

¹⁸ Katsi namaksvn au emu kaksvn sik furuan daul at ke alad, ay kamogat sik turuk ay sik dingding mawatan sanbung. Wa ban e mababo emu dewa ngay fun, ngay tagfangguna, ngay tagfon fanggalangun, ay fagayu tagbanwan sis Uda.

Eremyas 1:18 ပူးပေါင်းရင်းမြစ်များ

Isayas 50:7

Dewa katanya, kdi napla, aroro Yawi tam Fun nagubuk angku. Nu katanya, nafaksvn au ku amatanganan kata sik gang, aroro nasaful au te, kdi ban umkapla.

Eremyas 1:17

Eremyas, falganani! Ay loi wan ay namoyung o sa anya fagayu ku longan emu. Lag o kalimu. Aroro nu nlimu way ro wo, gfaugat kro nu kalimu o gina o sanya fag ngay taw at daga salubangan.

Eremyas 1:19

Kanya ban fagayu namawayan emu, dewa katanya, gababawan way ban, aroro gufud kban ay ggubuk emu. Au, Yawi, taglong tuy.”

Eremyas 15:10

Afanyuan au! Ku mina nangus wa nafasalug ya angku! Ngay taw Uda gfawayan gugat angku. Kwa oma e bedan ay kwa yangay e fagfabedanan sas nusnga sinu, dewa katanya, kanya fagayu kadotama angku.

Eremyas 15:20

Namakata kban emu sik mogat fag alad at fangawat tansu laman sa sangay taw. Kanya ban fagayu namawayan emu, dewa katanya, wa ban gbabo aroro gufud ktua ban gugat emu. Gdiri kban ay gfalangfe emu. Au, Yawi, taglong tuy.

Eremyas 20:11

Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Eremyas 21:4

‘Katatuy Yawi, Israel at Dius, at longan: Wa ban e fanambagun ay ngay famawayan laman namawayan am fun Nabukudunusur ay sat ngay tagfawayan at maligung si ayu. Nu katanya, namaful au anya fagayu ste swabilug furuan.

Eremyas 26:24

Dewa katanya, Akikam, Safan at baguama, nagubuk tua Eremyas, ay kafag ngay taw wa nafabul.

Eremyas 34:3

“ ‘Wa ban o malagyu ya sanya ginan. Nanggamat ban emu ay namon sas Babilunya at fun. Ay gtaban ban emu sit daga salubangan laman namauri, ay nantaban emu sas talun Babilunya.

Eremyas 38:18

Dewa katanya, way ban o gfababaun, Dius ban namagbilug wan tuy fag furuan sas talun Babilunya ay kanya ban fagayu nangirug.”

Eremyas 38:2

‘Nusnga sinu tagbanwan yay gugat sis furuan, umbul ban sas awayan ay fanlunus ay fakasaitun, dewa katanya, nusnga sinu ban at nafamababaun sa sangay taw Babilunya wa ban kabul, nu bunway kalangfe tua ban ay gleleg.’

Eremyas 42:22

Nu katanya, katsi gfatuyanan au sa ayu te, kabul ban am sas awayan, sas fanlunus, ay sas fakasaitun sis talun Igiptu, ay nusnga nday ban nu gbanwan am.”

Eremyas 6:27

Yawi nalong sa angku te, “Eremyas, nafili au emu kata sik taginsaful ngay sanbung, laman mainsaful o ku ngay taw at kaugalian.

Uan 1:42

Ay Andres nataban anya sas Isus. Ay Isus nadama Simun ay glong anya te, “Simun, Uan at baguama, siginan ban katsi am ngayan Sefas.” Sefas at masuad te, Pedru.

At Nafasure 3:12

Nusnga sinu tua ban at nababo, namakata kban sik turuk si ku Dius at bale. Ay kabavn ban kanya wa galin ya sanya ginan. Griruk kban si anya ku Dius at ngayan, ay ku Dius at furuan at ngayan, at bagu fag Erusalem takadaga siginans banwa siginan ku Dius. Ay griruk kyangay ban si anya ku ngayan at bagu.