Eremyas 1:16 - Fanawbuid tagsibaliwas Fakayabian

¹⁶ Namaurianan kban ku ngay taw tagfakamulun at mauri, aroro kanya fagayu natalyuyan angku siginan nu girug famaebebanglu fag lune ay nu gseg at nawat fag ngay fagsegan.

Eremyas 1:16 ပူးပေါင်းရင်းမြစ်များ

2 Fun 22:17

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

2 Krunika 15:2

Ay kanya nanangablang fun Asa, ay nalong anya te, “Fun Asa, dungugani, ay anggan am fag ngay taw Uda, ay ngay taw Benamin. Yawi si tua ayu nu gbanwan tuam si anya. Nu grvbvy tuam anya, lumag am anya. Ay nu natalyuyan wayam anya, kanya gaiyan yangay ayu.

2 Krunika 28:2

Kanya nafaning way Israel at ngay fun, ay nafawat ngay fagsegan famamatang ngay Baal.

2 Krunika 34:25

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

2 Krunika 7:19

Dewa katanya, nu gtalyuyan way ban am ku ngay faugali ay way ban am gfaning ku ngay foyungan ay ku nafon ayu fag ngay suguan, ay nu nafaning way ban am ay naseg tibak fagsegan,

Isayas 2:8

Kanya yay fagayu at nawat at fagfausegananun fag ngay fagsegan!

Isayas 37:19

Kanya fagayu nafamin wan fagayu at ngay fagsegan ay naukas sasad afuy. Aroro kanya fagayu bunwa at matuyan fag dius; sik ngay kayu way ay ngay gang ngay taw at nawat.

Isayas 44:15

Ay sik lifung at famaygang way, famatama at fakonun ay at fagfangenbungan. Ay sik lifung at fangawat sik fagsegan ay kanya gtudan gseg.

Isayas 65:3

Ku ngay taw nafadotama angku. Ay gfataglayun gfalag sa angku nu gseg at ngay fagsegan gina gfon at ngay fanggalangun si sangay tanuman, ay gina girug at ngay mabebanglu fag ngay lune sit ngay tungud bale.

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 10:3

Kanya fag ngay taw wa masuad at fakamulun. Kanya fagayu namul kayu sasad araw ay namawat at ngay fagsegan sa tagsaful kawat.

Eremyas 11:12

Nu katanya, at fagnangetan gubuk sa way lang at ngay fagsegan at fagnamonan gugat ngay fanggalangun. Dewa katanya, faurianan nu ndasug, kanya fag ngay fagsegan wa mafalangfe nusnga sinu fag taw.

Eremyas 11:17

Yawi at Mabalyanan wan at nafili Uda ay Israel, dewa katanya, katsi gsugu wa te, “Famini wan anya fagayu aroro mauri at ngay fakamulun, ay nafauri angku siginan nu gfon at ngay fagirugun fag ngay fanggalangun sas Baal.”

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 16:11

Longi ban sa anya fagayu te, katatuy ku famalus: ‘Nafakamulun au takatatuy aroro ay ngay mangaguyang natalyuyan angku. Kanya fagayu nafaning ay naseg tibak fagsegan. Ay naubun angku ay wa nafaning ku suguan.

Eremyas 17:13

Yawi o wan Israel at fagsegun. Fagayu ban at kinyayu emu umkapla. E namoli ban anya fagayu sas daga, aroro kanya fagayu nafamabo emu, fag bukbuan leleg.

Eremyas 18:15

Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Eremyas 4:12

Kanya at maksvn fag tagmara siginan tua angku. Katsi nanlong au sa anya fagayu ku faurianan.”

Eremyas 4:28

Fagdaul daga kabalu ay banwa kadulum, aroro nalong kwan ku faurianan ay kwa gfabadbalian ya. Nafalganan kwan ku namatangan ay namafasludan kwan.”

Eremyas 44:17

Gfakamulun ami nusnge wain em fakaylatun. Nangirug ami ngay famaebebanglu sa em fagsegan at nafangayan te, Tagsis Banwa fag Mangena fag Fagsegan! Ay namon ami sa anya fanginum fag ngay fanggalangun kata em nafakamulun si sangay furuan tagsis Uda ay sis Erusalem at ngay fagaweanan, kata em ngay mangaguyang, ay em ngay fun, ay em ngay tagfangguna at nafakamulun. Ebi manabayan tua nu gbanwan ami: ngayu tua em fakonun, ay di e kadasug sa emi at mauri.

Eremyas 5:29

Au, Yawi, glong au te, o nunda kwa ro masine gfaurianan anya fagayu aroro sat ngay nafakamulun mauri? Ay o nunda kwa ro masine gfasud sa takatanya fag talun at ngay taw?

Eremyas 5:9

O nunda kwa ro masine gfaurianan anya fagayu aroro sat ngay nafakamulun mauri? Ay o nunda ro kwa yangay masine gfasud takatanya fag ngay taw? Au, Yawi, taglong tuy.”

Eremyas 51:17

Ngay taw tagseg ngay fagsegan sik yud way mamatanganan ay yud e fagsafulun. Ngay takawat gintu umkapla sat nawat fag ngay fagsegan aroro at awatan bunwa at matuyan fag fagsegan. Kanya fag ngay fagsegan wa gleleg,

Eremyas 7:17

O nunda wo glag ngay taw at fakamulun sis talun Uda ay sis Erusalem at ngay dalan?

Eremyas 7:18

Ngay sisian ayu daul gfansarab, ay at ngay mama gfaigang, ay at ngay mina kawat tinapay laman at fanggalangun sat fagsegan at nafangayan te, Tagsis Banwa fag Mangena fag Fagsegan. Ay kanya fagayu gfon yangay ngay fanlangu sa tibak fagsegan laman gfauri angku.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Esekyel 16:18

Nafalanbungan o kafag ngay fagsegan ngay lanbung tagridrirukun ku nafon emu, ay nafon o ku nafon emu fag ngay langis ay famaebebanglu fag lune laman am fanggalangun sa kafag ngay fagsegan.

Esekyel 24:14

Au, Yawi, glong au te, andasug wan at buknga nu namaurianan au emu ay we mafafaragang ya angku. Kwa nangafanyu ya emu ay kwa gfabadbalian ya ku algan. Kata am ugali ay am ngay nafakamulun, namaurianan au emu. Au, Fun Dius Yawi, taglong tuy.’ ”

Usea 11:2

Dewa katanya, dewa au gfataglayun guro ngay taw Israel, kaugat way nu kayayu angku. Kanya fagayu gfon fanggalangun ay girug ngay famaebebanglu sat fagsegan Baal.

Usea 8:6

Samarya at fagsegan fag baka, ngay taw Israel way at nawat. Kanya bunwa Dius. Matuyan, kanya ban karufa way.

Uel 2:11

Yawi at aringang kata sik lingsi gina gsugu at ngay tagfawayan at maseganama ay tangayu. Ay kanya fagayu gfaning tua at suguan. Yawi at nafalganan fag menit gina ban namaurianan maksvn nu malimu. Sinu ro at magwanta?

Fakamulun 7:41

Nu katanya, Arun nawat sik fagsegan kata sik baka riangan, ay kanya fagayu guseganan ay gfon at ngay fanggalangun sat nafawat fag fagsegan.

Deuterunumyu 28:20

Ay gasagsagan ban am ay kalyam sas fagayu ay fakamulun, yakmay ban am ankamin ay umkalyam, aroro nafamabo am anya.

Deuterunumyu 31:16

Ay nalong sas Muisis te, “Munakbang wan nu kabul o ay nu nangalo o am ngay mangaguyang. Nu nbul ban o, ngay taw ban nanseg tibak fagsegan, sa ban at fakadasugan fag talun at ngay fagsegan. Kanya ban fagayu gtalyuyan angku, ay namayud ban e masuad ku nawat fag nasadian laman sa anya fagayu.

Uswe 24:20

Nu nyayu way ban am siginans Yawi ay nu naseg wayam tibak fagsegan, kanya ban gfaurianan ayu. Kanya ban gfamin ayu, ebi kanya dewa matuyan sa ayu.”

At Nafasure 9:20

Ay ngay taw at yud anbul siginan kafag faurianan, wa gfaragang nu gseg at ngay awatan fag ngay fagsegan. Kanya fagayu gfataglayun yay gugat nu gseg ngay falad, ay sa sangay fagsegan at mawatan siginans gintu, salapi, tansu, gang, ay kayu, ngay fagsegan at yud glag, yud gdungug, ay yud malao.