Eremyas 1:15 - Fanawbuid tagsibaliwas Fakayabian

¹⁵ Dungugani! Nanguro au ngay tagfawayan siginans fagayu fagfagtainanan, tagsis wala baliwa fag alvngvdan laman namawayan furuan Erusalem. Ay kanya ban fag ngay talun at ngay fun nangawat at ngay mesa fagfagtainanan sis furuan Erusalem at ngay sakbawan anggan sat ligung. Ay katanya yangay ban at fakamulun sa tibak furuan sis Uda.

Eremyas 1:15 ပူးပေါင်းရင်းမြစ်များ

Isayas 22:7

Kanya fagayu matunglu sit fakesugun fag ngay datag, ay kafag ngay tagakabayuan maful si ay sakbawan furuan alad,

Eremyas 10:22

Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.

Eremyas 10:25

Fadasugi am dotama sa sangay talun at taw at yud natoglag emu ay sa sangay taw at yud nangakbang sa emu, aroro kanya fagayu nafamin Akub at kasugfunanan ay naiklas at ngay bale.

Eremyas 13:20

Banawani ngay fawayan takadasug siginans fawalan fag alvngvdan. Furuan Erusalem, dada wan am ngay tagbanwan am fakamatungudunun fia, ebi ku nafatigwanan sa emu te, alagai?

Eremyas 25:28

“Dewa katanya, kanya fagayu nu dway kaylat ginum, longi sa anya fagayu te, ‘Au, Yawi at Mabalyanan, glong au te, masine nu ginum tuam!

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 33:10

Yawi glong yangay fia te, “Glong am te, mabalu way lang talun Uda ay furuan Erusalem aroro we taw ay we fagbaugun ya tagbanwan sanya. Dewa katanya, sik menit ban gdog yay kadungug sanya fag ngay furuan nu gfanagsag ay nu guseganan.

Eremyas 34:1

Nabukudunusur, talun Babilunya at fun, nanamawayan furuan Erusalem ay anggan tagsit ligung fag ngay furuan. Kanya gadgaloan fagayu at ngay tagfawayan ay anggan ngay tagfawayan tagsiginan at fagagbilugun fag ngay fagfagtainanan. Ay ginanya, Yawi, Israel at Dius, nalong sas Eremyas te, “Loi sas Sedekya, Uda at fun, ay nanlong o sa anya te, ‘Yawi glong te, Namon kwan sas talun Babilunya at fun tuy fag furuan daul ay kanya nangirug.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 39:3

Ay talun Babilunya at ngay tagfawayan nu nasakbo wan sas Erusalem, at ngay tagfangguna namalunggung sis wabilug furuan at sakbawan. Tagsanya, Nergal-Sareser tagsiginans Samgar, Nebu-Sarsekim fag tagfangguna ay sik tagfangguna at ngayan yangay te, Nergal-Sareser, ay tiba yak tagfangguna.

Eremyas 4:16

Kanya nasugu kafag ngay tagfosuk longan laman namadasug famararang sa sangay talun ay sas furuan Erusalem te, e ngay fawayan siginan tangayayu fag talun takaylat namawayan Uda at ngay furuan.

Eremyas 4:6

Fadasugi sik famararang sa sangay taw Erusalem laman kanya fagayu masakit glagyu, aroro namadasug au tagrasras siginans fawalan fag alvngvdan.”

Eremyas 43:10

Sanya ginan, longi sa anya fagayu te, ‘Yawi at Mabalyanan, Israel at Dius, glong te, Gsugu kban ku fagsuguan Nabukudunusur, Babilunya at fun, ay namoli au at fagmalunggungan sis tungud ku nasaksak ste fag ngay gang ay kanya nangawat at bale ramit sit tungud.

Eremyas 44:6

Nu katanya, nafadasug au sa anya fagayu at maksvn ku fandotaman. Nu kadotama au anya fagayu kata afuy nu girug at ngay furuan tagsis Uda ay Erusalem, ay dasug katsi kanya fag ngay furuan mabaluanan way lang ay marasrasan.

Eremyas 46:24

Ngay taw Igiptu umke fakaplaun. Gfagbilug ban anya fagayu sa sangay taw tagbanwan sis fawalan fag alvngvdan.”

Eremyas 5:15

Yawi glong te, “Ngay taw Israel, namadasug au sa ayu sik gaban taw tagsiginan tangayayu fag talun laman namaurianan ayu. Kanya sik gaban taw taglugo wan nu gbanwan sit talun, ay ay fagyudun togdungug at fangaringang.

Eremyas 6:22

Yawi nalong yay fia te, “Damai! E ngay tagfawayan kadasug siginans fawalan fag alvngvdan. Kanya fagayu siginan tangayayu ay at mabalyanan fag gaban taw at mafalganan laman namawayan.

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Takabalu 5:11

E natugtug em ngay mangena sis furuan Erusalem, ay e natugtug yangay em ngay baguina sis Uda fag ngay furuan.

Esekyel 32:30

“Ay ngay taw Sidun ay fagayu tagfangguna sis fawalan baliwa fag ngay talun sanya yangay. Kanya fag ngay taw kaduge gleleg, nafae fakalimuun yangay ngay taw aroro sat fagmabalyananun. Dewa katanya katsi, kanya fagayu andasug wan sas fakaplaun magamut at kinbul at yud gafanud sas Dius.

Uel 2:20

Ay at namawayan ban ayu fag ngay taw tagsiginans fawalan fag alvngvdan baliwa, nangaiyan kwan ay namasas talun at yud e taw. Taguna ban fag gaban namasa kwas Dagat at Mabulan. Ay taguyan ban fag gaban namasa kwas Mediteranyu fag Dagat. Ay kanya ban fagayu nu nbul, umbasung.” Nu katanya, maksvn nu madulo Yawi at nafakamulun.

Sakaryas 6:6

At malayung fag ngay kabayu at faguyudanun fag faguyudan glao sa sik talun sabaliwas wala fag alvngvdan, ay at malaksi fag ngay kabayu at faguyudanun fag faguyudan glao sa sik talun sabaliwa fakayabian, ay at mariruk fag ngay kabayu at faguyudanun fag faguyudan glao sa sik talun sabaliwas siun fag alvngvdan.”