Eremyas 1:14 - Fanawbuid tagsibaliwas Fakayabian

¹⁴ Yawi nalong te, “Matuyan am nalag, aroro e kadasug ban sik malimu siginans wala baliwa fag alvngvdan laman sa sangay taw tagbanwan ste fag talun.

Eremyas 1:14 ပူးပေါင်းရင်းမြစ်များ

Isayas 14:31

Am fag ngay taw Filistia, waywayi maksvn, aroro kadasug wan ay ngay fawayan kata sik anus siginans wala fag alvngvdan, ay tanan mabalyanan.

Isayas 41:25

Nafili au sik taw siginans wala fag alvngvdan laman namagtainan. Kanya kakbang tua angku, ay katsi kanya kadasug siginans fakamenitan. Kanya ban namamin ngay tagfunan kata sik takawat tikung nu gsiad lifak laman gfalganan at fangawat tikung.

Eremyas 10:22

Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.

Eremyas 11:17

Yawi at Mabalyanan wan at nafili Uda ay Israel, dewa katanya, katsi gsugu wa te, “Famini wan anya fagayu aroro mauri at ngay fakamulun, ay nafauri angku siginan nu gfon at ngay fagirugun fag ngay fanggalangun sas Baal.”

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 31:8

Ay Yawi glong yay fia te, “Dungugani! Namul au ay namaful anya fagayu siginans fawalan fag alvngvdan, nusnga nday fag fungfung daga. Galo yangay anya fagayu, anggan at ngay yud glag, ay at yud malao, ay tagfafion, ay tagafasalugun wan. Ngayu tua bank taw takafoli.

Eremyas 4:6

Fadasugi sik famararang sa sangay taw Erusalem laman kanya fagayu masakit glagyu, aroro namadasug au tagrasras siginans fawalan fag alvngvdan.”

Eremyas 46:20

Talun Igiptu kata sik tumad baka, dewa katanya, e sik ngay tuma kadasug siginans fawalan fag alvngvdan laman nangalafang anya.

Eremyas 47:2

“E ngay tagfawayan tagsiginans fawalan fag alvngvdan kata sik lugwak at kinkapnu fagdaul furuan. Ay kanya nanrasras kanya fag talun fagdaul, anggan ngay taw tagbanwan sanya. Ngay taw ban maksvn nu gudguroan ay nu gwayway aroro kalimu.

Eremyas 50:41

“Damai! E ngay tagfawayan kadasug siginans fawalan fag alvngvdan. Kanya fagayu anggan at ngay funan sik mabalyanan fag gaban taw. Kanya fagayu siginan tangayayu, ay mafalganan laman namawayan talun Babilunya.

Eremyas 50:9

Aroro gfadasug kban at mabalyanan fag ngay talun at ngay taw tagsiginans fawalan fag alvngvdan. Ay kanya ban fagayu namawayan ay nangagbilug talun Babilunya. Ay at ngay tagfana mafananadan ay mafatayuk.

Eremyas 6:1

“Benamin at ngay kasugfunanan, lagyui ay nanuksuani! Loi wan siginans furuan Erusalem! Ay uyupi ay budyung sas furuan Tekwa ay fadungugi anggan sas Bet-Akerem fag furuan, aroro faurianan kadasug wan siginans fawalan fag alvngvdan.

Eremyas 6:22

Yawi nalong yay fia te, “Damai! E ngay tagfawayan kadasug siginans fawalan fag alvngvdan. Kanya fagayu siginan tangayayu ay at mabalyanan fag gaban taw at mafalganan laman namawayan.

Esekyel 1:4

Kaduge au gdama, nalag au sik fulug kadasug siginans fawalan fag alvngvdan. Ay siginan sad linyabu maksvn nu glimbad, nu katanya, sit ligung maksvn nu mayamag. Ay at kaksvnan nu glimbad, masulo kata sik tansu.

Esekyel 24:3

Sanya ginan, nanlong o sik faydayuanan sa sangay taw takamabo tagbanwan sis Israel te, ‘Fun Dius Yawi glong te, “ ‘Nantalin o mamam sas bisu,

Uel 2:20

Ay at namawayan ban ayu fag ngay taw tagsiginans fawalan fag alvngvdan baliwa, nangaiyan kwan ay namasas talun at yud e taw. Taguna ban fag gaban namasa kwas Dagat at Mabulan. Ay taguyan ban fag gaban namasa kwas Mediteranyu fag Dagat. Ay kanya ban fagayu nu nbul, umbasung.” Nu katanya, maksvn nu madulo Yawi at nafakamulun.

Sakaryas 6:6

At malayung fag ngay kabayu at faguyudanun fag faguyudan glao sa sik talun sabaliwas wala fag alvngvdan, ay at malaksi fag ngay kabayu at faguyudanun fag faguyudan glao sa sik talun sabaliwa fakayabian, ay at mariruk fag ngay kabayu at faguyudanun fag faguyudan glao sa sik talun sabaliwas siun fag alvngvdan.”