Eremyas 1:11 - Fanawbuid tagsibaliwas Fakayabian

¹¹ Sanya ginan, Yawi nainto sa angku te, “Eremyas, nataw am lagan?” Ay nabalus au te, “Sik sanga dingin.”

Eremyas 1:11 ပူးပေါင်းရင်းမြစ်များ

Fakasigadan 30:37

Akub nanamul sik ngay sanga kayu ay kanya nalukba ayu sirut, dewa katanya, ya malukban fagdaul kata sik malaksi gbadbalangun nu kalag kanya fag ngay sanga.

Isayas 55:11

Katanya yangay ku longan, kabavn ban e tungkul tua. Ay ku fagnafadasugun ku longan laman namafasludan ku fakaylatun ay namakamulun ku algan.

Eremyas 24:3

Sanya ginan, Yawi nainto sa angku te, “Eremyas, nataw am lagan?” Ay nabalus au te, “Sik ngay rawvg igus. At tiba masine ay melo. Ay at tiba madanan way ay wa kaon ya.”

Esekyel 12:25

Dewa katanya, au, Fun Dius Yawi, nu garingang au, umfasludan tua ku longan. Wa ban glugo ya nu kafasludan ku ngay nalong sabaliwa takamabo fag ngay taw. Ay nu kafasludan ban gina ya ay buknga, si yay ban ay buknga. Au, Yawi, taglong tuy.’ ”

Esekyel 12:28

Nu katanya, nanlong o sanya fag ngay taw te, ‘Fun Dius Yawi glong te, Anud, ku ngay longan kafasludan wan.’ ”

Esekyel 7:10

Munakbang wan nu gfaurianan fag menit. Faurianan kadasug wan. Maksvn wan ngay taw nu mauri ay nu kamatungudun.

Amus 7:8

Yawi nainto sa angku te, “Amus, nataw am lagan?” Ay nabalus au te, “Sik famatagbung fag lubyang.” Ay Yawi nalong te, “Kanya ku famasaful sa ku ngay taw te, wa matuyan nu gbanwan. Nu katanya, kwa kafanyu ya anya fagayu.

Amus 8:2

Ay nainto angku te, “Amus, nataw am lagan?” Ay nabalus au te, “Sik ngay rawvg malesanan masuadan sad sabi.” Ay Yawi nalong sa angku te, “Andasug wan ku ngay taw Israel at fakatabuan. Kwa kafanyu ya anya fagayu.

Sakaryas 4:2

Kanya nainto angku te, “Nataw am lagan?” Ay nabalus au te, “Sik fagfatungkudan salung at mawatan siginans gintu, ay sit tungud e taya at mabyat fagsuadan langis. Ay sis ligung taya e fituk fabilu ay galay at sadi e sanbung mabilug famaturunan langis.

Sakaryas 5:2

Ay tagbarita nainto sa angku te, “Nataw am nalag?” Nalong au te, “Sik rirukan mafalutan glayug at kabaan tuluk safuluk darafa gsugfunan, ay at kadamvlan labi limak darafa.”

Tap 17:8

Balabag di, Muisis nasakbo sas bale ramit nu inda Fagsuadan Nasadian nu mafasakboan ay nalag Arun at tulag, tagfamatang Lebi at kasugfunanan, bundi lang anke don nu bunway anke barugwak ay narawvg sik almendru malesanan.