Eremyas 1:10 - Fanawbuid tagsibaliwas Fakayabian

¹⁰ Ay katsi gfili au emu laman namoyung o sa sangay talun at ngay taw ay sa sangay fagfagtainanan te, tiba ban si ayu umfaurianan ay umkamin ay umrasras ay e nangaiyan, ay tiba ban umlindug tua ay umkaksvn.”

Eremyas 1:10 ပူးပေါင်းရင်းမြစ်များ

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

1 Fun 19:17

Kasael namabul fagayu tagseg Baal, ay Yeu namabul fagayu at nalagyu Kasael, ay Elisyu namabul fagayu at nalagyu Yeu.

Takamoyung 3:3

E buknga gfabul ay e buknga gfafia, e buknga giklas ay e buknga kawat.

Eremyas 1:5

“Eremyas, gina au nangawat emu sim mina at ungdan, nafili kwa emu. Ay gina o yud ansalug, nafili kwan emu laman ban sik taglong o sas fagayu talun at taw.”

Eremyas 24:6

Gdiri kban anya fagayu laman umke fagmanabayanun ay gfafoli kban anya fagayu sat fagbanwanan. Namadog kban namaksvn anya fagayu ay kwa ban gfaurianan ya. Nantanum kban anya ay kwa ban gdog ya ggulad.

Eremyas 25:13

Namadasug kban sat talun fagayu ku nalong takadasug ban sa anya fagayu kata Eremyas at longan at marirukan ste fag fafil.

Eremyas 31:28

Ebi nafaurianan au, ay nafamin ay narasras ay naiyan anya fagayu, dewa katanya, namadog kyay ban namalindug ay namaksvn.

Eremyas 31:40

Fagdaul datag fagukasan ngay kinbul ay ngay nakaurian ay anggan ngay gamasun tagsis Liskung Kidrun sitsigons sakbawan at nafangayan te, Sakbawan Kabayu tagsis fakamenitan baliwa, sanya fagdaul mafalganan wan laman sa angku. Ay kanya ban fag furuan wa gdog ya karasras ay kaiklas.”

Eremyas 36:2

“Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 44:27

Abat ngate kban gdiri ayu laman e fagmasineun am, gfaurianan kway ban ayu. Ay fagayu am tagbanwan stes talun Igiptu, kabul ban am sas awayan, sas fanlunus yakmay ban am ankamin.

Eremyas 45:4

“Baruk, katatuy yangay Yawi at longan, ‘Nanrasras kban tuy fag talun ku nawat. Nanggulad kban ku natanum. Ay namakamulun kban takatatuy sas fagdaul talun.

Esekyel 21:19

“Taw at baguama, nangawat o sik fagaloan ay awati yangay duak dalan, laman talun Babilunya at fun at ke fiso tagsumbalian at uyup at dalan. Am fagnantagisun fag dalan gfasigad siginans talun Babilunya. Ay namoli o sik fakatoglagan sis sagbatan fag duak dalan laman galay sik dalan kasaful nu dada.

Esekyel 23:36

Yawi gdog yay nalong angku te, “Taw at baguama, insafuli Ula ay Uliba. Namalag o sa kafag duksay te, at nafakamulun maksvn nu mauri.

Esekyel 32:18

“Taw at baguama, abalui laman sa sangay taw Igiptu ay sa sangay taw tagbanwan sa tibak talun at mabalyanan. Aroro namatong kban kanya fagayu sas daga daga nangagamut at ngay kinbul.

Esekyel 36:36

Ay fagayu ban talun tagligung si ayu sumaful te, au Yawi at nafawat ay ngay furuan at kinrasras, ay at natanum nusnge wain sa ay talun ebi ataw at mabaluanan. Matuyan, namakamulun kban takatanya fagayu. Au, Yawi, taglong tuy.’ ”

Esekyel 43:3

Ay kanya fag taginfan kata yangay ku nalag ebi gina Dius narasras furuan Erusalem, ay kata yangay ku nalag fag taginfan sas tigyangan Liskung Kebar. Nu nalag au, namalub au sas daga.

Usea 6:5

Nu katanya, nafararang au sa ayu siginan ku ngay taglong at foyungan sa ayu te, namaurianan kban ay namabul ayu kasakit sik limbad.

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.

Amus 9:11

Umdasug ban sik menit gdog au namalindug Dabid at fagfagtainanan kata sik bale famoy at kinkiklas. Namasine kban kata ebi nu masine,

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”