Eremyas 1:1 - Fanawbuid tagsibaliwas Fakayabian

¹ Katatuy Eremyas, Kilkya at baguama, at ngay foyungan. Kilkya, sik tagfon fanggalangun sis Anatut, sis Benamin fag kasugfunanan at daga.

Eremyas 1:1 ပူးပေါင်းရင်းမြစ်များ

1 Fun 2:26

Ay fun Sulumun glong sas tagfon fanggalangun Abyatar te, “Ulii sam tanuman sas Anatut. Masine o kabul, nute kwa gfabul ya emu katsi aroro nabuba o tam Fun Yawi at Fagsuadan Nasadian si ku mama Dabid at fagunan, ay antaip yangay o sat ngay fagagwantanun.”

1 Krunika 6:60

Ay siginan Benamin at kasugfunanan at daga nafon sas Arun at kasugfunanan ngay furuan: Gibyun, Geba, Alemet ay Anatut ay anggan at ngay fagnamafangonan fagbaugun. Ay fagayu at nafon sas Kuat at gaban tiba, labi tuluk furuan.

2 Krunika 35:25

Ay Eremyas nawat sik ngay alubad sabaliwa nu kabalu Usyas, ay dasug katsi ngay tagsaful galubad, galubad laman gamatang anya. Ngay taw Israel galubad gugat takatanya fag alubad. Ay kafag ngay alubad marirukan sis fafil sabaliwa nu kabalu.

2 Krunika 36:12

Sedekya at fakamulun mauri way sit Dius Yawi at daga salubangan, ay kanya wa nafamababaun sas Eremyas, Yawi at taglong.

2 Krunika 36:21

Nu katanya, anfasludan Yawi at longan siginan at taglong Eremyas te, umsik mabaluanan ban at talun, ay kanya ban fag talun gfiangalay way kaduge fituk safuluk banwa.

Esra 1:1

Gina taguna fag banwa fun Sirus nu gfunan sis Persya, Yawi nafafasludan at longan at nalong sat taglong Eremyas. Ay kanya nafamatanganan Sirus laman kawat sik foyungan. Ay fun Sirus nariruk kafag foyungan, ay nafabuba sas fagdaul at fagfagtainanan:

Isayas 1:1

Tuy fag fafil gfayamag sabaliwas Dius at nafalag fag taginfan sas Isayas, Amus at baguama, sabaliwas Uda ay Erusalem ebi gina Usya, Utam, Akas ay Esekyas gtudtubusan gfunan sis Uda.

Isayas 10:30

Ngay taw Galim, uroi! Ay am ngay taw Lais ay am at afanyuan fag ngay taw Anatut, dungugani!

Isayas 2:1

Katatuy Isayas, Amus at baguama, at nalag fag foyungan sabaliwas Uda ay Erusalem:

Eremyas 11:21

Ngay taw Anatut e algan gfabul angku, kway gfaragang nu kamoyung au Yawi at longan. Nu katanya, Yawi at Mabalyanan nalong te, “Namaurianan au kanya fag ngay taw: at ngay baguama umbul sas awayan, ay at ngay sisian umbul sas lunus.

Eremyas 29:27

Wain am fagyudun nafaragang Eremyas tagsiginans Anatut gina glong te, kanya sik taglong tagsi ayu?

Eremyas 30:1

Yawi nalong sas Eremyas te, “Au Yawi at Mabalyanan, Israel at Dius, glong au sa emu te, riruki sa sik fafil fagayu ku nalong sa emu.

Eremyas 37:12

Eremyas nalao wan siginans Erusalem ay nasas Benamin at daga laman nangagbilug at afud fag daga siginan at ngay kalongan.

Amus 1:1

Katatuy Amus at foyungan sabaliwas Israel. Amus sik taw Tekwa ay sik tagalaga tupa. Ay Dius nafasure sa anya at madulo, ay ginanya, dua yak banwa ay nauig sanya fag daga. Ginanya, Usya at fun sis Uda, ay Erubuam, Yuas at baguama, at fun sis Israel.

Amus 7:10

Amasya fag tagfon fanggalangun sis Betel nafadasug sas Erubuam, Israel at fun, sik rirukan. Katatuy at marirukan, “Amus e algan mauri sa emu ste sis talun Israel. Ay fagayu taw wa kagwanta ya Amus at ngay nalong.

Mateu 16:14

Ay at ngay tagadal nabalus te, “Tibak taw glong te, o wan Uan Tagfasurung, ay tiba glong te, o wan Dius at taglong Elyas, ay tiba glong te, Eremyas, ay mannga tiba yak taglong ebi.”

Mateu 2:17

Ay at fakamulun katanya nafafasludan Dius at taglong Eremyas ebi at longan te,

Mateu 27:9

Nu katanya, anfasludan Dius at taglong Eremyas at nafoyung te, “Kafag ngay taw nabul kafag tuluk safuluk salapi, ngay taw Israel at longan at famayad sa anya.