Ebreu 9:7 - Fanawbuid tagsibaliwas Fakayabian

⁷ Ay at manansakbo sat faduak suluk, tiba tungud way lang fag tagfon fanggalangun, nustua sadi ginan way galay sik banwa. Ay galay kanya gsakbo sanya fag suluk, kanya gbuba sik fanggalangun fag taguk, laman famalyam at sadili asalanan ay anggan fagayu taw at yud algan fag ngay asalanan.

Ebreu 9:7 ပူးပေါင်းရင်းမြစ်များ

2 Samwel 6:7

Ay Yawi maksvn nu kadotama Usa ay nafabul anya aroro sat nafakamulun, ay Usa nbul sis day Fagsuadan Nasadian.

2 Krunika 33:9

Dewa katanya, Manase nafaylat ngay taw Uda ay Erusalem, laman gfakamulun at mauri, ay kanya fagayu at nafakamulun mauri gtungud yap tua tibak gaban taw at nafakamulun mauri. Yawi nafamin kafag ngay taw si sangay taw Israel at daga salubangan.

Alubad. 19:12

Nusnga sinu wa saful at asalanan. Nu katanya, falyami wan ku ngay asalanan ku fagyudun saful.

Alubad. 95:10

Kaduge ufatk safuluk banwa maksvn nu kadotama au anya fagayu, ay nalong au te, ‘Kanya fag ngay taw natalyuyan angku ay wa nafaning ku ngay foyungan.’ ”

Nu Galin 30:10

Galay sik banwa, sayginan Arun nu nanrarus sas fagirugan at ngay sunge taguk tagsiginans famalyam asalanan fag fanggalangun. Fakamuluni ban takatanya galay banwa, anggan ban sat fadogan ay kasugfunanan. Aroro tuy fag fagirugan mafasamanan fia sa angku.”

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Isayas 3:12

Yawi nalong te, “Ku ngay taw, ay ngay baguama kata way sik ngay sisian gfaidapan ayu. Sik ngay mangena way lang tagfangguna ayu. Ay ay ngay tagfangguna gtaban way ayu sat yud matuyan fag dalan.”

Isayas 9:16

Taw Israel at ngay tagfangguna gtabanan way at fagfanggunaun fag ngay taw sat yud matuyan, nu katanya, kafag ngay taw gaduanun.

Usea 4:12

Kanya gfamatang way ayu laman nanseg am sa sangay fagsegan at mawatan siginans kayu, ay gafanud am te, kanya ro fag ngay fagsegan gbalus tua ayu. Ay at mauri fag falad gfaylatan ay gtaban ayu, laman nanseg am kafag ngay fagsegan, nu katanya, natalyuyan am angku, kata sik takamatugtug fag mangena.

Lebitiku 16:34

“Ngay taw masine nu gfaning tuy fag ngay faugali kabavn ban laman famalyam at ngay asalanan. Ay sadi ginan nu gfakamulun galay banwa.” Ay nafakamulun takatanya kata Yawi at suguan sas Muisis.

Lebitiku 5:18

Ay kanya nu nasaful te, anke asalanan, kanya masine nu namon sa sangay tagfon fanggalangun sik riangan tupa at yud e malong, laman famalyam at asalanan. Ay kanya nu dway mafon sik tupa, masine nu gfon salapi, kabyat sik famayad tupa ay gsud si sangay tagfon fanggalangun at famabudbungguan nu gfabudbungguan. Siginan takatanya, Yawi gfalyam kafag taw at ngay asalanan.”

Amus 2:14

Nu katanya, dewa at masakit glagyu, wa malagyu ya, ay at magaras fag ngay taw ummomuy, ay at ngay tagfawayan wa mafalangfe at sadili.

Tap 15:25

Ay ngay tagfon fanggalangun gfon takatanya laman famalyam fagdaul talananan at ngay asalanan. Gfalyam au anya fagayu aroro bunwa yay kanya at algan, ay kanya fagayu gfon yangay fanggalangun sik fanggalangun siginans afuy ay fanggalangun famalyam asalanan.

Efesu 4:18

Kanya wa natogdungug, aroro siginan at fagyudun mamatanganan ay fakamaogatunun, takatanya fag taw we afud Dius at famonun fag leleg.

Ebreu 10:3

Ay aroro mangaro kanya fagayu nu gfon gugat at ngay fanggalangun galay banwa, gfamatang way anya fagayu sat ngay asalanan.

Ebreu 6:19

Tam fagbakvdun fag fagsegun, kanya wan at mogat ay at maksvn, tagfatawad tam leleg. Kanya ndasug tsiuy baliwa fantaba fag ramit, sat Mafasamanan fia fag Suluk.

Ebreu 7:27

Isus wa kata tibak tagfon fanggalangun, tagfon gugat at fanggalangun kayu menit, taguna laman sat sadili asalanan ay sanya ginan laman sa sangay taw at ngay asalanan. Isus sadi ginan way nu gfon fanggalangun, gina way lang gfon at sadili sas fagayu taw.

Ebreu 9:3

At faduak suluk tagsi baliwa fantaba fag ramit daul, nafangayan te, at Mafasamanan Fia fag Suluk.