Ebreu 9:3 - Fanawbuid tagsibaliwas Fakayabian

³ At faduak suluk tagsi baliwa fantaba fag ramit daul, nafangayan te, at Mafasamanan Fia fag Suluk.

Ebreu 9:3 ပူးပေါင်းရင်းမြစ်များ

1 Fun 6:16

Ay kanya nafae suluk sis basad bale siginan nu gfae dingding fanwabilug, laman kawat at Mafasamanan Fia fag Suluk. Kafag dingding mawatan balse sidru.

1 Fun 8:6

Sanya ginan, ngay tagfon fanggalangun nafasakbo Fagsuadan Nasadian sas Yawi at bale sat Mafasamanan Fia fag Suluk, si sangay tagleleg fag ngay awatan at ngay daga fakfak.

2 Krunika 3:14

Ay at famalabag sat Mafasamanan Fia fag Suluk sik ramit at mawatan siginans ramit maubian, maraska, ay melo, ay at masine fag ramit, ay e aninu at ke fakfak fag awatan.

Nu Galin 40:21

Ay Muisis nafasakbo kafag fagsuadan sas Fagnansegan fag Bale Ramit, ay narabing famalabag fag ramit, kata Yawi at suguan.

Nu Galin 40:3

Ay fasakboi sanya Fagsuadan Nasadian, ay rabingi yangay at famalabag fag ramit.

Isayas 25:7

Ay ste yay fag buksul, Yawi nu gfalyam fagayu talun at ngay taw at fakabaluun.

Esekyel 41:4

Ay kanya nafasud yangay tagsisad bale fag suluk. At kabaan tuluk safulu e ufatk darafa gsugfunan ay at kadaulan katanya yangay. Sanya ginan, kafag taw nalong sa angku te, “Ste at Mafasamanan Fia fag Suluk.”

Tap 4:5

Ay gina am galaoun siginan ay fakaragangan, Arun talamean nansakbo sas bale ramit laman namul famalabag fag ramit ay nantabun Fagsuadan Nasadian.

Mateu 27:51

Ay ginanya, fantaba fag ramit sad basad Dius at bale an-girat siginan at tungud sitsigon tdaga, ay ankafud dua. Ay daga nauigan ay ngay gang nafangabaltakan way lang,

Ebreu 6:19

Tam fagbakvdun fag fagsegun, kanya wan at mogat ay at maksvn, tagfatawad tam leleg. Kanya ndasug tsiuy baliwa fantaba fag ramit, sat Mafasamanan fia fag Suluk.

Ebreu 9:7

Ay at manansakbo sat faduak suluk, tiba tungud way lang fag tagfon fanggalangun, nustua sadi ginan way galay sik banwa. Ay galay kanya gsakbo sanya fag suluk, kanya gbuba sik fanggalangun fag taguk, laman famalyam at sadili asalanan ay anggan fagayu taw at yud algan fag ngay asalanan.

Ebreu 9:8

Kata kanya at Masine fag Falad nu gfasaful te, ya maluangan dalan tagsat Mafasamanan Fia fag Suluk sis banwa kaduge ban nu sanya yay bale ramit fagnansegan Dius.