Ebreu 9:2 - Fanawbuid tagsibaliwas Fakayabian

² Ay kafag bale ramit e duak suluk. Taguna fag suluk nafangayan te, at Mafasamanan fag Suluk. Ay mafasakboan sanya, salung ay sik fagfatungkudan ay sanya yangay sik ngay tinapay laman at fanggalangun sas Dius.

Ebreu 9:2 ပူးပေါင်းရင်းမြစ်များ

Nu Galin 25:23

“Namawat yangay o sik fagfatungkudan tinapay fag fanggalangun at fangawat akasya, at kabaan ufatk dango, ay at kadaulan duak dango, ay at kabatan tuluk dango.

Nu Galin 25:30

Fae tinapayi tua gugat si ku daga salubangan fag fagfatungkudan.

Nu Galin 25:31

“Namawat yangay o fagfatungkudan salung, ay at fantukud, ay at bilugan, ay at famasine takatas barugwak at kinbuskad wan ay at yud anbuskad, mawatan siginan at yud e suglat fag gintu.

Nu Galin 26:1

“Katatuy am fagnamawatun fag Fagnansegan fag Bale Ramit. At ngay fangawat: safuluk girat at masine fag ramit, melo, maubian, ay maraska. Ay sugui sa tagsaful kawat te, fae aninui kafag ngay ramit ngay awatan at ke fakfak.

Nu Galin 26:33

Nu nasayang wan kanya fag ramit sanya fag ngay fagsayangan, fasakboi sanya fag suluk Fagsuadan Nasadian. Ay kanya fag ramit fanwabilug at Mafasamanan fag Suluk ay at Mafasamanan Fia fag Suluk.

Nu Galin 26:35

Folii fagfatungkudan tinapay sas day Mafasamanan Fia fag Suluk at day guyuy si baliwas wala fag alvngvdan bale ramit. Ay folii salung sis siun fag alvngvdan, sis aturunan fagfatungkudan tinapay.

Nu Galin 29:1

“Katatuy am fakamulun nu gfatigwanan o Arun talamean laman ban sik ngay tagfon fanggalangun sa angku. Namul o sik riangan baka tama ay duak tupa tama at yud e malong.

Nu Galin 29:35

“Fakamuluni ku suguan emu sabaliwas Arun talamean. Ay fatigwanani talamean kaduge fituk menit.

Nu Galin 40:2

“Fawati sik bale fagnansegan angku (at ngayan yangay te, Bale Fagnangablanganan), gina taguna fag menit sis fasadik magdanun.

Nu Galin 40:4

Fasakboi fagfatungkudan tinapay sasad bale ay fasinei at ngay fagagbilugun sanya. Fasakboi yangay fagfatungkudan salung ay fasanyai ngay salung.

Mateu 12:4

Kanya nasakbo sas Dius at bale ay naon fanggalangun fag tinapay, ay nafon yangay sat ngay ufud, Dius at Longan dewa gsalag takatanya. Aroro at masine kon, kayu way ngay tagfon fanggalangun.

Mateu 5:15

Katanya yangay sik taw nu nafasalung tua sik salung, di nanuklub sik alungkung, nu bunway namasa tuas fagfatungkudan laman dumamlag fagayu taw sanya fag bale.

Ebreu 9:25

Galay banwa taw Udyu at tiba tungud fag tagfon fanggalangun gsakbo sat Mafasamanan Fia fag Suluk gbuba at fanggalangun at taguk. Ay tam Fun Isus nu gsakbo sadi ginan way laman namon at sadili.