Ebreu 8:9 - Fanawbuid tagsibaliwas Fakayabian

⁹ Ay kanya ban fag nasadian di ban kata ku nasadian sat ngay mangaguyang, gina au gtaban anya fagayu siginans talun Igiptu. Kanya fag ngay taw wa nafataglayun nu masadi sa angku, nu katanya nafabayan kwan anya fagayu.”

Ebreu 8:9 ပူးပေါင်းရင်းမြစ်များ

Fakasigadan 19:16

Lut gawabilugan glao, ay tagbarita nated Lut fag talanan at ngay take ay nataban gfaduksun sas day furuan, aroro Yawi kafanyu kafag talanan.

Ub 8:20

At mafanud, Dius di gaiyan sik taw at matuyan. Ay wa ggubuk at mauri fag taw.

Alubad. 105:43

Kanya nafaduksun at nafili fag ngay taw siginans Igiptu, ay kanya fagayu guro guseganan.

Alubad. 77:20

Nataban o am ngay taw kata sik tagalaga tupa, ay nafili o Muisis ay Arun laman tagfangguna.

Alubad. 78:57

Kanya fagayu natalyuyan ay nafamabo Dius, ay kanya fagayu kata at ngay mangaguyang at yud e tungkul ya, ay at kinkata sik godun at yud katon ya.

Nu Galin 32:8

Kanya fagayu masakit kalyam ku ngay suguan, ay nawat sik fagsegan baka riangan, ay gseg anya ay gfon at ngay fanggalangun, ay glong te, ‘Tuy tam dius at nataban antam siginans talun Igiptu.’ ”

Nu Galin 34:10

Yawi nalong te, “Kawat kban sik nasadian sa ayu. Sis salubangan am ngay kaiban, gfasure kban sik ngay madulo nusnga setaw ku nayud nafasure sas nusnga sinu fag ngay gaban taw sas fagdaul daga. Ay tagsi ay ligung fag ngay taw lumag ban ku ngay fagnamakamulunun siginan emu.

Sulumun at Alubad 8:5

Sinu manga atsi takadasug siginans talun at yud e taw at masarare sit fakesugun fag mangama at lafi kaduge glo? Nafulo au emu sis daga fun kayu at mayayum nu grawvg, nu inda am mina nu gfandeng gfasalug emu.

Isayas 40:11

Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Isayas 41:13

Aroro au, Yawi am Dius, tagfabitsug emu ay taglong te, lag o kalimu aroro ggubuk au emu.

Isayas 51:18

Ay nusdi sadi am sisian we gtabanan ya emu, ay wa yangay e ggubuk ya emu.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Eremyas 31:32

Kanya ban wa kata ya ebi taguna fag nasadian ku nawat sat ngay mangaguyang gina au gtaban anya fagayu kaduge glao siginans talun Igiptu. Dewa au kata nu at indugan, kanya fagayu wa nafaning taguna em nasadian.”

Takabalu 4:16

Yawi nafasaruayan ay wa nagubuk ya anya fagayu. Ay nusnga sinu we gsuyu ya ngay tagfon fanggalangun ay ngay tagfangguna.

Esekyel 16:59

“ ‘Fun Dius Yawi glong te, gfaurianan kban emu aroro nafaeyud o e masuad am fatuyanan siginan nu yud o gfaning ta nasadian.

Esekyel 16:8

“ ‘Ay gina au nadog nadalan emu, nalag au te, baguina wo. Nu katanya, nafae lanbung au emu, ay nafatuyanan au te, kesug au emu. Ay nawat au sik nasadian sa emu te, au wan tagagbilug emu. Au, Fun Dius Yawi, taglong tuy.

Amus 5:22

Nu katanya, dewa am namuba sa angku ay fagirugun fag ngay fanggalangun ay gutluan fag fanggalangun, ay ay nafataglu fag fagbaugun, kwa kaylat.

Malakyas 2:13

“Ay katatuy ya ay fakamulun, gwayway am maksvn sis Yawi at daga salubangan aroro kanya wa kasalag ya ayu, ay wa kaylat ay ngay fanggalangun.

Markus 8:23

Ay Isus nated at yud glag at daluap ay nataban sas day furuan. Ay Isus natufe sat yud glag at mata, ay nafatayuk at daluap sa anya ay nainto te, “O glag wo nusnge wain?”

Fakamulun 13:11

Tam Fun ro gfaurianan emu. Siginan ro katsi anggan ban nu seyu kmenit wo glag ya at mayamag.” Ay arodi vtv Elimas gyakapan laman nanrvbvy tagtaban anya.

Fakamulun 7:36

Muisis nafangguna ay nafalfas ngay taw Israel siginans talun Igiptu. Ay kaduge ufatk safuluk banwa, kanya nafakamulun at ngay madulo ay at mabalyanan fag ngay fakamulun tagfatoglag te, Dius si anya. Anfasludan takatanya gina kanya fagayu glao siginans talun Igiptu ay gina gdife sis Dagat Maraska ay sit yud e taw fag talun.

Fakamulun 9:8

Ay Saulu anlindug ay nu nafandama wa glag, nu katanya, at ngay ufud nataban anya sas furuan Damasku.

Galasya 4:24

Tuy sik faydayuanan. Kafag duak mangena kata duak nasadian. Agar fag fagsuguan, kata at nafon fag nasadian sis Buksul Sinay. Fagayu at kinsalug siginan anya, sik ngay fagsuguan yangay.

Deuterunumyu 29:1

Katatuy ngay fagaloan laman ngay taw Israel mafafaning, Yawi at nafawat sas Muisis fag nasadian sis Muab. Kanya fag nasadian saman ya Yawi at nafawat sa anya fagayu sis Kureb.

Deuterunumyu 29:12

Katsi malindug am ste laman nangawat am sik nasadian sas Yawi. Ay katsi Yawi nafaksvn tuy fag nasadian.

Deuterunumyu 29:25

Ay e gbalus ban anya fagayu te, “Aroro kanya fag ngay taw wa nafaning kata at nasadian sas Yawi, at ngay mangaguyang at Dius at nafalfas anya fagayu siginans talun Igiptu.