Ebreu 8:8 - Fanawbuid tagsibaliwas Fakayabian

⁸ Tam Fun nalag at furuan at kakurangan, ay kanya nalong te, “Kadasug ban sik menit, nangawat kban sik bagu fag nasadian sa sangay taw Israel ay sa sangay taw Uda.

Ebreu 8:8 ပူးပေါင်းရင်းမြစ်များ

Isayas 55:3

Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Eremyas 23:7

“Ginanya ban fag buknga, ngay taw wa glong ya te, ‘Gfatuyanan au sas Yawi, tagleleg fag Dius at nafalfas ngay taw Israel siginans talun Igiptu!’

Eremyas 30:3

Aroro kadasug wan at buknga nu gfafoli au ku ngay taw Israel ay ngay taw Uda siginan at fagatabananan. Ay namafoli kban anya fagayu sa ku nafon sat ngay mangaguyang fag talun.”

Eremyas 31:27

Yawi glong te, “Kadasug ban sik menit, gfayu kban ngay taw Israel ay ngay taw Uda anggan at ngay fagbaugun.

Eremyas 31:38

Yawi gfataglayun glong te, “Abandi ban e gdog yay kawat Erusalem laman sa angku, siginans Kananel fag bale ngabat fagulitan, sitsigons Sakbawan tagsis Fugungan.

Eremyas 32:40

Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Esekyel 37:26

Nangawat kban sik nasadian sa kafag ngay taw laman ban kanya fagayu manabayan tua gugat. Ay em nasadian ban di e fakatabuan. Namabanwan kban ay namaayu anya fagayu sat talun. Ay namawat kban ku bale, ay sanya tua ban gugat.

Mateu 26:28

Tuy ku taguk takabusbus ban laman gfalyam ngayuk taw at asalanan, ay famatuyan Dius at nasadian sa sangay taw.

Markus 14:24

Ay kaya nalong te, “Tuy ku taguk takabusbus ban laman gfalyam ngayuk taw at asalanan, ay famatuyan Dius at nasadian sa sangay taw.

Lukas 17:22

Isus nalong sat ngay tagadal te, “Umdasug ban sik buknga, maksvn ban nu gyalagun am Taw at Baguama dewa way sadik menit, ay ya ban am lumag.

Lukas 22:20

Ay katanya yangay, nu ntabu wan at yafun, Isus nabul sik taya ay nalong te, “Tuy fag taya tam bagu fag nasadian sa ku taguk, laman famalyam ay ngay asalanan.

Lukas 5:38

Abat ngate, sik taw nu gtalin at bagu fag fanlangu sa tua at bagu fag fagsuadan mawatan fagbaugun at balat.

1 Kurintu 11:25

Ay katanya yangay, nu ntabu wan at yafun, Isus nabul sik taya ay nalong te, “Tuy fag taya tam bagu fag nasadian sa ku taguk. Galay am ginum tuy, fakamuluni gugat takatatuy laman gamatang am angku.”

2 Kurintu. 3:6

Kanya wan at nafon emi fagmakatuun laman tagfakamulun sat bagu fag nasadian, bundi takata at kinriruk sis Muisis at Faugali, nu bunway siginan tua at Masine fag Falad. Aroro kafag faugali at fungfung fakabulun way, ay at Masine fag Falad at fon leleg tua.

Deuterunumyu 29:14

Dewa katanya, kanya ban fag nasadian bundi lang sa ayu at malindug katsi ste sis Yawi at daga salubangan, nu bunway anggan tua ban sa ay ngay kasugfunanan takasalug yay ban.

Ebreu 12:24

Ay andasug wam sas Isus, Tagwabilug sat Bagu fag Nasadian. At taguk at kinbusbus gfalyam asalanan, ay di kata Abel at taguk taget famasud.

Ebreu 7:22

Ay aroro Dius nafatuyanan takatanya, Isus wan tagfatuyan sa antam te, at bagu fag nasadian gtungud tua nu masine.

Ebreu 8:13

Gina Dius nalong sabaliwa at bagu fag nasadian, kanya nafae yud e tungkul taguna fag nasadian. Ay nusnge wain at yud e masuad ya ay tagakalyamun wan, umkalyam wan.

Ebreu 8:6

Dewa katanya Isus at fakamulun amasine yap tua ngay tagfon fanggalangun at fakamulun. Ay kanya tagwabilug Dius ay taw at nasadian. Ay kanya fag nasadian gtungud tua at dan fag nasadian, aroro kanya fag nasadian siginan sangay fatuyanan tagtungud tua nu masine.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.