Ebreu 8:5 - Fanawbuid tagsibaliwas Fakayabian

⁵ Kafag ngay tagfon fanggalangun at fagfakamulunan fag bale sik fafaskudanan way ay sik aninu tagsis banwa fag bale ramit. Aroro gina Muisis ganangawatun kafag bale ramit, maksvn Dius nu gsugu anya te, “Fakamuluni fagayu nusnge wain kata ku nafalag sa emu fag fagfaningan gina o sis buksul.”

Ebreu 8:5 ပူးပေါင်းရင်းမြစ်များ

1 Krunika 28:12

Ay kanya nafon wan fagayu fagaloan at Masine fag Falad at nafoyung anya nu namawat Yawi at bale at ngay fagaweanan, sas fagayu suluk tagsit ligung, fagfungsuan nusnge wain, ay fagfungsuan yangay nusnga setaw fag ngay fanggalangun.

1 Krunika 28:19

Ay fun Dabid nalong te, “Tuy fag ngay fagaloan anriruk kata Yawi at suguan, ay nafoyung angku nu setain tuy fagayu nu kafasludan.”

Nu Galin 25:40

Tuyani fia te, namawat o fagayu takatanya kata ku nafalag sa emu ste sis tungud buksul.

Nu Galin 25:9

Namawat yangay o kafag bale ramit ay anggan tagsanya fag ngay fagagbilugun kata ku suguan emu.

Nu Galin 26:30

“Fawati Fagnansegan fag Bale Ramit, kata ku foyungan emu ste sis tungud buksul.

Nu Galin 27:8

Ay am fagfawatun fagirugan sik ngay turuk at yud e bilug sad basad. Namawat o fagayu takatanya kata ku nalong emu gina o sis tungud buksul.

Tap 8:4

Ay fagdaul fagfatungkudan salung siginans daga ay sat tungud mawatan gintu, kata Yawi at nafalag sas Muisis.

Mateu 2:12

Ay Dius nasalag kafag ngay mamatanganan fag taw sit taginfan te, “Lag am kafoli sas fun Erudes.” Nu katanya, kanya fagayu nu kafoli sat talun nasaruyan way sa tibak dalan.

Fakamulun 7:44

Ay sis talun at yud e taw tam ngay mangaguyang nawat bale ramit laman fagfasakboan Dius at Nasadian. Kanya fagayu nawat sik bale ramit kata Dius at longan sas Muisis, gfaning at nafalag sa anya fag fagaloan.

Kulusas 2:17

Takatanya fagayu sik ngay aninu way sa takadasug ban. Ay anfasludan takatanya siginan tam Fun Isus.

Ebreu 10:1

Muisis at Faugali sik malikbug yay fag aninu, sik fafaskudanan sat masine takadasug yay ban. Kafag Faugali bunwa kanya at matuyan, nu katanya wa mafafasine fagayu taw at nangakbang sas Dius siginan at ngay fanggalangun at fagnamonun galay banwa.

Ebreu 11:7

Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

Ebreu 13:10

Ngay tagfon fanggalangun tagfakamulun sis Dius at bale wa masine namasfuan antam nangon sa tam fagirugan.

Ebreu 9:9

Kafag bale ramit sik faydayuanan way sabaliwa katsi fag buknga. Nu katanya, mayamag te, ngay tagfon fanggalangun at nafon fag ngay fanggalangun wa mafafasine ngay tagseg at ngay amatanganan.

Uswe 22:28

“Ay ngay kasugfunanan ban nu nalong way takatanya, em ngay kasugfunanan ban gbalus te, ‘Em ngay mangaguyang nawat tuy fag fagirugan, kata fagirugan laman sas Yawi, bunwa laman fagnangirugan em ngay fanggalangun ay tiba ya em fanggalangun, nu bunway sik famasaful sa emi ay sa ayu te, sadi way tam fagsegan fag Dius.’

At Nafasure 15:5

Ay arodi, nalag kyangay Dius at bale tagsis banwa nu kaluang, kafag bale Dius at bale ramit nu inda nu mafasakboan Dius at nasadian.