Ebreu 8:4 - Fanawbuid tagsibaliwas Fakayabian

⁴ Kanya ro nu ste way gugat swa daga, bunwa sik tagfon fanggalangun aroro e ngay tagfon fanggalangun wan at kinfili siginans Muisis at Faugali.

Ebreu 8:4 ပူးပေါင်းရင်းမြစ်များ

Tap 18:5

“O wan tagfangguna nu galaga ku bale ay anggan fagirugan, laman kwa kadotama ngay taw Israel.

Ebreu 10:11

Kayu menit fagayu tagfon fanggalangun malayun nu gfon fanggalangun. Katanya way gugat at ngay fon fag ngay fanggalangun ay wa ngap mafalyam taw at ngay asalanan.

Ebreu 11:4

Aroro Abel gafanud tua sas Dius, at fanggalangun amasine yap tua Kain at fanggalangun. Ay aroro kanya gafanud tua, Dius natap anya te, sik taw matuyan aroro naylat at ngay fanggalangun. Ay Abel dewa anbul wan, e fagfoyungun yay sa antam, siginan at fagafanudun sas Dius.

Ebreu 5:1

Fagayu tiba tungud fag tagfon fanggalangun, anfili siginan sangay taw laman nanwabilug sas Dius ay sa sangay taw. Kanya gfon fanggalangun famalyam ngay taw at ngay asalanan.

Ebreu 7:27

Isus wa kata tibak tagfon fanggalangun, tagfon gugat at fanggalangun kayu menit, taguna laman sat sadili asalanan ay sanya ginan laman sa sangay taw at ngay asalanan. Isus sadi ginan way nu gfon fanggalangun, gina way lang gfon at sadili sas fagayu taw.

Ebreu 8:3

Nafili fagayu tiba tungud fag ngay tagfon fanggalangun laman tagfon ngay famonun ay ngay fanggalangun. Nu katanya anggan nangus tam tiba tungud fag tagfon fanggalangun e famonun yangay.

Ebreu 9:9

Kafag bale ramit sik faydayuanan way sabaliwa katsi fag buknga. Nu katanya, mayamag te, ngay tagfon fanggalangun at nafon fag ngay fanggalangun wa mafafasine ngay tagseg at ngay amatanganan.