Ebreu 8:3 - Fanawbuid tagsibaliwas Fakayabian

³ Nafili fagayu tiba tungud fag ngay tagfon fanggalangun laman tagfon ngay famonun ay ngay fanggalangun. Nu katanya anggan nangus tam tiba tungud fag tagfon fanggalangun e famonun yangay.

Ebreu 8:3 ပူးပေါင်းရင်းမြစ်များ

Uan 6:51

Au wan tagsiginans banwa fag fakonun tagfon leleg. Nusnga sinu tua ban at naon kanya fag fakonun gleleg tua ban kabavn. Ku fagnamonun fag fakonun ku bilug wan, laman namon au leleg at yud e fakatabuan sas fagayu taw ste swa daga.”

Ruma 4:25

Dius naylat nu e gfabul Isus aroro sa tam ngay asalanan, ay nafadog nafaleleg anya laman gtap antam kata nu yud tam e asalanan.

Ruma 5:6

Ebi gina tam mamomuy yay, tam Fun Isus anbul sit kasakan fag buknga laman sa sangay tagasalanan.

Ruma 5:8

Ay dewa katanya, tam Fun Isus anbul aroro sa antam gina tam sik ngay tagasalanan yay. Katanya Dius nu gfalag sa antam te, kesug antam.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

Ebreu 5:1

Fagayu tiba tungud fag tagfon fanggalangun, anfili siginan sangay taw laman nanwabilug sas Dius ay sa sangay taw. Kanya gfon fanggalangun famalyam ngay taw at ngay asalanan.

Ebreu 7:27

Isus wa kata tibak tagfon fanggalangun, tagfon gugat at fanggalangun kayu menit, taguna laman sat sadili asalanan ay sanya ginan laman sa sangay taw at ngay asalanan. Isus sadi ginan way nu gfon fanggalangun, gina way lang gfon at sadili sas fagayu taw.

Ebreu 8:4

Kanya ro nu ste way gugat swa daga, bunwa sik tagfon fanggalangun aroro e ngay tagfon fanggalangun wan at kinfili siginans Muisis at Faugali.

Ebreu 9:14

Tam Fun Isus at taguk gtungud tua nu nafafasine tam amatanganan ay tam basad laman gtalyuyan watam at yud e tungkul fag fakamulun, ay gfaning tua tam tagleleg fag Dius. Tam Fun Isus di e malong, ay nafon at sadili sas Dius siginan at Masine fag Falad at yud e fakatabuan.