Ebreu 8:2 - Fanawbuid tagsibaliwas Fakayabian

² Kanya gfakamulun laman sik tagfon fanggalangun sis fagnansegan Dius fag bale ramit. Kanya, bunwa taw at nawat, nu bunway Dius tua.

Ebreu 8:2 ပူးပေါင်းရင်းမြစ်များ

Nu Galin 25:9

Namawat yangay o kafag bale ramit ay anggan tagsanya fag ngay fagagbilugun kata ku suguan emu.

Nu Galin 28:1

“Namasaman o siginan sangay taw Israel, Arun ay at ngay baguama: Nadab, Abyu, Elyasar, ay Itamar, laman ban sik ngay tagfon fanggalangun.

Nu Galin 28:35

Masine Arun nu galanbungan takatanya gina nansakbo ay gduksun sat Mafasamanan fag Suluk. Kanya ban di kabul nu gfakamulun tua takatanya.

Nu Galin 33:7

Muisis at fangugali wan nu kawat sik bale ramit ngayayu sirut siginans fagmafulan. Ay kanya fag bale nafangayan te, Bale Fagnangablanganan. Nusnga sinu fag taw takaylat gyasafulun Yawi at fakaylatun, namasanya sat bale.

Lukas 24:44

Ay Isus nalong te, “Katatuy ku longan ayu ebi, gina au galo yay ayu: fagayu at marirukan sabaliwa angku sis Muisis at Faugali ay sis Dius at ngay taglong at ngay rirukan, ay anggan si sangay Alubad, umfasludan wan.”

Ruma 15:8

Glong au ayu te, tam Fun Isus ansik fagsuguan sa sangay taw Udyu laman gfasaful te, Dius gfafasludan at ngay fatuyanan sat ngay mangaguyang,

2 Kurintu. 5:1

Nasaful tam te, dewa ban anrasras wan tam fagbanwanan ste swa daga, at masuad tam bilug, tam Dius e nafalganan tua sik fagbanwanan at yud karasras kabavn, ay kanya fag fagbanwanan bunwa taw at nawat.

Kulusas 2:11

Aroro siginan ay fagmasadiun sa tam Fun Isus anke fakatoglagan tuam, bundi takalag si ay bilug fag fakatoglagan, nu bunway siginan tua nu gubun am at mauri fag ngay ugali ste swa daga. Takatanya fag fakatoglagan tagsiginan tam Fun Isus.

Ebreu 10:11

Kayu menit fagayu tagfon fanggalangun malayun nu gfon fanggalangun. Katanya way gugat at ngay fon fag ngay fanggalangun ay wa ngap mafalyam taw at ngay asalanan.

Ebreu 10:21

Ay katsi, e tiba tungud tua tam fag tagfon fanggalangun tagfagtainan Dius at taw.

Ebreu 11:10

Abrayam nafakamulun takatanya aroro at fagrvbvyun sik furuan tua daul at mogat at yud ban kaiklas, Dius at nafalganan ay at nawat.

Ebreu 9:1

Taguna fag nasadian e ngay faugali sabaliwa nu gseg, ay ste swa daga e bale ramit fagnansegan Dius.

At Nafasure 21:3

Ay nadungug au sik uro daul siginans faglunggungan, glong te, “Damai, katsi Dius at fagbanwanan siwa sangay taw. Dius magamut kafag ngay taw. Ay kafag ngay taw ban Dius at furuan, ay Dius ban kafag ngay taw at faudgufudan, ay kanya ban kafag ngay taw at Dius.