Ebreu 6:9 - Fanawbuid tagsibaliwas Fakayabian

⁹ Ku fakesugun fag ngay faduksay, dewa au nalong sa ayu takatanya, natuyan kwa te, matuyan si wam sfakalangfean.

Ebreu 6:9 ပူးပေါင်းရင်းမြစ်များ

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Markus 16:16

Nusnga sinu ban tagafanud ay nu nsurung, umlangfe ban. Ay nusnga sinu at yud gafanud, umfaurianan ban.

Fakamulun 11:18

Ay kanya fagayu nu nadungug takatanya, namaragangan ay gseg Dius. Ay nalong te, “Nu katanya, Dius nafon sik buknga sas yud Udyu fag ngay taw laman gubun at ngay asalanan, ay laman magbilug yangay leleg at yud e fakatabuan.”

Fakamulun 20:21

Ay nafoyung au sas taw Udyu ay sas taw Gresya sabaliwa nu gubun at ngay asalanan ay nu gfaning Dius, ay nu gafanud sa tam Fun Isus.

1 Kurintu 10:14

Nu katanya, ku ngay fakesugun, ayayui siginan at yud matuyan fag ngay fagsegan.

2 Kurintu. 12:19

Gamatangan wayam manga te, gyafafanudun way ami sa ayu te, ami wan at matuyan fag ngay nasugu? Duan. Kamoyung ami sis Dius at daga salubangan sa em fagmasadiun sa tam Fun Isus. Ku ngay fakesugun, nafoyung ami sa ayu takatanya laman gfaksvn ay fagafanudun.

2 Kurintu. 7:1

Ku fakesugun ku ngay faduksay, aroro Dius nafatuyanan tua sa antam takatanya fagayu, ubuni wan nusnge wain tagfasuya tam bilug ay tam falad. Ay kabavn ugatani tua ugalii yud e malong ay suyui Dius.

2 Kurintu. 7:10

Aroro siginans Dius fag fakabaluun kanya gtaban tua ayu laman gubun am ay asalanan, ay gfosuk ayu sas fakalangfean, ay di e kafayud takatanya fag fakabaluun. Dewa katanya, siginans fagdaul daga fag fakabaluun gtaban way antam sas fakabulun.

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Ebreu 10:34

Kafanyu tuam at ngay maubungan, ay guseganan tuam gagwantan dewa e nabul ay ngay ramraman, aroro nasaful tuam te, umke ramraman ban am at yud e fakatabuan, tagtungud tua ay ngay ramraman.

Ebreu 10:39

Ay itam di tam katap sa sangay taw at natalyuyan ay tagafaurianan ban, nu bunway katap tua tam sa sangay taw tagafanud sas Dius ay at kumlangfe.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

1 Pedru 2:11

Ku fakesugun ku ngay faduksay, maksvn nu glong au sa ayu te, am takata sik ngay betaw tagbanwan ste swa daga, ubuni wan ay mauri fag fakaylatun tagfawayan ayu.

2 Pedru 3:1

Ku ngay fakesugun, tuy wan at fadua ginan au griruk sa ayu. Nariruk au sa ayu takatatuy laman gugatan au gfulo ay amatanganan sat matuyan siginan ku ngay famamatang.

1 Uan 2:7

Ku ngay fakesugun, ku rirukan sa ayu bunwa sik bagu fag suguan nu bunway sik tangaduge wan fag suguan, ay nadungug ebi taguna.

Udas 1:3

Ku ngay fakesugun, maksvn nu kaylat au griruk sa ayu sabaliwa tam fakalangfean. Dewa katanya, gtungud yay nu kaylat au griruk sa ayu sabaliwa tagfaksvn ay fagafanudun, laman mabakvd tuam sa ay nadungug fag foyungan, Dius at nafatigwanan sat nafili fag ngay taw.