Ebreu 6:4 - Fanawbuid tagsibaliwas Fakayabian

⁴ We madog ya mafafoli sas fagafanudun ngay taw at natalyuyan Dius, kanya fag ngay taw at kinyamag oma ay at kinke afud wan sas Dius at nafon, ay at ke afud yangay sat Masine fag Falad.

Ebreu 6:4 ပူးပေါင်းရင်းမြစ်များ

Lebitiku 13:55

Ay nu nlangfe fituk menit, tagfon fanggalangun gdog yay nanginsaful kafag lanbung ay fag ngay fagagbilugun. Ay kafag lanbung ay fag ngay fagagbilugun nu gamling yay gugat, ay dewa yay yud anrapyag, tuyani te, masuya wan kafag ngay fagagbilugun, ay irugi wan.

Lebitiku 14:43

Dewa katanya, kanya fag bale nu nadog yay anke amling,

Tap 24:3

ay Balaam nalong te, “Au Balaam, Beur at baguama, ay gamatangan ktua gugat at masine.

Mateu 12:45

Ay kafag mauri fag falad gdog yay nalao ay nataban yay fitu yak mauri fag falad tagtungud yay anya nu mauri. Ay kanya fagayu namanwan sanya fag taw, ay kafag taw nu mauri aksvn yap ebi ataw. Katanya yangay ban takafasludan anggan sa ayu fag ngay taw mauri.”

Mateu 5:13

“Am wan takata sik barara ste swa daga. Ay barara nu dway mayat ya, tain ro nu gdog kae ayat? We tungkul ya. Nu katanya, gukas wan laman ro ngay taw gsiad wan.

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

Uan 3:27

Ay Uan gbalus te, “We taw mafakamulun takatanya nu dway e nafon anya fagmabalyananun siginans banwa.

Uan 4:10

Isus gbalus anya te, “Nu nasaful di o te, nataw Dius at fagnamonun sas taw, ay sinu taget sa emu mamam, malgau ro o way taget sa anya ay gfon ro emu tagfon leleg fag mamam.”

Uan 6:32

Isus glong te, “Matuyan nu glong au ayu te, bunwa Muisis at nafon ayu tagsiginans banwa fag fakonun, nu bunway ku Mama tua. Kanya tua tagfon ayu at matuyan fag fakonun tagsiginans banwa.

Fakamulun 10:45

Ay Pedru at ngay ufud fag ngay taw Udyu tagafanud andulo, aroro at yud Udyu fag ngay taw anke Masine fag Falad yangay.

Fakamulun 11:17

Dius nafon yangay sanya fag ngay taw at nafon antam ebi gina tam bagu gafanud sa tam Fun Isus. Nu katanya, kwa masalag Dius at fakaylatun fag fakamulun.”

Fakamulun 15:8

Dius saful way fagayu taw at amatanganan. Ay kanya nafalag te, kaylat yangay anggan yud Udyu fag ngay taw siginan nu gfon sa anya fagayu at Masine fag Falad, kata at nafon sa antam.

Fakamulun 8:20

Ay Pedru nabalus te, “Umfaurianan o gasfuan am salapi, aroro namatangan o te, salapi, mafabul way Dius at famonun.

Ruma 1:11

Maksvn nu galagun au ayu, laman namon au sa ayu sik famonun siginan at Masine fag Falad, laman gfaksvn ayu.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Galasya 3:2

Ginto au sa ayu te, o at Masine fag Falad antayuk sa ayu aroro nafaning am Muisis at Faugali, o mannga aroro nafanud am sa ay nadungug fag Masine fag Barita?

Galasya 3:5

Ay ginto kyay fia sa ayu te, o Dius at fagnafonun sa ayu at Masine fag Falad ay at fagnafakamulunun sa ayu at madulo, o aroro gfaning am Muisis at Faugali? Duan! At Masine fag Falad gbanwan si ayu, aroro siginan ay nadungug ay ay fagafanudun sat Masine fag Barita.

Efesu 1:18

Ay gdarangin kyangay te, ay ngay amatanganan nangus umyamag laman sumaful am at nafalganan sa antam fag fagsegun te, kanya ban gfon sik masine ay at yud e kurang fag famonun sat ngay nafili.

Efesu 2:8

Siginan Dius at fagmagalangun anlangfe am aroro gafanud tuam. Ay kafag fakalangfean bunwa siginan ayu, nu bunway siginan tuas Dius at famonun,

Efesu 3:7

Siginan Dius at fagmagalangun ay at fagmabalyananun, kanya nafili angku laman gfoyung at Masine fag Barita.

Efesu 4:7

Nafon sas galay antam at sadi sik mafasamanan fag famonun, kata tam Fun Isus at algan at fon.

1 Timuteu 4:14

Lag o gfangulan at Masine fag Falad at nafon emu fag fagmakatuun kata ngay fagtainan at nafoyung sa emu gina gfatayuk sa emu at ngay daluap.

2 Timuteu 2:25

Ay masine kanya famafanyuani tua nu gfakamatoan tagfabadbaboan anya, bangaran ban takatanya fag balyawvtan Dius gfon yay sanya fag ngay taw sik buknga laman gubun at ngay asalanan, ay sumaful yay at matuyan.

2 Timuteu 4:14

Aleandru fag takawat ngay fagagbilugun siginans sanbung, kanya mauri at fakamulun sa angku. Tam Fun waban tagfasud sa anya kata at nafakamulun.

Ebreu 10:32

Amatangani ayu ebi at kinlangfe fag ngay menit, gina am nayamagan. Nagwantan am ay nadalan fag ngay famaskud.

Ebreu 2:4

Dius nafatuyan yangay sabaliwa kafag fakalangfean siginan at ngay fakamulun at mabalyanan ay at madulo ay siginan at Masine fag Falad at fon, at nafon sa sangay taw kata at fakaylatun.

1 Uan 5:16

Sik taw nu nalag at faduksay nu e asalanan, ay at asalanan nu ddi gfadasug anya sas fakabulun, darangini anya, laman Dius gfon anya leleg at yud e fakatabuan. Kanya sabaliwa at ke asalanan at yud gfadasug sas fakabulun. E sik asalanan tagfadasug taw sas fakabulun. Ay bunwa takatanya fag asalanan ku nalong te, darangini.