Ebreu 5:9 - Fanawbuid tagsibaliwas Fakayabian

⁹ Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

Ebreu 5:9 ပူးပေါင်းရင်းမြစ်များ

Alubad. 45:17

Gfamatang kban sas fagayu kasugfunanan sabaliwa emu. Nu katanya, ngay taw ban sas fagayu talun gfauseganan emu kabavn ban.

Alubad. 51:6

Am fakaylatun sa angku sik matuyan fag amatanganan, nu katanya, fae fagsafuluni angku.

Alubad. 51:8

Nafaidapan o angku, kata nu glubuk. Ay katsi, fafolii sa angku fagusegananun.

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 55:3

Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Sakaryas 6:15

“Ngay taw kadasug siginan tangayayu fag talun laman nanggubuk nangawat Yawi at bale. Umfasludan takatanya ay sumaful am te, Yawi at Mabalyanan at nasugu angku stae sa ayu. Matuyan umfasludan takatanya fagayu, nu gfaning tua ban am ay Dius Yawi.”

Mateu 17:5

Ay gina Pedru garingang, sik linyabu masulo nasuklub anya fagayu. Ay sanya ginan sad linyabu e naringang te, “Kanya wan ku fakesugun ku Baguama. Maksvn nu guseganan au anya. Dungugani anya.”

Lukas 13:32

Ay Isus nabalus te, “Afolii wan ay nanlong am sanya fag idu talun te, ‘Dungugani, katsi ay anggan ban balabag gaiyan au at mauri fag ngay falad ay gfafia kyay ngay taw at fakasaitun, ay si bans fatuluk menit gfatabu kwan ku fakamulun.’

Uan 19:30

Ay Isus nu nasupsup wan, kanya nalong te, “Anfasludan wan.” Sanya ginan kanya narungan ay anbul wan.

Fakamulun 3:15

Ay nafabul am tagagbilug tam leleg. Dewa katanya, Dius nafadog yay nafaleleg anya, ay mafatuyan ami sabaliwa anya.

Fakamulun 4:12

Ste sfagdaul daga we mafalangfe antam nu bunway Isus.”

Fakamulun 5:32

Gfatuyan ami te, matuyan em ngay nalag. Ay at Masine fag Falad, Dius at nafon sas fagayu tagfaning anya, gfatuyan yangay.”

Ruma 1:5

Siginan anya, Dius nafon angku ku fanambagun laman sik nasugu aroro sa tam Fun Isus, laman nantaban au fagayu talun at ngay taw sas fagafanudun ay fagfaningun sa anya.

Ruma 10:16

Dewa katanya, bunwa fagayu taw Israel at nafanud sat Masine fag Barita. Katatuy Isayas at longan te, “Em Fun, sinu at nafanud sa em foyungan?”

Ruma 15:18

Aroro kwa gfakamulun nusnga setaw nu nanfamatungudun kway, nu bunway ku fagfakamulunun tam Fun Isus tua at fakamulun, laman siginan ku foyungan ay ku fakamulun at yud Udyu fag ngay taw gfaning tua Dius.

Ruma 2:8

Dewa katanya, Dius ban gfadasug at dotama sa sangay taw takamasadiliun ay at yud gfaning at matuyan, nu bunway gfakamulun way at mauri.

Ruma 6:17

Guseganan au sas Dius te, ebi dewa am gafagsuguanan asalanan, katsi gfaning tuam ku nafoyung sa ayu fag foyungan, sas fagdaul ay amatanganan.

2 Kurintu. 10:5

Ay grasras ami nusnga setaw fag famabadbaboan ay fagayu takamatungudun laman gsalag tibak taw nu kae fagsafulun sabaliwas Dius. Ay gtaban ami fagayu taw laman gfaning tua tam Fun Isus.

Filipus 2:12

Nu katanya, ku fakesugun ku ngay faduksay, kata ebi nu gfaning am gugat ku ngay foyungan ayu, faugati yap nu gfaning am deyud au sanya. Alimui tadtaruyani nu gugatan am gfakamulun at masine yakmay am antuyan te, masadi wam,

2 Tesalunika 1:8

Kanya ban namaurianan fagayu at yud gtoglag Dius ay at yud gfaning at Masine fag Barita sabaliwa tam Fun Isus.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

2 Timuteu 2:10

Ay nu katanya, gagwantan au fagayu nusnge wain laman sas Dius at nafili fag ngay taw, laman siginan tam Fun Isus kanya fagayu umlangfe ay mul at yud e fakatabuan fag fagmasineun.

Ebreu 1:14

Nu katanya, ngay tagbarita, kanya Dius way at ngay fagsuguan, ay at nasugu laman at nanggubuk at fagfalangfeun fag ngay taw.

Ebreu 11:40

Fakatanyaun Dius e masine fag algan sa antam, laman ban gina Dius nafafasludan at fatuyanan sa anya fagayu, e fagnamulun yangay tam gasfuan kafag ngay taw.

Ebreu 11:8

Aroro Abrayam gafanud tua sas Dius, kanya nafaning tua Dius nu nalong sa anya te, “Loi wan sa ku nafatuyanan sa emu fag talun.” Ay kanya nalao deyud nasaful at fakadasugan ban.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 2:10

Dius nawat fagayu nusnge wain laman sat sadili, ay kanya anke algan gfadasug at ngay sisian sat fagmasineun. Ay naylat Isus nu kasik yud e malong fag tagfangguna siginan at naidapanan, laman gfalangfe at ngay sisian.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.

Ebreu 9:12

Dius at Nafili sadi ginan way gsakbo sat Mafasamanan Fia fag Suluk, ay ansak wan. Ay gina kanya gsakbo at buba bunwa kambing ay baka riangan at taguk, nu bunway at sadili tua taguk, ay nafon tua sa antam sik fakalangfean at yud ban e fakatabuan kabavn.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

1 Pedru 1:22

Siginan nu gfaning am at matuyan, katsi masine tuam ay kedkesugan laman sik ngay tagfaduksayan. Nu katanya, faksvni ay famafanudi fia nu kedkesugan am.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

Udas 1:21

Kabavn banwani sis Dius at fakesugun kaduge am gfanya tam Fun Isus at fakafanyun tagfosuk ayu sat yud e fakatabuan fag leleg.