Ebreu 5:7 - Fanawbuid tagsibaliwas Fakayabian

⁷ Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.

Ebreu 5:7 ပူးပေါင်းရင်းမြစ်များ

Alubad. 22:24

Kanya di gfalingun at yud e kwa. Ay di gtalyuyan ngay tagidapan, nu bunway, kanya gdungug tua ay gbalus anya fagayu.

Alubad. 69:1

Dius, falangfei angku, aroro kata au sik taw takalimus.

Alubad. 88:1

Yawi, kayu menit ay yabi guro au sa emu, aroro o wan ku tagfalangfe.

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Isayas 53:3

Ngay taw nafalingun ay naiyan anya. Ay andasug sa anya at masait ay at maidap. Natalyuyan tam anya ay nafalingun, ay wa tam nasuyu ya.

Lebitiku 2:2

Ay kanya namuba at fanggalangun sas Arun at kasugfunanan fag ngay tagfon fanggalangun. Ay kanya fag ngay tagfon fanggalangun gbul sik galumut kafag fangawat tinapay at mafasuglatan langis ay famaebebanglu, ay nangirug sas fagirugan. Sanya ginan, ngay tagfon fanggalangun nangirug kafag fanggalangun. Ay kafag ngay fanggalangun at ayuk at mabebanglu sik famauseganan Yawi.

Mateu 27:46

Ay gina sfafun sfatulu, Isus nauro daul te, “Eli, Eli, lama sabaktani?” At masuad te, “Ku Dius, ku Dius, wain am fagnaubunun angku?”

Mateu 27:50

Ay Isus gdog nauro maksvn, ay kanya wan taguyan at engasan.

Markus 15:34

Ay gina sfafun sfatulu, Isus nauro daul te, “Elui, Elui, lama sabaktani.” At masuad te, “Ku Dius, ku Dius, wain am fagnafabayanun angku.”

Markus 15:37

Ay Isus nauro maksvn, ay kanya wan taguyan at engasan.

Lukas 23:46

Ay Isus nauro maksvn te, “Mama, gfatigwanan kwan sa emu ku falad.” Ay kanya wan taguyan at engasan.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 11:35

Isus gwayway.

Uan 11:42

Saful au te, gdungug tuo gugat angku. Ku fagnalongun katanya laman tagligung angku fag ngay taw gafanud te, o wan at nasugu angku.”

Uan 17:1

Isus nu nafoyung wan takatanya, natangda sas banwa ay nalong te, “Mama, andasug wan at buknga. Fauseganani angku, am Baguama, laman namauseganan kyangay emu.

Ruma 8:3

Dius nafakamulun Muisis at Faugali at fagyudun makatu, aroro kafag faugali anmomuy siginans asalanan at fagmabalyananun, ay wa nakatu gfalfas antam. Dius nasugu at Baguama kata sik taw tagasalanan, laman sik fanggalangun aroro sa tam asalanan, ay nu katanya, Dius nafatabu wan asalanan at fagmabalyananun. Ay at fagnafasteun swa daga laman gfoyung te, asalanan we fagmabalyananun ya.

Galasya 4:4

Dewa katanya, gina andasug at nafalganan fag menit, Dius nasugu at baguama ste swa daga. Kanya ansalug siginan sik mangena, ay gugali gfaning Muisis at Faugali.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Ebreu 10:10

Aroro tam Fun Isus nafaning tua Dius at fakaylatun, tam ngay asalanan nalyam wan, siginan tam Fun Isus nu gfon antam at sadili.

Ebreu 10:5

Aroro katanya, gina tam Fun Isus andasug ste swa daga, kanya nalong sas Dius te, “Wo kaylat ngay fanggalangun ay ngay famonun. Fakatanyaun nafalganan o ku bilug laman sik matuyan fag fanggalangun.

Ebreu 11:7

Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.

Ebreu 12:28

Useganani aroro tam fagnamulun ban siginans Dius fag fagfagtainanan di ban kauig. Nu katanya, segi fauseganani tam Dius. Alimui fia faningi anya ay suyui tua anya.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

Ebreu 2:14

Dakngani at ngay sisian sik taw fia, anggan Isus sik taw yangay fia, kanya, kata kafag ngay taw, e faknul ay e taguk, laman siginan at nabulanan nababo wan Satanas ke fagmabalyananun sas fakabulun.

1 Uan 4:3

Ay nusnga sinu at yud gfoyung te, Isus ansik taw fia, tagsi anya fag falad bunwa siginans Dius, siginan way tagfawayan Dius at Nafili fag Fun. Ebi nadungug am te, sik takamawayan kadasug ban, ay katsi kanya andasug wan ste swa daga.

2 Uan 1:7

Ngayuk tagfandaya nalo sas fagdaul daga. Kanya fag ngay taw at yud gafanud te, Isus ansik taw. Ay kanya fagayu gfandaya ay gfawayan tam Fun Isus.