Ebreu 5:5 - Fanawbuid tagsibaliwas Fakayabian

⁵ Katanya yangay, bunwa tam Fun Isus at nafabat at sadili laman sik tiba tungud fag tagfon fanggalangun. Dius tua at nafili anya, ay nalong anya te, “O wan ku Baguama, ay katsi au wan am Mama.”

Ebreu 5:5 ပူးပေါင်းရင်းမြစ်များ

Alubad. 2:7

Dius at nafili fag fun glong te, “Garingang au Yawi at nalong sa angku te, ‘O wan ku baguama, ay siginan katsi fag menit, au wan am mama.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Uan 3:16

Maksvn tua Dius nu kesug fagayu taw ste swa daga, at fagnafonun at mafilian fag Baguama, laman nusnga sinu tagafanud sa anya di gafaurianan nu bunway mul tua ban leleg at yud e fakatabuan kabavn.

Uan 7:18

Nusnga sinu tagfoyung nu siginan way at sadili foyungan, kanya gfauseganan way at sadili. Ay dewa katanya, nusnga sinu tagfoyung nu gfauseganan tua sat nasugu anya, kanya wan at matuyan ay at yud e asalanan.

Uan 8:54

Ay Isus gbalus te, “Nu au way tagfauseganan ku sadili, we tungkul. Ku Mama tua tagfauseganan angku, ay glong am te, ‘Kanya em Dius.’

Fakamulun 13:33

Dius nafafasludan at fatuyanan sa antam fag kasugfunanan sabaliwa nu gfadog gfaleleg Isus. Aroro katatuy at Rirukan sis faduak Alubad te, ‘O wan ku Baguama, ay katsi au wan am Mama.’

Ruma 8:3

Dius nafakamulun Muisis at Faugali at fagyudun makatu, aroro kafag faugali anmomuy siginans asalanan at fagmabalyananun, ay wa nakatu gfalfas antam. Dius nasugu at Baguama kata sik taw tagasalanan, laman sik fanggalangun aroro sa tam asalanan, ay nu katanya, Dius nafatabu wan asalanan at fagmabalyananun. Ay at fagnafasteun swa daga laman gfoyung te, asalanan we fagmabalyananun ya.

Ebreu 1:1

Ebi Dius naringang sa tam ngay mangaguyang ngayu ginan siginan at ngay taglong, ay saman wa samank balyawvtan.

Ebreu 1:5

Kabavn Dius wa batang glong sas nusnga sinu fag tagbarita te, “O wan ku Baguama, ay katsi au wan am Mama.” Ay wa yangay e longan sabaliwa sik tagbarita te, “Au waban fia at Mama, ay kanya waban fia ku Baguama.”

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

Ebreu 5:10

Nu katanya, Dius nafili anya laman tiba tungud fag tagfon fanggalangun, kata Melkisedek.