Ebreu 5:4 - Fanawbuid tagsibaliwas Fakayabian

⁴ Nusnga sinu fag taw wa msik tiba tungud fag tagfon fanggalangun at fagfausegananun nu at sadili way. Dius tua tagfili tiba tungud fag tagfon fanggalangun, kata nu gfili Arun.

Ebreu 5:4 ပူးပေါင်းရင်းမြစ်များ

1 Krunika 23:13

Ay Amram at baguama: Arun ay Muisis. Ay nafili Arun ay at ngay gaban laman at namatigwanan ngay fagagbilugun at yud e malong, ay at namon fanggalangun sas Yawi. Ay kabavn ban kanya wan at fakamulun.

2 Krunika 26:18

ay nasalag. Kanya fagayu nalong sas fun Usya te, “Wo nangus nangirug famaebebanglu fag lune laman sas Yawi. Tagfakamulun takatanya Arun way lang at ngay kasugfunanan. Kanya way lang fagayu Yawi at nafili laman at nangirug famaebebanglu fag lune. Duksuni wan siginans Yawi at bale aroro nafamabo o anya. Am Dius ban wa gfon emu nusnga setaw, aroro sam nafakamulun takatanya.”

Nu Galin 28:1

“Namasaman o siginan sangay taw Israel, Arun ay at ngay baguama: Nadab, Abyu, Elyasar, ay Itamar, laman ban sik ngay tagfon fanggalangun.

Lebitiku 8:2

“Tabani Arun talamean sa ku sakbawan bale, ay fauroi yangay sanya fagayu taw Israel. Ay bubai yangay sanya at mafilian fag lanbung laman sas Arun talamean, ay langis, ay sik tama baka laman famalyam asalanan fag fanggalangun, ay duak riangan tupa ay sik bang tinapay at yud e famabia.”

Tap 16:10

Yawi nafili ayu ay anggan tibak taw Lebi laman manangakbang sis Yawi at daga salubangan, ay katsi, ay fakaylatun umsik ngay tagfon am fanggalangun.

Tap 16:35

Sanya ginan, Yawi nafadasug afuy, ay nafamin Kura at ufud fag duak sandan limak safuluk taw, gina girug famaebebanglu fag fanggalangun.

Tap 16:5

Sanya ginan, Muisis nalong sas Kura ay sat ngay ufud te, “Balabag ban, Yawi gfoyung nusnga sinu fia at nafili fag ngay tagfon fanggalangun tagfakamulun laman sa anya, ay gfakbang ban sit daga salubangan.

Tap 18:7

Dewa katanya, am way lang fag talamean tagfakamulun laman sik ngay tagfon fanggalangun. O way lang tagfakamulun ngay fakamulun sas fagirugan ay sat Mafasamanan Fia fag Suluk. Ay fakamulun wan ku fon ayu. Fabuli nusnga sinu tagfakamulun takatanya nu bunway sik tagfon fanggalangun.”

Tap 3:3

Nafili anya fagayu laman sik ngay tagfon fanggalangun.

Uan 3:27

Ay Uan gbalus te, “We taw mafakamulun takatanya nu dway e nafon anya fagmabalyananun siginans banwa.