Ebreu 5:3 - Fanawbuid tagsibaliwas Fakayabian

³ Ay aroro kanya e asalanan yangay, masine kanya nu gfon fanggalangun bundi lang famalyam at ngay iba at ngay asalanan, nu bunway anggan tua sat sadili asalanan.

Ebreu 5:3 ပူးပေါင်းရင်းမြစ်များ

Lebitiku 16:15

“Kanya gfabul yangay at fanggalangun fag kambing laman famalyam ngay taw at asalanan. Ay gbuba kafag kambing at taguk sat Mafasamanan Fia fag Suluk ay gfaramsig sas Fagsuadan Nasadian at suklub kata at nafakamulun sas tama baka at taguk.

Lebitiku 16:6

“Ay Arun namon kafag riangan baka laman at fanggalangun sa nu gfasine, laman at fagmauriun umkalyam wan, anggan sat ngay kalongan.

Lebitiku 9:7

Sanya ginan, Muisis nalong sas Arun te, “Akbangi sas fagirugan ay foni famalyam asalanan fag fanggalangun, ay anggan fagirugun fag fanggalangun, laman famalyam am asalanan ay anggan am ngay kalongan at asalanan. Foni yangay ngay taw at fanggalangun kata Yawi at suguan, laman anggan ngay taw at ngay asalanan umkalyam yangay.”

1 Kurintu 15:3

Ay nafoyung au sa ayu ku nadungug tiba tungud at mafanud: tam Fun Isus anbul aroro sa tam ngay asalanan, kata at marirukan sis Dius at Longan.

Ebreu 10:12

Ay tam Fun Isus sayginan way gfon fanggalangun laman famalyam tam ngay asalanan. Ay sanya ginan, kanya malunggung sas Dius at siun.

Ebreu 7:27

Isus wa kata tibak tagfon fanggalangun, tagfon gugat at fanggalangun kayu menit, taguna laman sat sadili asalanan ay sanya ginan laman sa sangay taw at ngay asalanan. Isus sadi ginan way nu gfon fanggalangun, gina way lang gfon at sadili sas fagayu taw.

Ebreu 9:7

Ay at manansakbo sat faduak suluk, tiba tungud way lang fag tagfon fanggalangun, nustua sadi ginan way galay sik banwa. Ay galay kanya gsakbo sanya fag suluk, kanya gbuba sik fanggalangun fag taguk, laman famalyam at sadili asalanan ay anggan fagayu taw at yud algan fag ngay asalanan.