Ebreu 5:12 - Fanawbuid tagsibaliwas Fakayabian

¹² Katsi nangus sik ngay takamoyung wam. Ay dewa katanya dasug katsi fagfoyungun yayam gugat taguna fag foyungan sabaliwas Dius at Longan. Gayudan yayam gugat susu bilug, ay yam makatu kon at matugas fag fakonun.

Ebreu 5:12 ပူးပေါင်းရင်းမြစ်များ

2 Samwel 16:23

Ginanya fag buknga, Absalum gfaning Akitufel at ngay longan kata Dabid at nafakamulun. Aroro kanya namatangan te, Akitufel at ngay nalong siginans Yawi.

Esra 7:10

Dius nagubuk anya aroro kanya nafalganan tua fia at sadili sabaliwa nu gamatangan ay nu gfafasludan Yawi at foyungan, ay nu gfoyung at ngay faugali ay at ngay suguan sa sangay taw Israel.

Alubad. 34:11

Ku ngay sisian, akbangi sa angku ay dungugani, gfoyung au ayu nu setain nu gsuyu am Yawi.

Isayas 28:13

Nu katanya, Yawi at longan sa anya fagayu we masuad, kata sa sik ngenge sirut nu garingang we masuad. Ay kanya fag ngay taw nu glo wan umfuan ay umke fakarukan, ay umsangdaw ay umgamat wan.

Isayas 55:1

Yawi glong te, “Iste wan mamam! Fagayu am takadanum akbangi! Dewa am at yud e famayad, akbangi ay inumi! Gewan wan, buli fanginum ay susu bilug!

Mateu 17:17

Ay Isus nabalus te, “Sik ngay taw wayam at yud gafanud ay at yud mamatanganan. Seduge ya ban nu gbanwan au si ayu ay nu gagwantan au galo ayu? Agvd, kin, tabani stie.”

Markus 9:19

Ay Isus nabalus te, “Sik ngay taw wayam at yud gafanud. Seduge ya ban nu gbanwan au si ayu ay nu gagwantan au galo ayu? Agvd, kin, tabani stie.”

Fakamulun 7:38

Ay gina sis talun at yud e taw, Muisis gufud tam ngay mangaguyang magamut tagbarita at nafakamatoan anya sis Buksul Sinay. Sanya wan fag buksul nu gfon sas Muisis tagfon leleg fag longan, at fagnamonun sa antam.

Ruma 3:2

Ngay taw Udyu gtungud yay tibak taw sas nusnga setaw, taguna, sa anya fagayu nu gfatigwanan Dius at Longan.

1 Kurintu 14:19

Ay nu si au sa ngay tagafanud at fagmafulan, amasine yap ku fagfoyungun nu lima yakmank longan nu mayamag tua ngap fia, dewa ngap safuluk libuk longan nu at yud way katogdungug fag fangaringang.

1 Kurintu 14:20

Ku ngay faduksay, dangay kata sik sisian ay amatanganan. Ay nu sabaliwas fagmauriun, ay amatanganan fakatai way sik sisian at bagu kasalug, ay nu sabaliwa fagmatogdungugun ay amatanganan fakatai tua sik mafagtainan at amatanganan.

Galasya 4:3

Ay anggan itam, gafagsuguanan tam fagdaul daga at ugali, gina tam yud gafanud sa tam Fun Isus.

Filipus 3:1

Ku ngay faduksay, gfataglayun au glong te, useganani sa tam Fun. Kwa kalufuy gdog griruk sa ayu tuy fagayu, aroro sa ay fagmasineun.

Kulusas 3:16

Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

Ebreu 10:32

Amatangani ayu ebi at kinlangfe fag ngay menit, gina am nayamagan. Nagwantan am ay nadalan fag ngay famaskud.

Ebreu 5:11

Ngayu yay em fagyafoyungun sabaliwa takatatuy, dewa katanya gidapan ami gfafayamag sa ayu aroro maranan nu gtogdungug am.

Ebreu 5:13

Tagayudan susu bilug sisian yay, at yud yay nasaful sabaliwa at matuyan.

Ebreu 6:1

Nu katanya, tam fagadalun sabaliwa tam Fun Isus, diwan ya taguna fag foyungan, nu bunway tagfaksvn tua tam fagafanudun. Lag tam gdog gadal sabaliwa nu gubun tam tam ngay nafakamulun at mauri tagfadasug antam sas fakabulun, ay sa baliwa nu setain nu gafanud tam sas Dius, ay sabaliwa nu gfasurung, ay sabaliwa nu e gfoli at daluap sas taw at alfuyu, ay sabaliwa at ngay kinbul nu gdog gleleg ay sabaliwa at yud e fakatabuan fag faurianan. Nu katanya yay gugat tam fagadalun, kata nu gdog tam nanturuk.

1 Pedru 2:2

Kata sik ngenge takaylat susu bilug at yud e suglat, am, aylati yangay fanfalad fag susu bilug, laman kagurang am sa ay fakalangfean.

1 Pedru 4:11

Nu sik tagfoyung o, famoyungi Dius at longan. Ay nu sik taggubuk o, agbilugi nu ggubuk o Dius at nafon emu fag fagmabitsugun, laman gfauseganan o anya sas fagayu am fakamulun siginans Isus tam Fun. Siwa anya fagmasineun ay fagmabalyananun kabavn ban. Anud.