Ebreu 5:1 - Fanawbuid tagsibaliwas Fakayabian

¹ Fagayu tiba tungud fag tagfon fanggalangun, anfili siginan sangay taw laman nanwabilug sas Dius ay sa sangay taw. Kanya gfon fanggalangun famalyam ngay taw at ngay asalanan.

Ebreu 5:1 ပူးပေါင်းရင်းမြစ်များ

Lebitiku 8:2

“Tabani Arun talamean sa ku sakbawan bale, ay fauroi yangay sanya fagayu taw Israel. Ay bubai yangay sanya at mafilian fag lanbung laman sas Arun talamean, ay langis, ay sik tama baka laman famalyam asalanan fag fanggalangun, ay duak riangan tupa ay sik bang tinapay at yud e famabia.”

Lebitiku 9:7

Sanya ginan, Muisis nalong sas Arun te, “Akbangi sas fagirugan ay foni famalyam asalanan fag fanggalangun, ay anggan fagirugun fag fanggalangun, laman famalyam am asalanan ay anggan am ngay kalongan at asalanan. Foni yangay ngay taw at fanggalangun kata Yawi at suguan, laman anggan ngay taw at ngay asalanan umkalyam yangay.”

Ruma 15:17

Nu katanya, masine kway kamatungudun fagayu ku nafakamulun laman sas Dius siginan ku fagmasadiun sa tam Fun Isus.

1 Kurintu 15:3

Ay nafoyung au sa ayu ku nadungug tiba tungud at mafanud: tam Fun Isus anbul aroro sa tam ngay asalanan, kata at marirukan sis Dius at Longan.

Ebreu 10:11

Kayu menit fagayu tagfon fanggalangun malayun nu gfon fanggalangun. Katanya way gugat at ngay fon fag ngay fanggalangun ay wa ngap mafalyam taw at ngay asalanan.

Ebreu 10:12

Ay tam Fun Isus sayginan way gfon fanggalangun laman famalyam tam ngay asalanan. Ay sanya ginan, kanya malunggung sas Dius at siun.

Ebreu 11:4

Aroro Abel gafanud tua sas Dius, at fanggalangun amasine yap tua Kain at fanggalangun. Ay aroro kanya gafanud tua, Dius natap anya te, sik taw matuyan aroro naylat at ngay fanggalangun. Ay Abel dewa anbul wan, e fagfoyungun yay sa antam, siginan at fagafanudun sas Dius.

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Ebreu 7:27

Isus wa kata tibak tagfon fanggalangun, tagfon gugat at fanggalangun kayu menit, taguna laman sat sadili asalanan ay sanya ginan laman sa sangay taw at ngay asalanan. Isus sadi ginan way nu gfon fanggalangun, gina way lang gfon at sadili sas fagayu taw.

Ebreu 8:3

Nafili fagayu tiba tungud fag ngay tagfon fanggalangun laman tagfon ngay famonun ay ngay fanggalangun. Nu katanya anggan nangus tam tiba tungud fag tagfon fanggalangun e famonun yangay.

Ebreu 8:4

Kanya ro nu ste way gugat swa daga, bunwa sik tagfon fanggalangun aroro e ngay tagfon fanggalangun wan at kinfili siginans Muisis at Faugali.

Ebreu 9:9

Kafag bale ramit sik faydayuanan way sabaliwa katsi fag buknga. Nu katanya, mayamag te, ngay tagfon fanggalangun at nafon fag ngay fanggalangun wa mafafasine ngay tagseg at ngay amatanganan.