Ebreu 4:9 - Fanawbuid tagsibaliwas Fakayabian

⁹ At masuad, e kadasug yay ban sik fagfiangalayan laman sas Dius at ngay taw.

Ebreu 4:9 ပူးပေါင်းရင်းမြစ်များ

Alubad. 47:9

Ngay talun at ngay fun maful gasfuan Dius at ngay taw, ay Dius wan tagagbilug ngay fun sas fagdaul daga, aroro Dius wan tiba tungud!

Nu Galin 16:30

Ay nu katanya, ngay taw Israel natungkud sis fafituk menit.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 57:2

Aroro at matuyan fag taw nu nbul wan, manabayan wan ay gfiangalay.

Mateu 1:21

Ay kanya gfasalug ban sik munama. Fangayani ban anya te, Isus, aroro kanya at namalangfe ban at ngay taw siginan at ngay asalanan.”

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Ebreu 11:25

Muisis nafili tua te, amasine yap tua at nangidapan gasfuan Dius at nafili fag ngay taw, nu gamut ban nu nagbilug at yud sirut ngaduge fag fagmasineun siginans asalanan.

Ebreu 3:11

Ay aroro kadotama au anya fagayu, nafaksvn au nu glong au te, ‘Kanya ban fag ngay taw wa madasug sa ku fagfiangalayan.’ ”

Ebreu 4:1

Dius nafatuyanan sa antam te, manangadasug tua ban tam sat fagfiangalayan. Nu katanya, masine nu mafalganan tuam gugat laman ban nusdi sadi si ayu diam yud umdasug sanya.

Ebreu 4:10

Aroro nusnga sinu fag taw at kumdasug sas Dius at nafalganan fag fagfiangalayan kanya ban gfiangalay yangay kata Dius nu gfiangalay gina ntabu kawat fagayu nusnge wain.

Ebreu 4:3

Itam way ban lang fag ngay tagafanud at madasug sas Dius at fagfiangalayan. Kata Dius at Longan te, “Aroro kadotama au, nafaksvn au ku longan te, ‘Kanya ban fag ngay taw wa madasug sa ku fagfiangalayan.’ ” Dius nalong takatanya dewa antabu wan fagayu at fakamulun siginan ngay nu kawat fagdaul daga.

Ebreu 4:8

Uswe ro at fagfanggunaun fag ngay taw nu si di wa ro at matuyan fag fagfiangalayan, Dius ro wa nalong ya sabaliwa takadasug ban fag fagfiangalayan.

1 Pedru 2:10

Ebi, bunwam Dius at ngay taw, dewa katanya, katsi am wan Dius at nafili. Ebi Dius wa kafanyu ayu, ay katsi kafanyu tua ayu.

At Nafasure 14:13

Ay nadungug au sik aringang siginans banwa nu glong te, “Riruki takatatuy, Siginan katsi, mauseganan at kinbul tagafanud sa tam Fun.” Ay at Masine fag Falad glong te, “Sabv ngaro. Kanya fagayu gfiangalay ban siginan at nainlufuyan, aroro Dius gfon ban sa kafag ngay taw kata at nafakamulun.”

At Nafasure 21:4

‘Ay ginanya ban Dius garus kafag ngay taw at liasun. Ay wa ban e fakabulun ya, ay we fakabaluun ya,’ ay we fagwaywayun ya, ay we fakasaitun ya, aroro nalyam wan at dan fagayu nusnge wain.”