Ebreu 4:6 - Fanawbuid tagsibaliwas Fakayabian

⁶ At naguna nadungug at Masine fag Barita wa nadasug sas Dius at fagfiangalayan, aroro kamabo way. Ay at matuyan, e dumasug tua ban sas Dius at fagfiangalayan.

Ebreu 4:6 ပူးပေါင်းရင်းမြစ်များ

Isayas 65:15

Ay ku ngay fagsuguan ban gfauri ay ngayan, ay au Fun Yawi, at namabul ayu. Dewa katanya, namon kban sa ku ngay fagsuguan at bagu fag ngay ngayan.

Tap 14:12

Ay gfabuba au sik faurianan ay gfamin kwan anya fagayu, dewa katanya, kawat au emu sik maseganama fag gaban taw tagtungud yay anya fagayu.”

Tap 14:31

Ay sabaliwa ay ngay sisian ay nalong te, gatabanan ban, gtaban kban anya fagayu sa ay fagyudun kaylat fag talun, ay kanya ban fagayu gagbilug wan kanya fag talun.

Mateu 21:43

Nu katanya, glong au ayu te, Wa ban am umful sas Dius at fagfagtainanan. At kumful ban, tagfaning tua at fakaylatun.

Fakamulun 28:28

Ay Pablu nalong yay fia te, “Kaylat au gfasaful sa ayu te, tuy fag barita sa baliwa tam Dius nu gfalangfe, at yud Udyu fag ngay taw nadungug wan, ay kanya fagayu gdungugan mandi.”

1 Kurintu 7:29

Ku ngay faduksay, ku longan at masuad fia te, munakbang wan at fakatabuan fag ngay menit. Nu katanya, siginan katsi, at ke mangena katai nu yud e mangena,

Galasya 3:8

Dius at Longan nafoyung ebi te, Dius gtap yangay yud Udyu fag ngay taw kata nu yud e asalanan, aroro siginan at fagafanudun. Ay Dius nafoyung yangay at Masine fag Barita sas Abrayam te, “Siginan emu, gfadante kban fagayu talun at taw.”

Ebreu 4:11

Nu katanya, masine nu gugatan tua tam nangadasug sanya fag fagfiangalayan, laman ban di tam umkata ebi fag ngay taw at nafamabo.

Ebreu 4:2

Aroro nadungug yangay tam at Masine fag Barita sabaliwas fakalangfean kata tam ngay mangaguyang. Dewa katanya tam ngay mangaguyang wa nafae masuad at nadungug fag barita, aroro kanya fagayu wa gafanud.

Ebreu 4:9

At masuad, e kadasug yay ban sik fagfiangalayan laman sas Dius at ngay taw.