Ebreu 4:2 - Fanawbuid tagsibaliwas Fakayabian

² Aroro nadungug yangay tam at Masine fag Barita sabaliwas fakalangfean kata tam ngay mangaguyang. Dewa katanya tam ngay mangaguyang wa nafae masuad at nadungug fag barita, aroro kanya fagayu wa gafanud.

Ebreu 4:2 ပူးပေါင်းရင်းမြစ်များ

Fakamulun 13:46

Dewa katanya, Pablu ay Bernabe mabitsug nu gbalus te, “Sa way nangus ayu fag ngay taw Udyu taguna nu gfoyung Dius at longan. Dewa katanya, wam naylat, nu katanya, kanya wan tagfatuyan te, wam masine kae afud sas leleg at yud e fakatabuan, nu katanya, katsi glo wami sas yud Udyu fag ngay taw laman nanfamoyung.

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

Ruma 2:25

E tungkul tua ay fakatoglagan nu gfaning tuam Muisis at Faugali, dewa katanya, nu dway am gfaning, kata way nu yud am nafae fakatoglagan.

Ruma 3:3

Tibak taw Udyu nu dway matuyan, o takatanya fag taw at nafae yud e tungkul Dius at fagmatuyanun?

1 Kurintu 13:3

Dewa ro au nafon fagayu ku ramraman, ay dewa ro au nafon wan ku bilug laman nangirug, nu dway ngap si angku fakesugun, we masuad sa angku.

Galasya 3:2

Ginto au sa ayu te, o at Masine fag Falad antayuk sa ayu aroro nafaning am Muisis at Faugali, o mannga aroro nafanud am sa ay nadungug fag Masine fag Barita?

Galasya 3:8

Dius at Longan nafoyung ebi te, Dius gtap yangay yud Udyu fag ngay taw kata nu yud e asalanan, aroro siginan at fagafanudun. Ay Dius nafoyung yangay at Masine fag Barita sas Abrayam te, “Siginan emu, gfadante kban fagayu talun at taw.”

Galasya 4:13

Saful am te, anke fakasaitun kway ku fagnafoyungun sa ayu at Masine fag Barita ebi taguna.

Deuterunumyu 1:32

Dewa katanya, wam nafanud sa ay Dius Yawi.

1 Tesalunika 1:5

aroro em foyungan fag Masine fag Barita andasug tua sa ayu bundi lang sis longan nu bunway siginan tua at Masine fag Falad at fagmabalyananun, ay maksvn nu gafanud ami te, em foyungan matuyan. Ay gina ami si ayu, nalag wam em ugali at masine; nafakamulun ami takatanya laman sa ayu.

1 Tesalunika 2:13

Guseganan ami sas Dius aroro naylat tuam em foyungan. Ay nafaning bunwa taw at longan, nu bunway Dius tua at longan. Ay kanya fag longan gfataglayun gfasine ay leleganan, am fag ngay tagafanud.

1 Timuteu 4:8

E tungkul tua nu gfananad tam tam bilug laman kabitsug, ay dewa katanya, gtungud yay nu e tungkul nu gfaning tam tam Dius, aroro e fanggubukun tua ban sa tam leleg katsi ay anggan sa takadasug ban fag leleg.

Ebreu 11:6

Sik taw at yud e fagafanudun wa mafauseganan Dius. Nusnga sinu at nangakbang sas Dius masine nu gafanud tua te, e Dius tagleleg ay tagfon at masine sas fagayu tagrvbvy anya.

Ebreu 3:12

Ku ngay faduksay, nu katanya, dirii tua laman diam gamatangan sat mauri ay di kalyam ay fagafanudun ay tumalyuyan tagleleg fag Dius.

Ebreu 4:6

At naguna nadungug at Masine fag Barita wa nadasug sas Dius at fagfiangalayan, aroro kamabo way. Ay at matuyan, e dumasug tua ban sas Dius at fagfiangalayan.

Santiagu 1:21

Nu katanya, ubuni wan fagayu at mauri fag fakamulun ay fagayu at yud masine fag ugali. Ay famababauni tua nu gafanud am sas Dius at longan at nafon sa ayu, at kintanum sa ay ngay amatanganan, aroro kanya wan at mafalangfe ayu.

1 Pedru 1:12

Dius nafoyung sa kafag ngay taglong te, bunwa at ngay sadili at faggubukun nu bunway ayu tua at faggubukun. Ay katsi nadungug tuam kanya fag foyungan siginan at nafoyung ayu at Masine fag Barita. Kanya fagayu nafoyung sa ayu siginan at Masine fag Falad at fagmabalyananun, Dius at nasugu siginans banwa. Ngay tagbarita kaylat yangay nangasaful sabaliwa kafag ngay matuyan.