Ebreu 4:12 - Fanawbuid tagsibaliwas Fakayabian

¹² Dius at Longan gleleg ay maksvn tua ay amaglat yap tua sik fiso tagsumbalian at uyup. Kanya gurus antam ay gtalfus sa tam falad ay sa tam amatanganan ay anggan sa tam ngay lufuan ay tam basad bini, ay saful yangay ngay taw at amatanganan ay at ngay algan.

Ebreu 4:12 ပူးပေါင်းရင်းမြစ်များ

Eremyas 23:29

O nunda ku ngay longan wa mabalyanan? Ku ngay longan kata sik afuy nu girug ay sik famulpug nu marufa gang.

Isayas 55:11

Katanya yangay ku longan, kabavn ban e tungkul tua. Ay ku fagnafadasugun ku longan laman namafasludan ku fakaylatun ay namakamulun ku algan.

Efesu 6:17

Suluni yangay ay famalabag si ay alfuyu ay buli ay fiso at Masine fag Falad at nafon ayu, at masuad Dius at Longan.

Alubad. 119:130

Am ngay longan tagfon fagmayamagun sa sangay taw at amatanganan, ay tagfon fagsafulun sat yud e fagsafulun.

1 Pedru 1:23

Nadog am ansalug, bundi siginans taw at fakamulun, nu bunway siginan tua tagleleg ay yud katabu fag Dius at Longan.

Isayas 49:2

Ku longan kata sik fiso at maglat. Ay Yawi nalaga angku siginan at fagmabalyananun. Kata au sik banyas at mafasinean tagsiwas godun.

At Nafasure 1:16

Ay at siun fag daluap gbitbitan fituk galeme ay siginan at bibig e naduksun sik fiso maglat gsumbalian at uyup. Ay at mata maksvn nu masulo kata nu gina sis buknga menit.

1 Tesalunika 2:13

Guseganan ami sas Dius aroro naylat tuam em foyungan. Ay nafaning bunwa taw at longan, nu bunway Dius tua at longan. Ay kanya fag longan gfataglayun gfasine ay leleganan, am fag ngay tagafanud.

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Alubad. 149:6

Fagayu am uroi segi Dius, kaduge am gbakvd ay ngay fiso tagsumbalian at uyup,

At Nafasure 19:15

Ay siginan at bibig naduksun sik fiso at maglat tagsumbalian at uyup, laman namasing fagayu talun at ngay taw. “Kanya gbitbitan sanbung fag famalang ay gfagtainan kafag ngay taw.” Ay kanya nansiad at fagturisan ubas, laman gfalag sa anya fagayu te, Dius at mabalyanan maksvn nu kadotama.

Efesu 5:13

Fagayu takatanya nu nayamagan, at ngay ugali umsure.

Lukas 8:11

“Katatuy at faydayuanan at masuad. Kafag bvtang at masuad, Dius at Longan.

Alubad. 139:2

Saful way o te, malunggung au ay malindug. Ay dewa o ngayayu, saful way o fagayu tagsi ku amatanganan.

Uan 6:51

Au wan tagsiginans banwa fag fakonun tagfon leleg. Nusnga sinu tua ban at naon kanya fag fakonun gleleg tua ban kabavn. Ku fagnamonun fag fakonun ku bilug wan, laman namon au leleg at yud e fakatabuan sas fagayu taw ste swa daga.”

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Alubad. 45:3

Taudani am fiso sim fagwan, aroro o wan at maseganama fag tagfawayan. Ay o wan at mabalyanan ay at mauseganan fag fun!

At Nafasure 19:21

Ay tagsakay sit malaksi fag kabayu nafabul at sawad fag ngay taw, ay at famabul sik fiso tagsumbalian at uyup at naduksun siginan at bibig. Ay fagayu manuk tungud napsug kafag ngay taw at bilug.

At Nafasure 2:16

Nu katanya, ubuni wan ay ngay asalanan. Aroro nu dway ban am nafakamulun takatanya, wa glugo ya kadasug au sa ayu laman namawayan au ngay taw tagfakamulun at mauri, ay gafisoan kban tagsumbalian at uyup takalfas siginan ku bibig.

Ebreu 13:7

Amatangi ay ngay tagfangguna at nafoyung Dius at longan sa ayu, ay amatangani nu setain kanya fagayu nu gugali at matuyan anggan anbul, ay faningi tua kafag ngay taw at ke fagafanudun.

Fakamulun 4:31

Ngay tagafanud nu ntabu gdarangin, at fagmafulan fag bale nauigan. Ay at Masine fag Falad antayuk sa anya fagayu ay maseganama nu kamoyung Dius at longan.

Fakamulun 2:37

Kafag ngay taw nu nadungug, gafanawa ay ginto sas Pedru ay sa tibak nasugu te, “Em ngay faduksay, setain ban manga em fakamulun?”

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.

1 Tesalunika 5:23

Dius gfon fagmanabayanun, ay kanya nangus gfasine ayu laman diam e malong. Dius wa nangus fia tagbakvd fagdaul ay falad, ay ay amatanganan, ay ay bilug, laman diam e malong gina ban tam Fun Isus andasug.

2 Kurintu. 4:2

Ay nu katanya naubun wami at mapla ay at masuksukan fag ngay fakamulun. Ay wami gfandaya ay wami gtubus Dius at Longan. Nu bunway, fagayu em foyungan matuyan tua. Dius wan em tagfatuyan, ay masine tua em amatanganan sa sangay taw at daga salubangan.

Fangatulun 5:4

Ay nu naylat way o, kata sik mayat ay fakasaitun takadasug sa emu.

Santiagu 1:18

Siginan tam natoglagan at matuyan, kanya nafili antam at ngay sisian, laman tagtungud sas fagayu at awatan.

Takamoyung 12:11

At ke fagsafulun at ngay aringang kata sik tagalaga fagbaugun at bangko at matares laman galaga at ngay fagbaugun ay kata paku at matarukan. Dius nafon antam takatanya laman tam tagulit.

2 Kurintu. 2:17

Wami kata tibak taw taget famayad gina kamoyung Dius at longan. Aroro Dius tuami at nasugu, matuyan tua nu kamoyung ami at longan sit daga salubangan, siginan em fagmasadiun sa tam Fun Isus.

Alubad. 110:2

Am fagfagtainanan furuan daul Siun, ay Yawi ban gfamut yay, ay nangagbilug ban o am ngay fawayan.

1 Kurintu 1:24

Ay dewa katanya, nu sas Dius at ngay nafili fag ngay taw Udyu ay fag ngay taw Gresya, tam Fun Isus wan Dius at fagmabalyananun ay at fagmamatanganun.

Fakamulun 5:33

Ngay tagfangguna nu nadungug takatanya, maksvn nu kadotama, ay gyafabulun kafag ngay nasugu.

Uan 12:48

Nusnga sinu takauri angku at yud kaylat gfaning ku longan, e gfauri ban anya. Ku foyungan fag ngay longan tagfauri takatanya fag ngay taw sa taguyan fag menit.

Fakamulun 7:38

Ay gina sis talun at yud e taw, Muisis gufud tam ngay mangaguyang magamut tagbarita at nafakamatoan anya sis Buksul Sinay. Sanya wan fag buksul nu gfon sas Muisis tagfon leleg fag longan, at fagnamonun sa antam.

Efesu 5:26

laman gfayud e malong ay gfasine anya fagayu siginan nu kasurung sasad mamam ay siginan Dius at Longan.

Ebreu 6:5

Kanya fag ngay taw at nasaful wan Dius at longan at kamasinean, ay at fagmabalyananun takasure ban.

Tagfangguna 3:16

Gina Eud galoun, nawat sik fiso tagsumbalian at uyup, at kabaan gwabilug sangbada. Ay nataud sit siun baliwa fag balangbang sit daga lanbung.