Ebreu 4:11 - Fanawbuid tagsibaliwas Fakayabian

¹¹ Nu katanya, masine nu gugatan tua tam nangadasug sanya fag fagfiangalayan, laman ban di tam umkata ebi fag ngay taw at nafamabo.

Ebreu 4:11 ပူးပေါင်းရင်းမြစ်များ

Mateu 11:12

Ay siginan Uan Tagfasurung nu nanfamoyung dasug katsi, Dius at fagfagtainanan anke maidap siginan tagfangauri fag ngay taw tagugatan gasanyaun ay gfabulun gagoan.

Mateu 7:13

“Ay ay fagsakboan sa yakman talay fag sakbawan. Aroro tagbia fag sakbawan ay at malbang fag dalan, at fakadasugan sa ways faurianan. Ay ngayuk taw sanya way nu glao.

Lukas 13:24

“Ugatani sakboi sa talay fag sakbawan. Amatangani, glong au sa ayu te, ngayu oma tagyasakboun sanya fag sakbawan, dewa katanya wa masakbo.

Lukas 16:16

“Muisis at Faugali ay Dius at ngay taglong at rirukan e fagmabalyananun yakmay Uan andasug. Ay katsi gfoyung au at Masine fag Barita sabaliwa Dius nu gfagtainan. Ay ngayuk taw tagugatan nangatap.

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Fakamulun 26:19

“Aroro katanya, fun Agripa, kdi nafamabo ku nalag fag taginfan siginans banwa.

Efesu 2:2

Gugali am gfaning ste sfagdaul daga at ugali, ay galo yangay am tagfunan kiwang fag falad at ke mauri fag ngay fagmabalyananun. Kanya wan tagfamatangan takamabo fag ngay taw.

Efesu 5:6

Lag am gadayan nusnga sinu fag taw at yud matuyan at longan, aroro Dius kadotama nusnga sinu takamabo.

Filipus 2:12

Nu katanya, ku fakesugun ku ngay faduksay, kata ebi nu gfaning am gugat ku ngay foyungan ayu, faugati yap nu gfaning am deyud au sanya. Alimui tadtaruyani nu gugatan am gfakamulun at masine yakmay am antuyan te, masadi wam,

Kulusas 3:6

Dius gfaurianan ban nusnga sinu tagfakamulun takatanya fagayu.

Titu 1:16

ay glong te, “Toglag wami Dius.” Dewa katanya, we famatuyan sit fakamulun, ay maksvn nu mauri ay kamabo ay fagayu at fakamulun we masine.

Titu 3:3

Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.

Ebreu 3:12

Ku ngay faduksay, nu katanya, dirii tua laman diam gamatangan sat mauri ay di kalyam ay fagafanudun ay tumalyuyan tagleleg fag Dius.

Ebreu 3:18

Dada Dius at fagfaksvnan at longan te, “Kanya fag ngay taw wa ban madasug sa ku fagfiangalayan”? O nunda bunwa sa kafag ngay taw takamabo?

Ebreu 4:6

At naguna nadungug at Masine fag Barita wa nadasug sas Dius at fagfiangalayan, aroro kamabo way. Ay at matuyan, e dumasug tua ban sas Dius at fagfiangalayan.

Ebreu 6:11

Ay em fakaylatun galay am at sadi nu gfataglayun tuam ay fakamulun nu gugatan am gfalag ay fagmatuyanun sa ay ngay faduksay sitsigon bans fakatabuan laman ban mul tuam ay fagsegun.

Uswe 7:3

Ay kanya fagayu nu noli, nalong sas Uswe te, “Deyud ro tam fagayu at namawayan furuan Ai, aroro wa ngayu tagbanwan sanya. Balikam ro duak libu ay mannga tuluk libuk taw.”

2 Pedru 2:6

Dius nafaurianan yangay Suduma ay Gumura fag duak furuan, ay nafamin tagsanya fagayu siginans afuy. Ay at kinfasludan sa kafag duak furuan sik famararang sat yud gfaning Dius.