Ebreu 3:9 - Fanawbuid tagsibaliwas Fakayabian

⁹ Dius nalong te, Sanya wan ay ngay mangaguyang nu gfaskud angku, dewa nalag wan ku ngay nafakamulun kaduge ufatk safuluk banwa.

Ebreu 3:9 ပူးပေါင်းရင်းမြစ်များ

Alubad. 95:9

Kanya fagayu, dewa nalag ku ngay nafakamulun, nafaskud yay angku.

Nu Galin 19:4

‘Nalag wam ku nafakamulun sa sangay taw Igiptu, ay nu gtabanan au ayu sa angku, kata sik bio nu gbuba at ngay riangan sit fakfak.

Nu Galin 20:22

Sanya ginan, Yawi nalong sas Muisis te, “Nanlong o sa sangay taw Israel te, nalag wam nu gfakamatoan au ayu siginans banwa.

Amus 2:10

Ay nafalfas kwan at ngay mangaguyang siginans talun Igiptu, ay nagubuk au anya fagayu sis talun at yud e taw kaduge ufatk safuluk banwa, laman manangagbilug ngay taw Amur at daga.

Tap 14:33

Ay ngay sisian umkata ngay tagalaga tupa nanrapyagan sas talun at yud e taw kaduge ufatk safuluk banwa. Siginan takatanya, kanya fagayu gidapan ban aroro kamabo am angku yakmay ban am anbul.

Lukas 7:22

Ay Isus gbalus Uan at ngay tagadal te, “Loi wan ay foyungi sas Uan ay nadungug ay ay nalag. Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Fakamulun 13:8

Kafag taw at makatu gfasure at ngay madulo at ngayan sas Griegu, Elimas. Kanya nasalag Bernabe ay Saulu, laman kafag fun wa gafanud sas Isus.

Fakamulun 7:36

Muisis nafangguna ay nafalfas ngay taw Israel siginans talun Igiptu. Ay kaduge ufatk safuluk banwa, kanya nafakamulun at ngay madulo ay at mabalyanan fag ngay fakamulun tagfatoglag te, Dius si anya. Anfasludan takatanya gina kanya fagayu glao siginans talun Igiptu ay gina gdife sis Dagat Maraska ay sit yud e taw fag talun.

Deuterunumyu 11:7

Ay nalag tuam Yawi at ngay nafakamulun at mabalyanan takatanya fagayu.

Deuterunumyu 29:2

Muisis nafauro fagayu taw Israel, ay nalong te, O nalag am Yawi at nafakamulun sas talun Igiptu at fun ay sa at ngay tagfangguna ay sas fagdaul at talun?

Deuterunumyu 4:3

Nalag am Yawi at nafakamulun sis Baal-Peur, Yawi nafabul ngay taw Israel at naseg Baal fag fagsegan.

Deuterunumyu 4:9

Dewa katanya, am madiriani tua! Lag am kalyam nusnge wain ay nalag Yawi at nafakamulun. Ay amatangi tua gugat tuy kaduge am gleleg.

Deuterunumyu 8:2

Amatangani nu setain Yawi nu gufud ayu gina am glao sis talun at yud e taw kaduge ufatk safuluk banwa. Kanya nafakamulun sa ayu takatanya laman kamababaun tuam ay namaskud ayu te, o gfaning tua ban am fia at suguan ay duan.

Deuterunumyu 8:4

Kaduge ufatk safuluk banwa nung am glao di nrasras ay ngay lanbung ay di nbaga ay ngay darafa.

Uswe 23:3

Nalag wam ay Dius at nafakamulun ste fag ngay talun laman sa ayu. Yawi wan at nagubuk ayu gina am gfawayan kanya fag ngay taw.

Uswe 24:7

Ay ay ngay mangaguyang naet sa angku gubuk, ay nafae dulum au si ay mangaguyang ay ngay taw Igiptu at wabilug. Ay nafalubgub au ngay taw Igiptu sas dagat. Nalag wam ku nafakamulun sa sangay taw Igiptu. Ay nabanwan am sis talun at yud e taw ngaduge kbuknga.