Ebreu 3:8 - Fanawbuid tagsibaliwas Fakayabian

⁸ lag am kamaogatun ya ay amatanganan kata ay ngay mangaguyang ebi gina kanya fagayu gfawayan ay gfaskud Dius sis talun at yud e taw.

Ebreu 3:8 ပူးပေါင်းရင်းမြစ်များ

2 Fun 17:14

Dewa katanya, kanya fagayu wa nafandungug. Kamaogatun way at ngay amatanganan kata at ngay mangaguyang at yud gafanud sat Dius Yawi.

2 Krunika 30:8

Nu katanya, lag am kamaogatun ay ngay amatanganan, kata ay ngay mangaguyang, nu bunway faningi tua Yawi. Nangaful am sas Dius at nafili fag bale, ay namakamulun am sa ay Dius Yawi, laman kanya gfalyam wan nu kadotama ayu maksvn.

2 Krunika 36:13

Ay kanya dewa nafatuyanan sis Dius at daga salubangan te, wa ban kamabo fun Nabukudunusur, kanya nafamabo way. Sedekya nafamaogatun at amatanganan ay kanya wa kaylat kafoli ya sas Yawi ngay taw Israel at Dius.

Nemyas 9:16

Dewa katanya, em ngay mangaguyang nafamaogatun at ngay amatanganan, ay wa nafaning am ngay suguan.

Ub 9:4

Dius e fagsafulun ay e fagmabalyananun. Sinu yaro at mafawayan ay siwa anya fagmababoun?

Alubad. 106:14

Gina kanya fagayu sis talun at yud e taw, nafaskud Dius, aroro maksvn nu gyaonun yamas.

Alubad. 78:18

Ay kanya fagayu nafaskud Dius siginan nu get at fakaylatun fag ngay fakonun.

Alubad. 78:56

Dewa katanya, kanya fagayu nafaskud ay nafamabo Tiba Tungud fag Dius.

Alubad. 95:8

Dius glong te, “Lag am kamaogatun kata ay ngay mangaguyang at nafakamulun, gina kanya fagayu sis Meriba, ay sis Masa, sit yud e taw fag talun.

Nu Galin 17:7

Ay Muisis nafangayan kafag talun te, Masa ay Meriba, aroro ngay taw Israel nafabadbaboan anya ay nafaskud Yawi siginan nu glong te, “O Yawi galo antam o mannga duan?”

Nu Galin 8:15

Ay Igiptu at fun nu nalag te, we fagidapun ya, kanya kamaogatun yay fia, ay wa kaylat gdungugan Muisis ay Arun, kata Yawi at longan.

Fangatulun 28:14

Mauseganan sik taw nu gsuyu tua Yawi, dewa katanya, sik taw takamaogatun at amatanganan umfaurianan.

Fangatulun 29:1

Sik taw at yud gfabali at ugali dewa e gsalag, umfaurianan ay wa mlangfe.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Daniel 5:20

Dewa katanya, kanya nafamanagsag ay nafamatungudun, nu katanya, Dius naiyan anya siginan at fagfagtainanan,

Tap 14:11

Yawi nalong sas Muisis te, “Ginain yaban tuy fag ngay taw nu gfalingun angku? Ginain yaban kanya fagayu nu yud gafanud sa angku dewa au nafakamulun at ngay madulo sa anya fagayu?

Mateu 13:15

Aroro kafag ngay taw kamaogatun way, ay wa kaylat gdungugan, ay gtipan way. Kafag ngay taw yaman katanya, glag tua ban, ay gdungug, ay gtogdungug ay kafoli sa angku, ay gfafia kban anya fagayu.’

Fakamulun 19:9

Dewa katanya, tibak taw kamaogatun at ngay amatanganan, sarokta wa kaylat gdungugan, ay kanya fagayu gfasaful sas fagngayuan te, wa matuyan at foyungan sabaliwas Isus. Nu katanya, Pablu ay anggan sanya fag ngay tagafanud nalao wan sanya ginan fag bale fakafulan, ay kayu menit, Pablu nangaful sas Tiranus at fagagbilugun fag fagadalan, laman gfataglayun namoyung sas fagngayuan taw.

Fakamulun 7:36

Muisis nafangguna ay nafalfas ngay taw Israel siginans talun Igiptu. Ay kaduge ufatk safuluk banwa, kanya nafakamulun at ngay madulo ay at mabalyanan fag ngay fakamulun tagfatoglag te, Dius si anya. Anfasludan takatanya gina kanya fagayu glao siginans talun Igiptu ay gina gdife sis Dagat Maraska ay sit yud e taw fag talun.

1 Kurintu 10:9

Lag tam gfaskud tam Fun kata ebi tiba at fakamulun. Kanya fag ngay taw anbul aroro ule nagat.

Deuterunumyu 6:16

Lag am gfaskud ay Dius Yawi kata ay nafakamulun sis Masa.

1 Samwel 6:6

Lag am kamaogatun ya ay ngay amatanganan, kata ngay taw Igiptu ay at fun at nafakamulun. Ngay taw Igiptu nafalfas ngay taw Israel aroro maksvn Dius nu gfaurianan anya fagayu.