Ebreu 3:6 - Fanawbuid tagsibaliwas Fakayabian

⁶ Ay dewa katanya tam Fun Isus matuyan tua nu gfunan Dius at ngay taw, aroro sia wan Dius at baguama. Ay itam wan Dius at sisian nu maksvn tua tam fagafanudun ay gbakvd tua tam fia tam fagsegun.

Ebreu 3:6 ပူးပေါင်းရင်းမြစ်များ

Alubad. 2:12

Fababauni sas Dius at nafili fag fun aroro nu dway am gfakamulun takatanya, kanya kadotama ay masakit gfauri ayu. Dewa katanya, mauseganan tua fagayu taw tagsarirung sis Yawi.

Esekyel 46:10

Ay kafag tagfangguna gfasfuan kafag ngay taw gsakbo ay gduksun.

Mateu 10:22

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Mateu 16:18

Ay glong kyay sa emu te, o wan Pedru, at masuad te Gang, ay namaful kban ku ngay taw stae fag gang, ay dewa fakabulun at fagmabalyananun di ban mababo ku nafaful fag ngay taw.

Mateu 24:13

Ay dewa katanya at namabakvd sat fagafanudun sitsigons fakatabuan, umlangfe tua ban.

Ruma 11:22

Fakatanyaun, nalag watam Dius at fakesugun, ay nu kadotama. Kanya maksvn nu gfaurianan sik tagasalanan, dewa katanya, kesug tua ayu, nu gbanwan tuam fia sat fakesugun. Ay nu dway ban katanya ay fakamulun, kanya ban ggatvng yangay ayu.

Ruma 12:12

Useganani aroro e fagsegun tuam. Ay agwantani tua ay fagidapun. Ay kabavn darangini.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

Ruma 5:2

Aroro siginan anya nabul watam tuy fag fanggalangun ay guseganan tam aroro e fagsegun tua tam te, namaudgufudan ban tam Dius sat fagmasineun.

1 Kurintu 3:16

O yam nasaful te, am wan Dius at bale, ay at Masine fag Falad gbanwan si ayu?

1 Kurintu 6:19

O nunda yam nasaful te, ay bilug wan at Masine fag Falad at bale? At Masine fag Falad tagbanwan si ayu, kanya siginans Dius. Ay bunwa am tagagbilug ay bilug,

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

Galasya 6:10

Nu katanya, kaduge nu e buknga, fakamuluni tua at masine sas fagayu taw, kaugat wan sa tam ngay faduksay tagafanud.

Galasya 6:9

Nu katanya, lag tam kamomuy gfakamulun at masine. Nu ndasug ban sit filian fag menit, matuyan mul ban tam at famonun nu ddi tam anmomuy.

Efesu 3:12

Aroro siginan tam fagafanudun sa anya, manangakbang tua tam sas Dius, ay antuyan tua tam te, gdungugan antam.

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

1 Tesalunika 5:16

Kabavn useganani,

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

1 Timuteu 3:15

laman deyud au vtv andasug, sumaful o at masine Dius at ngay sisian at ugali. Itam wan tagleleg fag Dius at ngay taw, ay itam wan tagbakvd ay tagsarig sas fagmatuyanun.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.

Ebreu 10:19

Nu katanya, ku ngay faduksay, katsi masakbo tua tam sat Mafasamanan Fia fag Suluk, siginan Isus at nabulanan.

Ebreu 10:21

Ay katsi, e tiba tungud tua tam fag tagfon fanggalangun tagfagtainan Dius at taw.

Ebreu 10:23

Faksvni tua tam fagsegun ay lag tam gawabilugan, aroro at nafatuyanan sa antam matuyan tua.

Ebreu 10:35

Nu katanya, lag am kamomuy ay amatanganan aroro e famonun at mafalganan sa ayu.

Ebreu 11:1

E fagafanudun tua tam nu gtuyan tua tam te, tam ngay fagfanyaun kadasug ban fia, ay nu gafanud tua tam te, lumag ban tam tam nayud yay batang glag.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Ebreu 4:11

Nu katanya, masine nu gugatan tua tam nangadasug sanya fag fagfiangalayan, laman ban di tam umkata ebi fag ngay taw at nafamabo.

Ebreu 4:14

Nu katanya, dakngani e tiba tungud tam at mabalyanan fag Tagfon Fanggalangun at nasakbo sas banwa, we tiba nu bunway Isus, Dius at Baguama, maksvni tua nu gbakvd tam tam fagafanudun.

Ebreu 4:16

Nu katanya, lag tam gaduanun nangakbang sas Dius at mafangafanyu at daga salubangan, laman mul tam at fakafanyun ay at fagmagalangun taggubuk antam gina tam gayudan.

Ebreu 6:11

Ay em fakaylatun galay am at sadi nu gfataglayun tuam ay fakamulun nu gugatan am gfalag ay fagmatuyanun sa ay ngay faduksay sitsigon bans fakatabuan laman ban mul tuam ay fagsegun.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

Ebreu 7:19

Aroro Muisis at Faugali wa mafafasine nusnge wain. Ay katsi e nafadasug sa antam sik fagsegun tagtungud tua ebi tam fagsegun. Ay siginan kanya fag fagsegun manangakbang tua tam sas Dius.

1 Pedru 1:8

Dewa am yud batang glag anya, kesug tuam anya. Ay dasug katsi yam glag anya, dewa katanya gafanud tuam sa anya. Nu katanya, maksvn tua nu guseganan am, at kaksvnan we taw ya mafafoyung.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.

1 Pedru 4:17

Aroro munakbang wan Dius nu ginsaful taw at asalanan, ay gfasigad sat ngay taw. Ay nu gfasigad ban nu si way antam, tain ban at kumfasludan sat yud gfaning Dius at Masine fag Barita?

At Nafasure 2:18

“Riruki sas tagbarita tagulit ngay tagafanud sis Tiatira te, “Dius at Baguama at mata tagigang kata sik afuy, ay at darafa taganinag kata sik tansu. Kanya glong te,

At Nafasure 2:25

Dewa katanya, bakvdi fia tagsi ayu fag ugali yakmay kban andasug.

At Nafasure 2:26

Ay nusnga sinu ban at nababo ay tagfaning tua ku fakaylatun anggan sas fakatabuan, gfon kban sik fagmabalyananun laman sik fun kata ku nabul siginan ku mama. Ay gfafagtainan kban sa anya ngay talun. Kanya ban gina gfagtainan, gbitbitan sik famalang sanbung, ay nanrufa ban anya fagayu kata nu grufa fangawat bisu daga.

At Nafasure 3:11

Munakbang wan nu kadasug au. Bakvdi fia tagsi ayu fag ugali laman ban nusnga sinu fag taw we maago siginan ayu ku fagnamonun ban sa ayu fag famonun.