Ebreu 3:5 - Fanawbuid tagsibaliwas Fakayabian

⁵ Muisis, Dius at fagsuguan, matuyan tua nu gfangguna Dius at ngay taw, ay fagayu at nafakamulun sik fafaskudanan sabaliwa takafasludan yay ban.

Ebreu 3:5 ပူးပေါင်းရင်းမြစ်များ

Nemyas 9:14

Nafoyung o sa anya fagayu sabaliwa at fakamulun sis Famiangalay fag Menit. Ay siginan am fagsuguan Muisis, nasugu o anya fagayu te, faningi am ngay suguan, am ngay foyungan, ay am ngay faugali.

Alubad. 105:26

Kanya nasugu at taglong Muisis ay at filian Arun.

Nu Galin 14:31

Ay ngay taw Israel nu nalag Yawi at nafakamulun sa sangay taw Igiptu, kanya fagayu anlimu ay nafanud sas Yawi ay anggan sat fagsuguan Muisis.

Nu Galin 40:16

Nu katanya, Muisis nafakamulun Yawi at ngay suguan.

Tap 12:7

Dewa katanya, di katanya nu gfakamatoan au ku fagsuguan Muisis, takamangguna ku ngay taw.

Mateu 24:45

“Katatuy at matuyan ay at mamatanganan fag fagsuguan. At tagfayafun nasugu anya te, ‘Alagai ku ngay fagsuguan ay fafangoni tua anya fagayu galay fanfangonan.’

Mateu 25:21

“Ay at tagfayafun nalong anya te, ‘Masine tua am fakamulun. Masine ay matuyan o fag fagsuguan. Matuyan tuo sa talay fag fakamulun. Ay katsi ban namalaga kyay fia sa emu at kayuan gtungud yay ban fia ebi. Ay katsi, useganani fasfuani angku, am tagfayafun.’

Lukas 12:42

Ay tam Fun nabalus te, “Katatuy at matuyan ay at mamatanganan fag tagalaga. At tagfayafun nasugu anya te, ‘Alagai ku ngay fagsuguan ay fafangoni tua anya fagayu galay fanfangonan.’

Lukas 24:27

Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

Lukas 24:44

Ay Isus nalong te, “Katatuy ku longan ayu ebi, gina au galo yay ayu: fagayu at marirukan sabaliwa angku sis Muisis at Faugali ay sis Dius at ngay taglong at ngay rirukan, ay anggan si sangay Alubad, umfasludan wan.”

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Fakamulun 28:23

Ay kanya fagayu nafili sik menit laman gdog yay maful, ay ngayuk taw at kindasug sas Pablu at bale nu ndasug at nafili fag menit. Ay Pablu gfoyung sas fagayu taw siginans balabag yakmay anyabi, ay gfayamag sa anya fagayu siginan Muisis at Faugali ay siginan Dius at ngay taglong at ngay rirukan, sabaliwa Dius nu gfagtainan. Ay Pablu gugatan gfoyung sabaliwas Isus laman kafag ngay taw gafanud.

Fakamulun 7:37

“Muisis yay fia at nalong sa sangay taw Israel te, ‘Dius ban gfili sik taglong kata angku siginan ay ngay kasugfunanan.’

Ruma 3:21

Ay katsi Dius nafasure wan nu setain nu gtap ngay taw kata nu yud e asalanan. Bunwa siginan nu gfaning Muisis at Faugali, aroro kafag Faugali wan ay ebi fag ngay taglong at nafatuyan.

1 Kurintu 4:2

Ay sik fagfatigwanan matuyani tua fia nu gfakamulun at fanambagun.

Deuterunumyu 3:24

“Fun Dius Yawi, nafasigad wo nafasure am fagmabalyananun sa am taglong, aroro we Dius sis banwa ay sis daga at mafafakamulun at ngay madulo kata am nafakamulun.

Deuterunumyu 34:5

Yawi at fagsuguan Muisis anbul sanya sis talun Muab, kata Yawi at longan.

1 Timuteu 1:12

Guseganan au sa tam Fun Isus at nafon angku fagmabitsugun, aroro natuyan angku te, sik fagfatigwanan, ay nafili angku laman at fagsuguan.

Ebreu 1:1

Ebi Dius naringang sa tam ngay mangaguyang ngayu ginan siginan at ngay taglong, ay saman wa samank balyawvtan.

Ebreu 3:2

Tam Isus matuyan tua sat nafili anya, kata Muisis nu matuyan fia nu gfangguna Dius at ngay taw.

Ebreu 3:4

Nasaful tam te, galay sik bale e nawat, ay dewa katanya, Dius tua at nawat fagayu nusnge wain.

Ebreu 8:5

Kafag ngay tagfon fanggalangun at fagfakamulunan fag bale sik fafaskudanan way ay sik aninu tagsis banwa fag bale ramit. Aroro gina Muisis ganangawatun kafag bale ramit, maksvn Dius nu gsugu anya te, “Fakamuluni fagayu nusnge wain kata ku nafalag sa emu fag fagfaningan gina o sis buksul.”

Ebreu 9:24

Aroro tam Fun Isus at fagsakboan bunwa taw at nawat fag fagnansegan Dius fag bale ramit, nu bunway sa tuas banwa. Taw at nawat fag fagnansegan fag bale ramit sik aninu way at matuyan fag bale ramit tagsis banwa. Ay katsi tam Fun Isus si was Dius at daga salubangan, laman tam tagwabilug.

Uswe 1:15

yakmay Yawi nafon anya fagayu at fagfiangalayan kata at nafon sa ayu. Sanya ginan, am, masine nu kafoli ban am stie sfakamenitan baliwa fag tigyangan Liskung Urdan, laman nangagbilug ste fag talun, Yawi at fagsuguan Muisis at nafon sa ayu.”

Uswe 1:2

“Ku fagsuguan Muisis anbul wan. Nu katanya, katsi, o ay anggan ngay taw Israel falganani, difei Liskung Urdan sa ku fon ban ayu fag talun.

Uswe 1:7

Maksvni tua ay maseganamai. Faningi fia fagayu ku suguan ku nafon sa ku fagsuguan Muisis. Lag o kalyam, laman nusnga setaw am fagnamakamulunun gbabo tuo.

Uswe 8:31

Kanya nafawat kata Muisis, Yawi at fagsuguan, at nasugu sa sangay taw Israel sit Faugali fag fafil te, “Fawati sik fagirugan fanggalangun at mawatan ngay gang at yud mafasinean siginans sanbung.” Ay nafoli sis tungud fagirugan, fagirugun fag ngay fanggalangun sas Yawi ay ngay fanggalangun laman sas fagmanabayanun.

Uswe 8:33

Fagayu taw Israel, gadgaloan at ngay tagfagtainan, at ngay tagfangguna, ay at ngay tagwabilug, anggan yangay ngay taw tagsiginans tibak talun, ankafud sas dua ay gsumbalian malindug sis Fagsuadan Nasadian. Sik gaban gtalyuyan Buksul Gerisim ay sik gaban gtalyuyan buksul Ebal. Ay sis wabilug, ngay tagfon fanggalangun siginan Lebi at kasugfunanan malindug gbuba Fagsuadan Nasadian. Kanya fagayu nafakamulun takatanya laman gfaning Muisis, Yawi at fagsuguan, at suguan ebi sabaliwa nu gfadante ngay taw Israel.

At Nafasure 15:3

Ay kanya fagayu galubad Dius at fagsuguan, Muisis ay Tupa Riangan at alubad te, “Dius em Fun at mabalyanan sas fagayu, am ngay fakamulun mabalyanan ay madulo, am ugali matuyan ay mafanud, o wan fagayu talun at Fun.