Ebreu 3:2 - Fanawbuid tagsibaliwas Fakayabian

² Tam Isus matuyan tua sat nafili anya, kata Muisis nu matuyan fia nu gfangguna Dius at ngay taw.

Ebreu 3:2 ပူးပေါင်းရင်းမြစ်များ

Nu Galin 40:16

Nu katanya, Muisis nafakamulun Yawi at ngay suguan.

Tap 12:7

Dewa katanya, di katanya nu gfakamatoan au ku fagsuguan Muisis, takamangguna ku ngay taw.

Uan 15:10

Nu gfaning tuam ku ngay suguan, gbanwan tuam sa ku fakesugun, kata nu gfaning au ku Mama at ngay suguan ay gbanwan sat fakesugun.

Uan 17:4

Fagdaul daga gfauseganan emu aroro nafatabu kwan am nafafakamulun sa angku fag fakamulun.

Uan 7:18

Nusnga sinu tagfoyung nu siginan way at sadili foyungan, kanya gfauseganan way at sadili. Ay dewa katanya, nusnga sinu tagfoyung nu gfauseganan tua sat nasugu anya, kanya wan at matuyan ay at yud e asalanan.

Uan 8:29

Ay at nasugu angku gufud tua angku. Kanya di gfabayan angku gsesadian, aroro kabavn gfakamulun au tagfauseganan anya.”

Efesu 2:22

Ay siginan yangay ay fagmasadiun sa tam Fun Isus, kanya gfasfuan yangay gfalindug ayu laman Dius am at Masine fag Falad at fagbanwanan.

Deuterunumyu 4:5

Nafoyung au sa ayu ngay suguan ay ngay fagaloan, Yawi ku Dius at nafoyung angku laman ay fagnangugaliun ban sa ay fagnangadasugan fag talun ay fagbanwanan.

1 Timuteu 1:12

Guseganan au sa tam Fun Isus at nafon angku fagmabitsugun, aroro natuyan angku te, sik fagfatigwanan, ay nafili angku laman at fagsuguan.

1 Timuteu 3:15

laman deyud au vtv andasug, sumaful o at masine Dius at ngay sisian at ugali. Itam wan tagleleg fag Dius at ngay taw, ay itam wan tagbakvd ay tagsarig sas fagmatuyanun.

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

1 Samwel 12:6

Samwel nalong te, “Anud! Tagfatuyan Yawi wan at nafili Muisis ay Arun, ay sia yangay at nafaduksun ay ngay mangaguyang siginans talun Igiptu.