Ebreu 3:1 - Fanawbuid tagsibaliwas Fakayabian

¹ Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

Ebreu 3:1 ပူးပေါင်းရင်းမြစ်များ

Alubad. 110:4

Yawi di gfabadbalian at fatuyanan te, “Sik tagfon ban o fanggalangun kabavn, kata Melkisedek.”

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 41:20

laman ngay taw lumag, ay sumaful, ay umtuyan te, au Yawi, Israel at Dius at yud e Malong, at nafakamulun takatanya.

Isayas 5:12

Gina am maful si ay fagmafulun, ay amatanganan sa way baliwa ay ngay fagfawangun ke ngay bakyang, ay ngay fagfadkalinganun, ay tulali, ay anggan ay ngay fanlangu. Dewa katanya, wam gamatangan ya sabaliwa Yawi at nafakamulun laman sa ayu.

Esekyel 12:3

Nu katanya, namalganan o am ngay famubaun ay namaning o kata nu gatabanan o. Ay loi sa tibak furuan, ay nu glao o, si yakman swa menit, laman kafag ngay taw glag emu. Tiba ginan ro, kanya fagayu nu nalag takatanya am fakamulun, sumaful te, sik takamabo way.

Esekyel 18:28

Aroro kanya nafoyung tua ay naubun at asalanan, kanya ban gleleg tua.

Agay 1:5

Amatangani nu mabanwan am katsi.

Agay 2:15

Amatangani fia at ngay kindasug sa ayu gina am yud nawat Yawi at bale.

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Uan 20:21

Ay Isus nadog yay nalong te, “Si wa ayu fagmanabayanun. Gsugu au ayu kata ku Mama nu nasugu angku.”

Uan 20:27

Ay sanya ginan Isus nalong sas Tumas te, “Damai ku ngay daluap ay tedi, ay apkapi sa ku tigyangan. Lag o gawabilugan ya, afanudi wan.”

Fakamulun 1:15

Ay ginanya fag ngay menit, sadik sandan duak safuluk tagafanud maful ay Pedru anlindug si sangay taw at daga salubangan ay gfoyung te,

Ruma 11:17

Am at yud Udyu fag ngay taw kata wayam sik malyaman fag fun kayu at ngay sanga at kinsugfun sat matuyan fia fag fun kayu. Ay nafaungbus ayu sat kin-gatvng fag sanga at fakagatvngan. Nu katanya, ankaksvn am siginan kafag fun kayu at lalid.

Ruma 15:27

Kanya fagayu maksvn nu guseganan gfon aroro katanya wan at matuyan, aroro kanya e bedan sa tam ngay faduksay sis Erusalem. At yud Udyu fag ngay taw e kwa wan sas fanfalad baliwa, siginan sangay taw Udyu. Nu katanya, at masine at yud Udyu fag ngay taw nu ggubuk yangay anya fagayu siginan takalag fag famonun.

Ruma 15:8

Glong au ayu te, tam Fun Isus ansik fagsuguan sa sangay taw Udyu laman gfasaful te, Dius gfafasludan at ngay fatuyanan sat ngay mangaguyang,

Ruma 9:24

Itam wan Dius at nauro fag ngay taw, bundi lang ngay taw Udyu, nu bunway anggan yangay at yud Udyu fag ngay taw.

1 Kurintu 1:2

Griruk ami sa ayu, Dius at ngay taw sis Kurintu, am at nafili siginan nu nsadi am sa tam Fun Isus. Ay Dius nauro ayu laman sik ngay yud tuam e malong, gasfuan fagayu nusnga nday at natoglag tam Fun Isus, fagayu tagafanud at Fun.

1 Kurintu 10:17

Fagayu tam kata tam sadik bilug aroro sadi wayk tinapay tam nafudan.

1 Kurintu 9:23

Gfakamulun au takatanya fagayu laman mafafamoyung au at Masine fag Barita, laman ban e kwa kyangay tam Fun at famonun.

2 Kurintu. 1:7

Maksvn em fagsegun sabaliwa ayu, aroro nasaful wami te, e gfasun yangay ban ayu kata nu e nafasun emi, aroro masadi tuam sa em fagidapun.

2 Kurintu. 9:13

Aroro mafanggubuk tuam, takatanya gfatoglag am te, gfaning tuam at Masine fag Barita sabaliwa tam Fun Isus. Ay aroro nagubuk tuam anya fagayu, kanya ban fagayu guseganan yangay sas Dius.

Efesu 3:6

Katatuy Dius at algan at masuksukan: aroro ngay yud Udyu gafanud yangay sat Masine fag Barita, kanya fagayu mul yangay Dius at famonun kata ngay taw Udyu. Kafag duak gaban ansadi sa sik bilug, ay kanya fagayu mul Dius at fatuyanan fag famonun aroro siginan at fagmasadiun sa tam Fun Isus.

Efesu 4:1

Au sik maubungan aroro siginan nu gfaning au tam Fun, maksvn nu glong au ayu te, ugalii tua at masine kata Dius at ngay nauro.

Efesu 4:4

Ansadi tam sa sik bilug ay sa sik Falad, ay sadi yangay tam fagsegun at nafon antam gina nauro antam.

Filipus 3:14

Gfataglayun au sitsigons fakatabuan laman namul au at famonun fag leleg at yud e fakatabuan, magamut si tam Fun Isus, siginan Dius at nauroan angku.

Kulusas 1:12

gina am guseganan sa tam Mama, aroro kanya nafasine ayu laman e afud tuam sat fagnamonun at nafalganan sat ngay taw tagbanwan sad mayamag.

Kulusas 1:22

Dewa katanya, siginan tam Fun Isus at nabulanan, ansadi tuam sas Dius laman namasalubang ayu sa anya yud e malong ay matuyan.

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

1 Tesalunika 5:27

Sa tam Fun at ngayan, gfainfanyuan ami te, tapi tuy fag rirukan sas fagayu tam ngay faduksay.

2 Tesalunika 1:11

Nu katanya, gdarangin ami gugat te, tam Dius ggubuk ayu laman matuyan tua nu gbanwan am, am fag ngay nafili. Ay gdarangin yangay ami te, Dius at fagmabalyananun taggubuk ayu sas fagayu at masine ay fakaylatun gfakamulun aroro sa ay fagafanudun.

2 Tesalunika 2:14

Katanya tam Dius at fagnauroun ayu siginan at Masine fag Barita em nafoyung ayu, laman e afud tuam sa tam Fun Isus at fagmasineun.

1 Timuteu 6:12

Fabadbaboani sabaliwa am fagafanudun. Ay bakvdi leleg at yud e fakatabuan. Kanya wan Dius at fagnauroun emu gina o maseganama gfoyung sa sangay taw sabaliwa am fagafanudun.

1 Timuteu 6:2

Ay sik fagsuguan at tagfayafun nu sik tagafanud, lag gyud gsuyu aroro duksay sas fagafanudun. Nu bunway, kafag fagsuguan faugati yap nu gfaning at tagfayafun aroro kanya gafanud yangay ay Dius kesug anya, ay e tungkul tua sa anya at fagmafaningun. Fafasludani foyungi takatanya fagayu.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

2 Timuteu 2:7

Amatangani masine ku foyungan emu, ay tam Fun gfon sa emu fagmatogdungugun sabaliwa fagayu takatanya.

Ebreu 10:19

Nu katanya, ku ngay faduksay, katsi masakbo tua tam sat Mafasamanan Fia fag Suluk, siginan Isus at nabulanan.

Ebreu 10:21

Ay katsi, e tiba tungud tua tam fag tagfon fanggalangun tagfagtainan Dius at taw.

Ebreu 10:23

Faksvni tua tam fagsegun ay lag tam gawabilugan, aroro at nafatuyanan sa antam matuyan tua.

Ebreu 13:22

Ku ngay faduksay, maksvn nu glong au sa ayu te, dungugani fia masine ku foyungan sa ayu. Munagud way tuy ku rirukan sa ayu.

Ebreu 2:11

Isus, at nafa yud e malong antam, ay itam, sadi way tam Mama. Nu katanya, Isus wa kapla gtuyan antam te, at ngay faduksay.

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Ebreu 3:12

Ku ngay faduksay, nu katanya, dirii tua laman diam gamatangan sat mauri ay di kalyam ay fagafanudun ay tumalyuyan tagleleg fag Dius.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Ebreu 6:20

Isus naguna antam nasakbo sanya. Kanya ban sik tiba tungud fag tagfon fanggalangun kabavn kata Melkisedek.

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

Ebreu 7:28

Tiba tungud fag ngay tagfon fanggalangun at kinfili, gfaning Muisis at Faugali, e fagmamomuyun way. Ay Dius nu nafon wan Muisis at Faugali, abandi, Dius nafili at Baguama siginan nu glong sik famatuyan fag longan, ay kanya nafayud e malong anya kabavn ban.

Ebreu 9:11

Ay Dius at Nafili andasug laman tiba tungud fag tagfon fanggalangun. Ay kanya nafosuk sa antam sik fagmasineun, gtungud tua tam fagdalanun katsi. Ay katsi kanya gfakamulun sis fagnansegan Dius fag bale ramit, bunwa taw at nawat ay wa ste swa daga.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

1 Pedru 3:5

Ebi fag ngay mangena tagafanud sas Dius, kata kanya at fagfasineun. Kanya fagayu gfaning tua at mesa mangama.

1 Pedru 5:1

Maksvn nu glong au sa ayu tagfagtainan ngay tagafanud te, au sik fagtainan kyangay, at nalag tam Fun Isus at ngay naidapanan, ay e afud kyangay at fagmasineun takadasug yay ban.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

Udas 1:1

Siginan angku, Udas, tam Fun Isus at fagsuguan, ay Santiagu at faduksay. Sas Dius at fakesugun fag ngay taw, ay tam Fun Isus at fagdiriun.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”