Ebreu 2:3 - Fanawbuid tagsibaliwas Fakayabian

³ Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.

Ebreu 2:3 ပူးပေါင်းရင်းမြစ်များ

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 20:6

Gina ban umfasludan fag menit, ngay taw Filistia lumong te, ‘Damai at kinfasludan sanya fag ngay talun tam fagsegan ebi ginan, ay tam fagnangetan gugat gubuk laman gfalangfe antam siginans Asirya at fun. Setain ban katsi nu malangfe tam?’ ”

Isayas 51:5

Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 51:8

Aroro takatanya fag ngay taw kata way sik lanbung, ulud at naurit. Ay dewa katanya ku fagmasineun gtaglayun tua ban kabavn, ay namalangfe au fagayu kasugfunanan.”

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Esekyel 17:15

Ay talun Uda at fun nafamabo talun Babilunya at fun. Ay Uda at fun nasugu at ngay taw sas talun Igiptu laman nanget ngay kabayu ay ngay tagfawayan. Dewa katanya, o nunda ro kanya gbabo? O ay kanya ro malagyu malangfe sas faurianan dewa yud nafaning at nasadian sas talun Babilunya?

Esekyel 17:18

Uda at fun nalyam at nasadian sas Babilunya at fun, nu katanya, kanya ban wa kalangfe.

Mateu 23:33

“Kata wayam tagfandaya fag ngay ule at maganga! Wa ban am masaruy faurianan sa ayu sas afuy daul.

Mateu 4:17

Siginan ginanya fag menit, Isus gfasigad gfoyung te, “Ubuni ay ngay asalanan, aroro munakbang wan Dius sas banwa nu gfagtainan taw.”

Markus 1:14

Ay Uan gina nkubung, Isus nalo sas talun Galilea, ay namoyung at Masine fag Barita sabaliwas Dius.

Lukas 1:2

Kanya fagayu nariruk kata em nadungug fag ngay fansulitan siginan at nalag at kinfasludan ebi taguna ay at nafoyung Dius at Longan.

Lukas 1:69

Kanya nafadasug sa antam sik mabalyanan fag tagfalangfe siginan at fagsuguan Dabid at kasugfunanan,

Lukas 24:19

Ay Isus nainto te, “Ay nataw nunda at kinfasludan?” Duama nabalus Isus te, “At kinfasludan sabaliwas Isus fag taw Nasaret. Kanya sik taglong at mabalyanan sas Dius ay sa sangay taw at daga salubangan. Ay at fakamulun wan at mabalyanan ay at foyungan tagfatuyan.

Uan 15:27

Ay am yangay ban ku tagfatuyan sas fagayu taw, aroro siginan ngays fakasigadan gadgaloan watam gugat.”

Fakamulun 1:22

gfasigad siginans Uan nu gfasurung sitsigon nu e gfabat Isus sas banwa. Ay kanya ban sik tagfatuyan yangay sabaliwas Isus nu gdog gleleg.”

Fakamulun 2:22

Pedru gfataglayun gfoyung te, “Ku kaiban fag ngay taw Israel, dungugani! Isus tagsiginans Nasaret nafakamulun at madulo ay at mabalyanan fag ngay fakamulun laman gfatoglag te, Dius at nasugu anya. Ay nasaful wam takatanya aroro nu kafasludan ste si ayu.

Fakamulun 4:12

Ste sfagdaul daga we mafalangfe antam nu bunway Isus.”

Ruma 11:14

Bangaran ban manga siginan ku fakamulun, tiba ku kaiban fag ngay taw Udyu nalabian, ay laman ban tiba umlangfe yay.

Ruma 2:3

O taglong gugat te, am iba e asalanan, nu gfakamulun yangay o takatanya, o gamatangan o te, malangfe ban o Dius at faurianan?

1 Kurintu 1:21

Aroro Dius mamatanganan, kanya wa naylat taw nu gtoglag anya nu siginan way ste swa daga fag fagmamatanganun. Nu bunway, Dius kaylat gfalangfe nusnga sinu tagafanud sa em foyungan fag Masine fag Barita, tibak taw at nafayud e tungkul.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

1 Timuteu 1:15

Tuy at matuyan fag longan tam fagfaningun fia ay tam fagafanudun: tam Fun Isus andasug ste swa daga laman namalangfe ngay tagasalanan. Ay au wan at maksvn nu mauri sas fagayu.

Titu 2:11

Ansure wan Dius at fagmagalangun tagfon fakalangfean sas fagayu taw.

Ebreu 1:1

Ebi Dius naringang sa tam ngay mangaguyang ngayu ginan siginan at ngay taglong, ay saman wa samank balyawvtan.

Ebreu 1:14

Nu katanya, ngay tagbarita, kanya Dius way at ngay fagsuguan, ay at nasugu laman at nanggubuk at fagfalangfeun fag ngay taw.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

Ebreu 4:1

Dius nafatuyanan sa antam te, manangadasug tua ban tam sat fagfiangalayan. Nu katanya, masine nu mafalganan tuam gugat laman ban nusdi sadi si ayu diam yud umdasug sanya.

Ebreu 4:11

Nu katanya, masine nu gugatan tua tam nangadasug sanya fag fagfiangalayan, laman ban di tam umkata ebi fag ngay taw at nafamabo.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

1 Uan 1:1

Griruk ami sa ayu em nadungug sabaliwa Tagfon leleg fag Longan. Ay siginans fakasigadan kafag Longan sanya wan, ay nadungug ami fia, ay nalag ay nated anya.

Udas 1:17

Dewa katanya, ku ngay fakesugun, kabavn amatangi tam Fun Isus at ngay nasugu at foyungan sa ayu.

At Nafasure 7:10

Ay kanya fagayu gasfuan guro te, “Fakalangfean siginan tam Dius at malunggung sis fun at faglunggungan, ay siginans Tupa Riangan.”