Ebreu 2:18 - Fanawbuid tagsibaliwas Fakayabian

¹⁸ Isus nadalan wan ngay fagidapun gina gafaskudan, nu katanya katsi kanya mafagubuk tua ngay taw tagdalan sa sangay famaskud.

Ebreu 2:18 ပူးပေါင်းရင်းမြစ်များ

1 Kurintu 10:13

Ya batang e ndasug famaskud sa ayu, fagayu taw at yud nadalan fag famaskud. Matuyan tam Dius, di gfadasug sa ayu ay fagyudun makatu fag famaskud. Nu bunway kanya gfon ayu sik fagmabitsugun laman mababo tuam.

Udas 1:24

Tam Dius tagdiri ayu laman diam gasalanan, ay kanya yangay tagfayud e malong ayu laman mafakbang ayu sat daga salubangan ke fagusegananun.

Ebreu 5:2

Ay aroro kanya sik taw yangay kata antam, kanya e fagmamomuyun yangay, ay kafanyu tua ngay taw at yud nasaful te, gsaruy wan siginan at matuyan fag dalan.

At Nafasure 3:10

Nafaning tuam ku suguan ayu te, agwantani. Nu katanya, gdiri ktua ban ayu, dewa ban andasug faurianan sa sangay taw sas fagdaul daga.

2 Pedru 2:9

Nu katanya, amatangani te, tam Fun saful tua gfalangfe at matuyan fag ngay taw siginan sangay famaskud, ay saful yangay gfaurianan at mauri fag ngay taw gina ban andasug fanginsafulan asalanan fag menit.

2 Timuteu 1:12

Ay kanya wan ku fagmaubunganun. Ay dewa katanya kdi kapla, aroro toglag ktua ku fagafanudan, ay antuyan au te, kanya makatu galaga at nafatigwanan sa angku fag Masine fag Barita yakmay ban andasug fakatabuan fag menit.

Uan 10:29

Ku Mama at nafon angku ku ngay tupa. Ay ku Mama amabalyanan yap tua fagayu, ay nusnga sinu we maago kafag ngay tupa siginan ku Mama at daluap.

Lukas 22:53

Kayu menit si koma gugat Dius at bale magamut ayu, ay wam nagamat angku. Dewa katanya, katsi ya ay buknga gina fagmadulumun tagfunan.”

Filipus 3:21

Nu ndasug ban ginanya fag menit, kanya gtubus tam bilug ste swa daga ay gfafasine ban kata at bilug. Kanya namakamulun takatanya siginan at fagmabalyananun tagfagtainan sas fagayu nusnga setaw.

Lukas 22:28

Am wan tagfaudgufudan angku gina au e fagidapun.