Ebreu 2:14 - Fanawbuid tagsibaliwas Fakayabian

¹⁴ Dakngani at ngay sisian sik taw fia, anggan Isus sik taw yangay fia, kanya, kata kafag ngay taw, e faknul ay e taguk, laman siginan at nabulanan nababo wan Satanas ke fagmabalyananun sas fakabulun.

Ebreu 2:14 ပူးပေါင်းရင်းမြစ်များ

2 Timuteu 1:10

Ay kafag fagmagalangun ansure gina tam tagfalangfe tam Fun Isus andasug. Kanya nababo fakabulun ay nafadasug at yud e fakatabuan fag leleg, ay nafayamag takatanya siginan at Masine fag Barita.

Ruma 8:3

Dius nafakamulun Muisis at Faugali at fagyudun makatu, aroro kafag faugali anmomuy siginans asalanan at fagmabalyananun, ay wa nakatu gfalfas antam. Dius nasugu at Baguama kata sik taw tagasalanan, laman sik fanggalangun aroro sa tam asalanan, ay nu katanya, Dius nafatabu wan asalanan at fagmabalyananun. Ay at fagnafasteun swa daga laman gfoyung te, asalanan we fagmabalyananun ya.

Kulusas 2:15

Ay siginan takatanya, Dius nababo wan ngay tagfunan ay at ke ngay fagmabalyananun sas fanfalad. Kanya nafalag sas fagayu taw te, at fawayan nababawan wan.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Usea 13:14

Kwa ban gfalangfe ayu siginans fakabulun, abat ngate, glong kban sas fakabulun te, ‘Fakabulun, dada wan am famauri? Dada wan am famabul?’ Kwa kafanyu ya ayu.

Isayas 25:8

Yawi tam Fun namalyam waban fakabulun ay rumarus wan fagayu taw at liasun. Ay namalyam waban sas fagdaul daga at ngay taw at fakaplaun. Umfasludan waban fia takatanya aroro Yawi wan at ke longan.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

1 Kurintu 15:50

Ku ngay faduksay, ku longan at masuad te, tagste swa daga fag bilug wa ban magbilug Dius at fagfagtainanan. Tuy fag bilug takadan wa yangay magbilug leleg at yud e fakatabuan.

At Nafasure 1:18

Au wan tagleleg. Ebi anbul au, dewa katanya damai, katsi gleleg kwan ay gleleg kban kabavn. Ay fakabulun ban ay anggan at kinbul at talun sa wa ku daga fagmabalyananun.

Ruma 14:9

Aroro tam Fun Isus at faginbulun ay at fagnadogun naleleg laman kanya wan at ngay tagleleg ay at ngay mabulan at Fun.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Ebreu 2:18

Isus nadalan wan ngay fagidapun gina gafaskudan, nu katanya katsi kanya mafagubuk tua ngay taw tagdalan sa sangay famaskud.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.

Ebreu 4:15

Tam Tiba Tungud fag Tagfon Fanggalangun kanya nasaful tam ngay kamomuyan, aroro kanya nadalan wan fagayu famaskud kata antam, ay dewa katanya, kanya we asalanan.

Galasya 4:4

Dewa katanya, gina andasug at nafalganan fag menit, Dius nasugu at baguama ste swa daga. Kanya ansalug siginan sik mangena, ay gugali gfaning Muisis at Faugali.

Uan 12:24

Matuyan nu glong au ayu te, sik bvtang nu dyay e natanum ay anbul, kanya sik bvtang yay gugat. Ay kanya nu nbul wan, gtugbung ay ngayu ban nu grawvg.

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

At Nafasure 20:2

Ay kanya nagamat ule daul, tangaduge wan nu gleleg, at ngayan tiba te, Takamuag ay Satanas. Ay nu masiukan sadik libuk banwa.

At Nafasure 12:9

Ay e naukas ule daul, at madanama fag ule at ngayan te, Takamuag, ay Satanas, tagdaya sas fagdaul daga at taw. E naukas anya sas daga, gasfuan at ngay tagbarita.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Mateu 16:17

Ay Isus nalong yangay anya te, “Mauseganan tuo Simun, Unas at baguama. We taw nafoyung emu takatanya. Ku Mama tua sas banwa at nafoyung emu.

1 Kurintu 1:28

Ngay taw at natuyan te, wa mafanud, ay we tungkul, ay tagafalingunan ste swa daga, kata kanya fag ngay taw Dius at nafili, laman namayud e tungkul ngay taw at natuyan te, tiba tungud ste swa daga.

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Ebreu 10:5

Aroro katanya, gina tam Fun Isus andasug ste swa daga, kanya nalong sas Dius te, “Wo kaylat ngay fanggalangun ay ngay famonun. Fakatanyaun nafalganan o ku bilug laman sik matuyan fag fanggalangun.

Ebreu 10:10

Aroro tam Fun Isus nafaning tua Dius at fakaylatun, tam ngay asalanan nalyam wan, siginan tam Fun Isus nu gfon antam at sadili.

1 Pedru 1:20

Siginan nu yud ankawat tam daga, Dius nafili wan anya, ay katsi, sfakatabuan fag ngay menit, kanya nsure laman sa ayu.