Ebreu 2:11 - Fanawbuid tagsibaliwas Fakayabian

¹¹ Isus, at nafa yud e malong antam, ay itam, sadi way tam Mama. Nu katanya, Isus wa kapla gtuyan antam te, at ngay faduksay.

Ebreu 2:11 ပူးပေါင်းရင်းမြစ်များ

Mateu 25:40

“Ay au, at Fun, gbalus kban anya fagayu te, ‘Matuyan nu glong au ayu te, ay nafakamulun sat sadi ku faduksay at tiba daga, sa angku nu gfakamulun am.’

Mateu 28:10

Ay arodi Isus nalong sanya fag duena te, “Lag kalimu. Loi wan ay foyungi sa ku ngay faduksay, laman sabans talun Galilea. Ay sanya ban nu glag angku.”

Markus 3:34

Ay Isus nalingaman tagligung anya, ay glong te, “In ku mina ay ku ngay faduksay.

Markus 8:38

Nusnga sinu fag taw takapla gfoyung angku ay ku longan sa sangay taw tagasalanan ay at yud matuyan sas Dius, anggan au, Taw at Baguama, kapla kyangay ban anya gina kban andasug ke fagmabalyananun siginan ku Mama gfasfuan at masine fag ngay tagbarita.”

Lukas 9:26

Aroro nusnga sinu fag taw takapla gfoyung angku ay ku longan, anggan au, Taw at Baguama, kapla kyangay ban anya gina kban andasug ke fagmabalyananun, ay e fagmabalyananun kyangay siginan ku Mama ay anggan at masine fag ngay tagbarita.

Uan 17:19

Ay aroro sanya fag ngay taw, gfon au ku sadili sa emu laman sik fanggalangun at yud e malong, laman ban kafag ngay taw, matuyan te, umsik yud yangay e malong.

Uan 17:21

Mama, nangus kanya fagayu masadi tua kata anta. Nu setain nu masadi o si angku ay nu masadi au si emu, katanya yangay nangus kanya fagayu nu masadi si anta, laman fagayu taw ste swa daga gafanud te, o wan at nasugu angku.

Uan 20:17

Ay Isus glong anya te, “Lag o gted angku, aroro kya nkabat sa ku Mama. Loi wan sa ku ngay faduksay ay foyungi te, kabat kwa ban sa ku Mama ay ay Mama, sa ku Dius ay ay Dius.”

Fakamulun 17:26

Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga.

Fakamulun 17:28

Aroro siginan anya, gleleg tua tam ay maleleganan ay mafakamulun. Ay kata tibak taw tagsaful gfangkaturunan at nalong te, ‘Dius tam at ngay sisian.’

Ruma 8:29

Dius nasaful wan at nafili fag ngay taw siginans fakasigadan, ay kanya yangay at nafalganan laman at namaning at Baguama, laman at Baguama wan ngayuk duksayan at kaka.

Galasya 4:4

Dewa katanya, gina andasug at nafalganan fag menit, Dius nasugu at baguama ste swa daga. Kanya ansalug siginan sik mangena, ay gugali gfaning Muisis at Faugali.

Ebreu 10:10

Aroro tam Fun Isus nafaning tua Dius at fakaylatun, tam ngay asalanan nalyam wan, siginan tam Fun Isus nu gfon antam at sadili.

Ebreu 10:14

At masuad, siginan nu gfon fanggalangun fag sadi ginan, kanya nafae yud wan e malong kabavn ban at nafasine fag ngay taw.

Ebreu 11:16

Ay kanya fag ngay taw at fakaylatun sik fagbanwanan at masine, tagtungud tagste swa daga fag fagbanwanan, at masuad te, tagsi tuas banwa fag fagbanwanan. Nu katanya, Dius wa kapla kafag ngay taw nu gtuyan anya te, at Dius, aroro kanya nafalganan wan sik furuan daul laman sanya fag ngay taw.

Ebreu 13:12

Katanya yangay, Isus anbul sas day furuan, ay siginan at sadili taguk, kanya nafayud e malong fagayu taw.

Ebreu 2:14

Dakngani at ngay sisian sik taw fia, anggan Isus sik taw yangay fia, kanya, kata kafag ngay taw, e faknul ay e taguk, laman siginan at nabulanan nababo wan Satanas ke fagmabalyananun sas fakabulun.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.