Ebreu 13:9 - Fanawbuid tagsibaliwas Fakayabian

⁹ Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.

Ebreu 13:9 ပူးပေါင်းရင်းမြစ်များ

Alubad. 112:8

Kanya wa kalimu ay wa galakayan, aroro saful way te, gbabo way ban at ngay fawayan.

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Mateu 24:4

Ay Isus nabalus te, “Mataganani tua laman diam gadayan nusnga sinu.

Lukas 5:38

Abat ngate, sik taw nu gtalin at bagu fag fanlangu sa tua at bagu fag fagsuadan mawatan fagbaugun at balat.

Fakamulun 20:30

Siginan yangay ban ayu takamuagan fag ngay takamoyung, kanya ban fagayu, namalyam ngay tagafanud sas Isus at ngay fagafanudun, at fakaylatun te, laman namaning am anya.

Fakamulun 20:32

“Ay katsi gfatigwanan au ayu sas Dius ay sat longan sabaliwa at fagmagalangun. Kanya wan tagfaksvn ayu ay gfagbilug at mafalganan sa ayu ay sas fagayu at ngay nafili.

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

Ruma 14:2

Sik taw at maksvn at fagafanudun gamatangan te, “Kon kway nusnga setaw fag fakonun.” Ay dewa katanya at mamomuy at fagafanudun gamatangan te, “Kwa kon faknul.”

Ruma 14:6

Nusnga sinu tagamatangan te, sik menit gtungud tua tibak menit, kanya gamatangan takatanya laman sa tam Fun Dius. Ay nusnga sinu takon nusnge wain fag fakonun, kanya kon laman sa tam Fun aroro gfauseganan anya. Ay nusnga sinu at yud yangay kon gfakamulun takatanya laman sa tam Fun, ay gfauseganan yangay Dius.

1 Kurintu 6:13

Tibak taw glong te, “Tam fage ungdanun, kanya fagsuadan fakonun, ay fakonun, tam ungdan at bilug.” Matuyan kanya, ay dewa katanya, Dius ban gsud nangiklas kanya fag dua. Tam fage bilugun bundi sas fagfanugtugun, nu bunway laman namaning tua tam tam Fun, ay tam Fun taggubuk tam bilug.

1 Kurintu 8:8

Bunwa fakonun at mafakbang antam sas Dius. Nu katanya, dewa tam naon, kanya wa gfauri antam, ay dewa tam yud naon, kanya wa gfafasine antam.

2 Kurintu. 1:21

Dius wan tagfaksvn emi ay ayu, siginan tam fagmasadiun sa tam Fun Isus, ay kanya yangay at nafili antam.

Galasya 6:1

Ku ngay faduksay, ay faduksay nu nke asalanan way, am at ke Masine fag Falad gubuki anya laman umfoli nu gafanud sa tam Fun. Fakamatoani anya manabayan, dewa katanya, dirii tua laman diam gaaloan anya.

Efesu 4:14

Nu katanya tua, di ban tam kata ya sik sisian at amatanganan ay gabuban sa tibak foyungan ay di ban tam galoan ya ngay tagfandaya. Ay di ban tam gadayan ya tibak taw at ngay fandaya.

Efesu 5:6

Lag am gadayan nusnga sinu fag taw at yud matuyan at longan, aroro Dius kadotama nusnga sinu takamabo.

Kulusas 2:4

Nafoyung au sa ayu takatanya laman diam gadayan nusnga sinu ban fag takamoyung takamaylatan nu gfoyung.

2 Tesalunika 2:17

kanya nangus tagfasun ay tagfaksvn ay amatanganan laman fagayu ay fakamulun ay ay longan masine tua.

2 Tesalunika 2:2

lag am vtv gafanawa ay lag am kalimu, dewa e sik foyungan siginan unu sik falad at longan, ay dewa e gbarita, ay dewa e sik rirukan andasug siginan unu emi te, “Tam Fun at menit andasug wan.”

1 Timuteu 6:20

Timuteu, bakvdi at nafafatigwanan sa emu fag ngay foyungan. Ay saruyi fagayu tagste swa daga yud e tungkul fag kamatoanan, ay tagbadbaboan sabaliwa at yud mafanud fag fagsafulun.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

Udas 1:12

Kafag ngay taw gina gasfuan ayu gfangon, gfae fakaplaun ayu, aroro kanya fagayu gfangkumon. Ay at fagamatanganun at sadili way lang fakaylatun. Kanya fagayu kata way at yud e arak fag linyabu, tagabuban tagmara, ay kata yangay sik tanum tagrare yud grawvg dewa ndasug fanrawvgan, ay an-gulad, ay at lalid anyango wan.

Udas 1:3

Ku ngay fakesugun, maksvn nu kaylat au griruk sa ayu sabaliwa tam fakalangfean. Dewa katanya, gtungud yay nu kaylat au griruk sa ayu sabaliwa tagfaksvn ay fagafanudun, laman mabakvd tuam sa ay nadungug fag foyungan, Dius at nafatigwanan sat nafili fag ngay taw.