Ebreu 13:4 - Fanawbuid tagsibaliwas Fakayabian

⁴ Fagayu am atuyani te, fakadadwaun mafanud, ay lag am gfanugtug ay namatugtug, aroro Dius gfaurianan ban nusnga sinu tagfakamulun takatanya.

Ebreu 13:4 ပူးပေါင်းရင်းမြစ်များ

Fakasigadan 2:21

Nu katanya, Yawi nafatiug taw. Ay kaduge kafag taw gtiug, Yawi nabul at tagyang at sadi ay nafasine wa vtv at fagbulan,

Fakasigadan 2:24

Kanya at masuad mangama fagubunun at mama ay at mina ay nangasadi sat mangena, ay kanya fag dua umsadi wan.

2 Fun 22:14

Nu katanya, Kilkya, Akikam, Akbur, Safan ay Asaya nalao sas Kulda fag taglong laman namakamatoan. Kulda gbanwan sit bagu fag afud furuan Erusalem. At mangama Salum, Tikba at baguama ay Karkas at fufu. Ay Salum tagalaga ngay lanbung sis Yawi at bale.

Ub 31:12

Takatanya kata sik afuy tagfamin fagayu ku ramraman.

Isayas 8:3

Ay sanya ginan, nafataladan au ku bubay. Ay nafafion ay nafasalug sik munama. Ay Yawi nalong sa angku te, “Fangayani am sisian te, Maer-Salal-Kas-Bas.

Lebitiku 15:18

Sik mangama ay sik mangena nu nataladan way ay kafag mangama at famatabu nu nanting way, kanya fag dua masine nu gigus, dewa katanya, gtuyan te, kanya fag dua masuya yakmay menit anfalyu.

Lebitiku 18:20

“Lag gfataladan am iba at mangena aroro nu nafakamulun o takatanya, umsik masuya o fag taw.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

1 Kurintu 5:13

Dius wan at nanginsaful sa sangay yud gafanud te, o e asalanan. Kata at Rirukan te, “Aiyani wan at mauri fag taw siginan ayu.”

1 Kurintu 6:18

Lag am gfanugtug. Tibak asalanan, ngay taw at nafakamulun wa gtaip sat bilug, dewa katanya, nusnga sinu at nafanugtug, at sadili wa bilug at fagfauriun.

1 Kurintu 6:9

O nunda yam nasaful te, ngay taw tagfakamulun at mauri wa ban umful sas Dius at fagfagtainanan? Lag am gdaya ay sadili. Aroro, ngay taw tagfanugtug tibama at mangena ay sat yud e mangama, ay tagseg at yud matuyan fag ngay fagsegan, ay tagfanugtug sat usama,

1 Kurintu 7:38

Kanya masine nu gfanmangena, ay amasine yap nu ddi gfanmangena ya.

1 Kurintu 9:5

O nunda wami masine gtaban em ngay mangena fag ngay tagafanud yangay kata tibak nasugu at fakamulun, ay kata tam Fun at ngay arian, ay kata Pedru.

2 Kurintu. 5:10

Aroro galay ban tam at sadi nangalindug tam sa tam Fun Isus at daga salubangan. Ay kanya nanginsaful te, o e asalanan tam, laman mul tam at famayad sas fagayu tam nafakamulun at masine ay at mauri kaduge tam gleleg ste swa daga.

Galasya 5:19

Wa kasuksuk tam bilug at ngay fakamulun: fagfanugtugun, ay fagnamatugtugun, ay at mauri fag ugali, ay fagmauriun,

Galasya 5:21

ay fagfangasulupun, ay fagfangalanguun, ay fakamasaweun nu guseganan sat mauri, ay tiba yak ugali takatanya. Gfararang au kata ebi taguna ku foyungan ayu te, nusnga sinu tagfakamulun takatanya wa ban umtap sas Dius at fagfagtainanan.

Efesu 5:5

Asafuli te, tagfanugtug ay at namatugtug ay tagfakamulun at mauri ay tagfanganuran, wa ban umful sa tam Fun Isus ay sas Dius at fagfagtainanan, aroro tagfanganuran kata yay nu gseg at yud matuyan fag ngay fagsegan.

Deuterunumyu 22:22

Sik mangama nu natugtug way sik mangena at ke indugan wan, fabuli wan anya fag dua. Falyami wan siginans talun Israel takatanya fag fagmauriun.

1 Tesalunika 4:6

Lag am gfakamulun takatanya sa ay faduksay, aroro tam Fun gfaurianan nusnga sinu tagfakamulun at mauri, kata em nalong ay em nafararang wan sa ayu ebi.

1 Timuteu 3:12

Ay sik tagtanud at masine sadi way at mangena, ay masine nu gfagtainan at talnayan, ay nu gfangguna at ngay sisian.

1 Timuteu 3:2

Katatuy at masine at ugali: di e kalong te, mauri, ay sadi way at mangena, ay saful tua gfaragang at sadili, ay di gfangadotama, ay masuyu tua, ay gfasakbo tua sat bale nusnga sinu fag taw, ay masine tua nu gfoyung,

1 Timuteu 3:4

ay masine tua nu gfagtainan at talnayan, ay at ngay sisian gfaning tua ay gsuyu anya.

1 Timuteu 4:3

Kafag ngay taw gfoyung te, mauri way takadadwa, ay gsalag te, “Lag kon tibak fakonun,” dewa Dius at nawat kafag ngay fakonun laman ngay tagafanud ay at nasaful at matuyan gbul guseganan sas Dius.

1 Timuteu 5:14

Nu katanya way, gamatangan au te, masine ngap at mabaguina yay fag fagbubayun nu gdog gfanmangama, laman kae sisian ay gulit fia sat talanan, laman at yud gafanud we fagmalongun at mauri sabaliwa antam.

Titu 1:6

Am fagfiliun at yud tua e kafoyung te, mauri, ay sadi way at mangena. Ay at ngay sisian gafanud tua, ay di kamabo ay di kamaogatun.

Ebreu 12:16

Galay am at sadi madiriani mandi laman ban diam gfanugtug ay laman ban diam nafae yud e tungkul ay fagafanudun kata Isaw. Kanya e fagnamulun aroro kanya at kaka, ay kanya nafabangsi way at fagnamulun sa sik fakonun.

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.