Ebreu 12:3 - Fanawbuid tagsibaliwas Fakayabian

³ Masine nu gamatangan tuam fia te, maksvn tua Isus nu gagwantan tagfawayan anya fag ngay taw tagasalanan nu gfaidapan, laman ban diam kalufuy ay di kamomuy ay amatanganan.

Ebreu 12:3 ပူးပေါင်းရင်းမြစ်များ

Fangatulun 24:10

Gina o e fagidapun, way o e fagsegun ya, kanya wan tagfatuyan te, wa maksvn am amatanganan.

Isayas 50:4

Yawi tam Fun nafoyung angku ku fagnanlongun laman namabitsug au at ngay mamomuy. Kayu balabag Yawi gfulo angku laman gdungugan au at foyungan.

Mateu 11:19

Ay au, Taw at Baguama, gina au ndasug, gfangon ktua ay ginum. Ay ngay taw glong te, ‘Ida, kanya fag taw sik tagfangkumon way ay annanad glanguan, ay gfagadgalangan ngay tagbul famayad laman sas fun, ay anggan tagasalanan.’ Dewa katanya, gtuyan tam te, Dius at fagmamatanganun matuyan siginan at ngay fakamulun.”

Mateu 12:24

Ay ngay taw Fariseu nu nadungug kafag ngay taw at longan, nabalus te, “At fagmabalyananun gaiyan mauri fag ngay falad siginan way Lango at Fun, kanya mauri way fag ngay falad at fun.”

Mateu 15:2

“Wain am ngay tagadal at fakamaboun tam mangaguyang at faugali? Aroro kanya fagayu nu nanfangon wa gfegus at daluap.”

Mateu 21:23

Ay Isus andasug sas Dius at bale, ay kaduge kanya gfoyung, ngay fun tagfon fanggalangun ay ngay fagtainan nanangakbang sa anya ay nainto te, “Daginan am fagmabalyananun am fagmafafakamulunun katanya, ay sinu at nasugu emu?”

Mateu 21:46

Ay dewa kanya fagayu gyagamatun Isus, kalimu way ngay taw, aroro ngay taw gafanud te, Isus, Dius at taglong at sadi.

Mateu 22:15

Ay ngay taw Fariseu maful ay gkamatoan sit dayu sabaliwa nu namae asalanan Isus sit longan.

Lukas 14:1

Gina Famiangalay fag Menit, Isus nasakbo sa sik tagfangguna ngay Fariseu at bale, laman gfangon. Ay tagsanya fag ngay taw gdama anya.

Lukas 15:2

Ay ngay taw Fariseu anggan ngay tagfoyung Muisis at Faugali gibugan te, “Kafag taw gfakamatoan way tagasalanan ay gfasfuan anya gfangon.”

Lukas 16:14

Ay ngay taw Fariseu nu nadungug Isus at nalong, kanya fagayu nafalingun anya aroro kanya fagayu kesug salapi.

Lukas 2:34

Ay Simyun nafadante dadwa ay nalong sas Maria te, “Nafalganan tuy fag sisian laman ban ngayuk taw umsik afanyuan ay ngayu yangay ban ktaw umsik mafanud. Ay kanya ban sik fakasafulan tagsiginans Dius, ay ngayu ban ktaw glong mauri sabaliwa anya.

Lukas 5:21

Ay sanya fag ngay tagfoyung Muisis at Faugali ay taw Fariseu gfasigad gamatangan te, “Sinu tuy fag taw, at nalong at mauri sas Dius? Dius way lang at mafafalyam asalanan.”

Uan 10:20

Ay ngayuk taw glong te, “E gfafansaful anya, ay nalyam at amatanganan. Wain tam fagdunguganun anya?”

Uan 18:22

Isus nu nalong takatanya, at sadi tagulit at munakbang si anya nafalang at fingi, ay kanya nalong te, “Wain fakatanyaun nu gbalus o sa tiba tungud fag tagfon fanggalangun?”

Uan 5:16

Aroro katanya, ngay tagfangguna gfasigad gfauri Isus, aroro nafafia sis Famiangalay fag Menit.

Uan 7:12

Ay ngayuk taw tagibugan sabaliwa anya. Tibak taw glong te, “Kanya masine fag taw.” Ay tiba glong way te, “Kanya gfandaya way.”

Uan 8:13

Ay ngay taw Fariseu glong te, “O way lang tagfoyung sabaliwa am sadili. We tungkul am longan.”

Uan 8:52

Ay kafag ngay taw Udyu glong te, “Katsi natuyan wami te, e gfafansaful emu. Abrayam ay Dius at ngay taglong anbul, ay glong o te, ‘Nusnga sinu tagfaning ku longan di ban kabul kabavn.’

Uan 8:59

Ay nu katanya, kafag ngay taw nafuyut gang laman namana anya. Ay Isus nasuksuan ay nalo wan siginan Dius at bale.

Uan 9:40

Tibak taw Fariseu at malindug sanya nadungug ay ginto Isus te, “O am longan at masuad te, wami yangay glag?”

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

2 Kurintu. 4:1

Dius mafangafanyu tua, nu katanya kanya nafili emi laman gfakamulun ami sa baliwa at bagu fag nasadian, ay di kamomuy em amatanganan.

2 Kurintu. 4:16

Nu katanya, di kamomuy em amatanganan. Ay em bilug dewa garimanan wan kamomuy, kayu menit kabitsug tua em amatanganan.

Galasya 6:9

Nu katanya, lag tam kamomuy gfakamulun at masine. Nu ndasug ban sit filian fag menit, matuyan mul ban tam at famonun nu ddi tam anmomuy.

Deuterunumyu 20:3

“Ngay taw Israel dungugani, katsi fag menit namawayan am ay ngay fawayan. Lag am kamomuy ay kalimu.

2 Tesalunika 3:13

Em ngay faduksay, lag am kalufuy gfakamulun at masine.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 12:5

Am at ngay sisian, o nalyam wam Dius at foyungan sa ayu, tagfabitsug ay amatanganan fag ngay longan te, “Ku sisian, lag o gfae yud e tungkul tam Fun nu gatul emu, ay lag o kamomuy am amatanganan kanya nu naatul emu.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

1 Pedru 2:23

Dewa e nafalingun anya, kanya wa nafasud. Ay dewa e nafaidapan anya, wa nafamalimu, nu bunway nafatigwanan tua at sadili sas Dius, at matuyan fag tagwabilug.

At Nafasure 2:3

Saful kyangay te, gugatan tuam gagwantan dewa ngayu fag fagidapun aroro galo am angku, ay diam kamomuy.

1 Samwel 12:24

Nu katanya, suyui tua ban gugat Yawi, ay faningi anya sas fagdaul ay amatanganan. Amatangi tua ban gugat at ngay nafakamulun at maksvn nu madulo.