Ebreu 12:2 - Fanawbuid tagsibaliwas Fakayabian

² Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 12:2 ပူးပေါင်းရင်းမြစ်များ

Alubad. 110:1

Yawi nalong sa ku Fun te, “Gewan, malunggung o si ku siun baliwa yakmay kban nafababawan ay nafasam daga darafa am ngay fawayan.”

Alubad. 138:8

Yawi, fafasludani am ngay algan sa angku. Nu kesug o, di e fakatabuan. Fafasludani wan am ngay nafasigad fag ngay fakamulun.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Isayas 53:3

Ngay taw nafalingun ay naiyan anya. Ay andasug sa anya at masait ay at maidap. Natalyuyan tam anya ay nafalingun, ay wa tam nasuyu ya.

Isayas 8:17

Dewa Yawi naiyan Akub at kasugfunanan, au gafanud ktua sas Yawi. Nu katanya, gagwanta ktua gfanya anya.

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Tap 21:9

Nu katanya, Muisis nawat sik ule siginans tansu ay nafabat sa sik fungfung tulag. Ay fagayu at nagatan nadama sas tansu fag ule ay di nbul.

Mateu 16:21

Siginan ginanya, Isus gfasigad gfoyung sat ngay tagadal te, “Glo kban fia sas furuan Erusalem. Ay sanya ban ngayu ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Mateu 20:28

Ay au Taw at Baguama, katanya kyangay, ku fagindasugun bundi taw at fagnanggubukun, nu bunway nanggubuk au ngay taw, ay namon au ku leleg laman namul au ngayuk taw siginans fakabulun.”

Markus 14:36

Ay Isus nalong te, “Mama, mafafakamulun tuo nusnge wain. Buli siginan angku ku fagnandalanun ban fag faurianan. Dewa katanya, lag gfaning ku fakaylatun, nu bunway fadasugi am fakaylatun.”

Markus 15:28

[Siginan at kinfasludan takatanya, anfasludan at marirukan sis Dius at Longan te, Natap anya kata sik tagasalanan.]

Markus 16:19

Ay tam Fun Isus nu nalong wan sat ngay tagadal takatanya, e nafabat anya sas banwa ay kanya nananmalunggung sas Dius at siun baliwa.

Markus 9:12

Ay Isus nalong anya te, “Matuyan Elyas umdasug laman namalganan nusnge wain. Ay wain at faginrirukun sis Dius at Longan te, Taw at Baguama ngayu at fagnandalanun fagidapun, ay tiba bank taw gaiyan anya?

Markus 9:24

Ay arodi vtv at mama maksvn nu guro te, “Gafanud au, gubuki angku ku fagfainfolianun ku amatanganan.”

Lukas 17:5

Tam Fun at ngay nasugu nalong sa anya te, “Faksvni em fagafanudun.”

Lukas 23:11

Ay Erudes ay at ngay tagfawayan kase, gfalingun Isus. Ay kanya fagayu nafae lanbung Isus sik masine fag lanbung. Ay sanya ginan Erudes nalong te, “Fafolii Isus sas Pilatu.”

Lukas 24:26

At matuyan, masine Dius at nafili fag Fun nu nanginkidapan yay, ay sanya ginan nangadasug sat fagmasineun.”

Uan 1:29

Balabag di, Uan nalag Isus nu kakbang, ay nalong anya te, “In Dius at Tupa Riangan, at namalyam ngay taw at asalanan sas fagdaul daga.

Uan 12:24

Matuyan nu glong au ayu te, sik bvtang nu dyay e natanum ay anbul, kanya sik bvtang yay gugat. Ay kanya nu nbul wan, gtugbung ay ngayu ban nu grawvg.

Uan 12:32

Ay nu e nafabat angku siginans daga, namakbang kban fagayu taw sa angku.”

Uan 13:3

Isus nasaful wa te, at Mama nafon wa anya fagdaul at fagmabalyananun, ay nasaful yangay te, kanya siginans Dius ay kafoli sas Dius.

Uan 6:40

Aroro ku Mama at fakaylatun, fagayu at nalag at Baguama ay tagafanud sa anya e leleg tua ban at yud e fakatabuan kabavn, ay namadog kban namaleleg sa taguyan fag menit.”

Uan 8:56

Ay mama Abrayam nauseganan nu nasaful te, lumag nu kadasug au. Ay kanya nu nalag nafanagsag mandi.”

Fakamulun 2:36

Nu katanya, ngay taw Israel, masine nu gsaful am te, ay nafabul fag Isus sas fasulungan kayu, sia wan Dius at nafili laman tam Fun.”

Fakamulun 3:15

Ay nafabul am tagagbilug tam leleg. Dewa katanya, Dius nafadog yay nafaleleg anya, ay mafatuyan ami sabaliwa anya.

Fakamulun 5:31

Sanya ginan Dius nafabat anya ay nafalunggung sit siun baliwa laman sik fun ay tagfalangfe, ay gfon buknga sas fagayu taw Israel laman gubun at ngay asalanan.

Fakamulun 5:41

Ay kafag ngay nasugu nalo wan siginans taw Udyu at ngay tagfangguna, ay maksvn nu guseganan aroro Dius nafon fangagwanta aroro sas Isus at ngayan.

1 Kurintu 1:18

Sa tagafaurianan fag ngay taw we tungkul em foyungan sabaliwa tam Fun Isus at nabulanan sas fasulungan kayu. Ay sa antam, at ngay kinlangfe, kanya wan Dius at fagmabalyananun.

1 Kurintu 1:23

Ay dewa katanya, em foyungan sabaliwa tam Fun Isus at natuktukan sas fasulungan kayu, kata way sik fakataidan sa sangay taw Udyu, ay we tungkul sas yud Udyu fag ngay taw.

Efesu 2:16

Siginan tam Fun Isus at nabulanan sas fasulungan kayu, kanya nafatabu wan kafag duak gaban taw at fagawayanun, ay nafasadi wan laman namafoli sas Dius.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

Filipus 1:6

Natuyan au te, Dius at nafasigad sa ayu fag fakamulun at masine, kanya ban gfataglayun yakmay tam Fun Isus anfoli.

Filipus 3:20

Dewa katanya, tam fagbanwanan ban sa tuas banwa. Siginan yangay sbanwa, gfanya tam tam Fun Isus, tam tagfalangfe.

2 Timuteu 4:8

Tam Fun tagtuyan sabaliwas fagayu taw te, sinu takalangfe. Ay katsi kanya nafalganan sa angku sik famauseganan at fagnamonun ban sa angku gina ban taguyan fag menit, sik famasaful te, gtap angku kata nu yud au e asalanan. Nu gfon ban takatanya, bundi lang sa angku nu bunway anggan tua sas fagayu taw tagfanya anya nu kafoli.

Ebreu 1:13

Kabavn Dius wa batang glong sas nusnga sinu fag tagbarita te, “Malunggungi sa ku siun fag tigyangan, nu dyakmay ban au nafasa am daga darafa am ngay fawayan.”

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

Ebreu 10:14

At masuad, siginan nu gfon fanggalangun fag sadi ginan, kanya nafae yud wan e malong kabavn ban at nafasine fag ngay taw.

Ebreu 10:33

Tibaginan e gfalingun ayu ay e gfauri ayu sis salubangan fagngayuan taw. Ay tibaginan kataip am sa tagafaurianan fag ngay taw.

Ebreu 11:36

Tibak taw nafalingunan, ay tibak taw nafalangan, ay tibak taw ankubung masiukan salambitan.

Ebreu 12:3

Masine nu gamatangan tuam fia te, maksvn tua Isus nu gagwantan tagfawayan anya fag ngay taw tagasalanan nu gfaidapan, laman ban diam kalufuy ay di kamomuy ay amatanganan.

Ebreu 13:13

Nu katanya, nangakbang watam sas Isus sas day furuan ay nanginkaplan tam kata anya.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

Ebreu 7:19

Aroro Muisis at Faugali wa mafafasine nusnge wain. Ay katsi e nafadasug sa antam sik fagsegun tagtungud tua ebi tam fagsegun. Ay siginan kanya fag fagsegun manangakbang tua tam sas Dius.

Ebreu 8:1

Katatuy fagdaul ku foyungan ayu te, e tiba tungud tam fag tagfon fanggalangun at malunggung sis banwa sat mabalyanan fag Dius at siun.

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

Santiagu 2:1

Ku ngay faduksay, nu gafanud tuam sa tam Fun Isus at mabalyanan, lag am e fagfili taw.

1 Pedru 1:11

Ay kanya fag ngay taglong gugatan gyasafulun te, ginain ban ay setain nu kafasludan at longan. Siwa anya fagayu tam Fun Isus at Masine fag Falad, ay kanya fagayu gfoyung sabaliwa Dius at nafili fag Fun at fagnandalanun fag fagidapun ay at fagnamadasugun fag fagmasineun.

1 Pedru 3:18

Aroro tam Fun Isus sayginan way kabul, laman sas fagayu taw at asalanan. Kanya dewa yud e asalanan anbul laman sa sangay taw at ke asalanan, laman gtaban antam sas Dius. E nafabul at bilug taw ay nadog yay naleleg sit falad,

1 Pedru 3:22

Tam Fun Isus siwas banwa ay malunggung sis Dius at siun, ay gfunan at ngay tagbarita ay at ke ngay fagmabalyananun sis banwa.

Udas 1:21

Kabavn banwani sis Dius at fakesugun kaduge am gfanya tam Fun Isus at fakafanyun tagfosuk ayu sat yud e fakatabuan fag leleg.

At Nafasure 1:11

Ay nalong te, “Riruki ro fagayu am nalag ay fadasugi sas fituk furuan: sas Efesu, ay sas Esmirna, ay sas Pergamu, ay sas Tiatira, ay sas Sardis, ay sas Filadelfia, ay sas Laudisya.”

At Nafasure 1:17

Gina au nalag anya, anlub au sit daga salubangan ay kata wan nu nbul au. Ay kanya nafatayuk sa angku at siun fag daluap, ay nalong te, “Lag o kalimu. Au wan taguna ay taguyan.

At Nafasure 1:8

Dius tam Fun tagleleg katsi ay ebi ay takadasug yay ban, ay at tiba tungud nu mabalyanan, glong te, “Au wan taguna ay taguyan.”

At Nafasure 2:8

“Riruki sas tagbarita tagulit ngay tagafanud sis Esmirna te, “At nalong te, au wan taguna ay taguyan, ay at nadog naleleg, glong te,