Ebreu 11:8 - Fanawbuid tagsibaliwas Fakayabian

⁸ Aroro Abrayam gafanud tua sas Dius, kanya nafaning tua Dius nu nalong sa anya te, “Loi wan sa ku nafatuyanan sa emu fag talun.” Ay kanya nalao deyud nasaful at fakadasugan ban.

Ebreu 11:8 ပူးပေါင်းရင်းမြစ်များ

Fakasigadan 11:31

Tera nalao siginans Ur, taw Kaldea at furuan daul, gadgaloan at baguama Abram ay at nugang Saray ay at fufu Lut. Lut, Karan at baguama. Kanya fagayu at algan gtaglayun sas Kanaan, ay dewa katanya, nu ndasug sas furuan daul Karan, kanya fagayu sanya wan nu gbanwan.

Fakasigadan 12:7

Sanya ginan, Yawi ansure sas Abram ay nalong anya te, “Gfon kban sam ngay kasugfunanan ste fag talun.” Ay Abram nawat sik fagirugan fanggalangun laman sas Yawi aroro sat nasurean sa anya.

Fakasigadan 15:5

Ay Yawi nataban Abram sas lod bale ay nalong te, “Tangdai sas banwa ay damai ngay galeme, o mafatap ro wo? Kayu yangay ban fia nya am ngay kasugfunanan.”

Fakasigadan 17:8

Katsi sik ngay betaw wayam sis talun Kanaan, ay dewa katanya, namagbilug kban kabavn sa emu ay anggan sam ngay kasugfunanan tuy fag talun, ay au tua ban gugat ay Dius.”

Fakasigadan 20:13

Gina Dius glong angku te, ‘Ubuni wan am mama at fagbanwanan,’ nalong au sas Sara te, ‘Katatuy ban nu gfalag o te, kesug tuo angku: nusnga nday ban ta, longi way te, duksay way ta.’ ”

Fakasigadan 22:18

Ay siginan ban am ngay kasugfunanan ggubuk kban fagayu talun at taw sas fagdaul daga, aroro nafaning tuo angku.’ ”

Fakasigadan 26:3

Banwani yap sanya aroro gufud ktua ay ggubuk emu. Ay gfon kban sa emu ay sam ngay kasugfunanan iste fag talun fagdaul. Gfafasludan kban ku fatuyanan sam mama Abrayam.

Isayas 41:2

Sinu at nafili sik tagbabo siginans fakamenitan laman kanya gbabo nusnga nday? Ay sinu at nafagbilug sa anya ngay fun ay ngay talun at ngay taw? Kanya nafakata lukbu at ngay fawayan siginan at fiso, ay nafakata sik upa siginan at godun.

Esekyel 36:24

“ ‘Namul kban ayu siginan tibak talun ay namafoli kban ayu sa ay talun.

Tap 10:30

Kubab nabalus Muisis te, “Duan! Au kafoli kway sa ku talun ay sa ku kaiban.”

Mateu 2:21

Ay Use anfulo ay nataban at talanak ay anfoli sas talun Israel.

Ruma 1:5

Siginan anya, Dius nafon angku ku fanambagun laman sik nasugu aroro sa tam Fun Isus, laman nantaban au fagayu talun at ngay taw sas fagafanudun ay fagfaningun sa anya.

Ruma 10:16

Dewa katanya, bunwa fagayu taw Israel at nafanud sat Masine fag Barita. Katatuy Isayas at longan te, “Em Fun, sinu at nafanud sa em foyungan?”

Ruma 6:17

Guseganan au sas Dius te, ebi dewa am gafagsuguanan asalanan, katsi gfaning tuam ku nafoyung sa ayu fag foyungan, sas fagdaul ay amatanganan.

2 Kurintu. 10:5

Ay grasras ami nusnga setaw fag famabadbaboan ay fagayu takamatungudun laman gsalag tibak taw nu kae fagsafulun sabaliwas Dius. Ay gtaban ami fagayu taw laman gfaning tua tam Fun Isus.

Deuterunumyu 9:5

Gagbilug ban am at ngay daga bunwa te, matuyan am, nu bunway, kanya fagayu mauri, ay umfasludan ay Dius Yawi at fatuyanan sa ay ngay mangaguyang Abrayam, Isak, ay Akub.

Ebreu 11:33

Ay aroro kanya fagayu gafanud tua sas Dius, kanya fagayu nababo tua tibak talun at ngay fun, ay gfakamulun tua at masine, ay nagbilug tua Dius at ngay nafatuyanan. Ay kafag ngay taw nafafagvm tua ngay liun,

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

Uswe 24:3

Dewa katanya, nafalin au Abrayam siginans dife liskung ay nafabanwan sas talun Kanaan ay nafon au anya ngayuk kasugfunanan. Nafon au sa anya at baguama Isak,

1 Pedru 1:22

Siginan nu gfaning am at matuyan, katsi masine tuam ay kedkesugan laman sik ngay tagfaduksayan. Nu katanya, faksvni ay famafanudi fia nu kedkesugan am.

1 Pedru 3:1

Am fag ngay mangena, faningi tua ay mesa mangama. Ay nusnga sinu fag mangama at yud yay gfaning Dius at longan, kanya ban matabanan yangay sas fagafanudun, aroro siginan ay ugali at masine, deyud ro am nalong sa anya.

1 Pedru 4:17

Aroro munakbang wan Dius nu ginsaful taw at asalanan, ay gfasigad sat ngay taw. Ay nu gfasigad ban nu si way antam, tain ban at kumfasludan sat yud gfaning Dius at Masine fag Barita?