Ebreu 11:7 - Fanawbuid tagsibaliwas Fakayabian

⁷ Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.

Ebreu 11:7 ပူးပေါင်းရင်းမြစ်များ

Fakasigadan 19:14

Nu katanya, Lut naduksun ay nasat fanugangan fag ngay mangama ay nalong te, “Fasakiti tua nu glo am ste ginan aroro Yawi ro gfamin wan tuy fag furuan.” Dewa katanya, duama wa gafanud, aroro nu glong Lut galaman way.

Fakasigadan 6:13

Nu katanya, Yawi nalong sas Nui te, “Namamin kban fagayu taw. Aroro at fagmauriun sak gfabusbus taguk, ay anrapyag wan sas fagdaul daga. Namamin kban anya fagayu gasfuan ngay tagleleg sas fagdaul daga.

Fakasigadan 6:22

Ay Nui nafaning Dius at ngay suguan.

Fakasigadan 6:9

Katatuy at fansulitan sabaliwas Nui talanan. Nui sik matuyan fag taw. Ay ginanya fag ngay buknga, sia way lang at yud e kalong, ay at masadi gugat sas Dius.

Fakasigadan 7:23

Fagayu tagleleg sis fagdaul daga dewa taw, taglao, tagalafang ay manuk tungud namin wan. Nui way lang fag talanan at kinsawad fag ngay taw.

Fakasigadan 7:5

Ay Nui nafaning Yawi at ngay suguan.

Fakasigadan 8:16

“Fagayu am duksuni wan siginans sakayan lino, o ay am mangena ay am ngay baguama ay anggan am ngay nugang.

2 Fun 4:5

Nu katanya, kanya fag mangena nafakamulun Elisyu at suguan ay kanya nadingding at sakbawan. Ay at duksay nabuba sa anya ngay fagsuadan ay kafag mangena natalin langis.

Ub 35:8

Dewa o gfakamulun at masine ay at mauri, sa way lang sa ngay taw am fagfalagan takatanya.

Fangatulun 22:3

Sik taw at mamatanganan gsaruy tua fagmalimuun, ay at yud e fagsafulun gtaglayun way lang, katanya wan at faginfauriananun.

Fangatulun 27:12

Sik taw at mamatanganan gsaruy tua fagmalimuun, ay at yud e fagsafulun gtaglayun way lang, katanya wan at faginfauriananun.

Esekyel 14:14

Kanya ban fag ngay taw dewa gfadgaloan yay Nui, Daniel, ay Ub, kanya way lang fag tulu takalangfe, aroro kanya fag tulu matuyan tua at ugali. Au, Fun Dius Yawi, taglong tuy.

Esekyel 14:20

Kafag ngay taw dewa yay ban gfadgaloan Nui, Daniel, ay Ub, ay au, Fun Dius Yawi, gfatuyanan au te, kafanud nu gleleg au, kanya ban fag tuluk mangama wa mafalangfe at ngay sisian, nu bunway at ngay sadili way lang. Aroro kanya fag tulu matuyan tua at ugali.

Mateu 2:12

Ay Dius nasalag kafag ngay mamatanganan fag taw sit taginfan te, “Lag am kafoli sas fun Erudes.” Nu katanya, kanya fagayu nu kafoli sat talun nasaruyan way sa tibak dalan.

Mateu 24:15

“Ay lumag ban am at maksvn fag mauri tagfayud e masuad Dius at bale. Dius at taglong Daniel nalong sabaliwa takatanya. (Nusnga sinu tagtap tuy fag longan, atogdungugi.)

Mateu 24:25

Amatangi, nafoyung kwan sa ayu takadasug ban.

Mateu 24:38

Ginanya, gina lino daul gakadasugun, ngay taw mabayan way fia gfangon ay ginum ay gdaddadwaan, yakmay Nui nasakbo sas sakayan lino.

Mateu 3:7

Ay Uan nu nalag te, ngayuk taw Fariseu ay taw Saduseu takadasug laman namasurung, kanya nalong anya fagayu te, “Am, kata way am tagfandaya fag ngay ule at maganga! Sinu at nafararang ayu te, lagyui siginan takadasug ban fag faurianan?

Lukas 17:26

“Au, Taw at Baguama, nu kadasug kban, ngay taw at fakamulun kata ebi gina Nui at buknga.

Ruma 1:17

Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te, “Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”

Ruma 10:6

Dewa katanya, katatuy yangay at longan sabaliwa nu katap kata nu yud e asalanan siginan at fagafanudun. “Lag o glong sam sadili te, ‘Sinu ban tagsas banwa?’ ” At masuad te, laman namatustus o tam Fun Isus ste swa daga.

Ruma 3:22

Dius natap fagayu taw kata nu yud e asalanan siginan nu gafanud sas Isus tam Fun, aroro Dius di e fagfili taw.

Ruma 4:11

Kanya nafae fakatoglagan sik famatuyan te, antap kata nu yud e asalanan siginan at fagafanudun gina yud yay e fakatoglagan. Nu katanya Abrayam wan fagayu tagafanud at mama, deyud e fakatoglagan, ay at kintap kata nu yud e asalanan siginans fagafanudun sas Dius.

Ruma 4:13

Dius at fatuyanan sas Abrayam ay sat ngay kasugfunanan te, magbilug ban fagdaul daga, kanya bunwa siginan at nafaningan Muisis at Faugali, nu bunway antap tua te, kata nu yud e asalanan aroro siginan at fagafanudun.

Ruma 9:30

Nu katanya, nataw tam longan sabaliwa takatatuy? At yud Udyu fag ngay taw at yud naugatan nangatap kata nu yud e asalanan, kanya antap tua kata nu yud e asalanan siginan at fagafanudun.

Galasya 5:5

Dewa katanya, em fagsegun ay em fagafanudun siginan at Masine fag Falad, Dius gtap tua emi kata nu yud ami e asalanan.

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

Ebreu 11:1

E fagafanudun tua tam nu gtuyan tua tam te, tam ngay fagfanyaun kadasug ban fia, ay nu gafanud tua tam te, lumag ban tam tam nayud yay batang glag.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

Ebreu 5:7

Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.

Ebreu 8:5

Kafag ngay tagfon fanggalangun at fagfakamulunan fag bale sik fafaskudanan way ay sik aninu tagsis banwa fag bale ramit. Aroro gina Muisis ganangawatun kafag bale ramit, maksvn Dius nu gsugu anya te, “Fakamuluni fagayu nusnge wain kata ku nafalag sa emu fag fagfaningan gina o sis buksul.”

1 Pedru 3:20

Kanya fag ngay falad at yud nafaning gina Dius gfanya anya fagayu kaduge Nui kawat sakayan lino. Ay walu way ktaw at nasakbo sanya fag sakayan lino ay at kinlangfe sis mamam.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

2 Pedru 2:5

Ay Dius wa yangay anfanyu ebi fag ngay taw, ay kanya nafadasug sik lino daul laman gfamin kafag ngay taw at yud gfaning anya. Ay at kinlangfe, Nui way lang, ay at fadgaloan fag fitu. Nui wan at nafamoyung sat matuyan fag ugali.

2 Pedru 3:6

Ay siginan yangay kafag mamam kanya nafalubgub fagdaul daga ay nafamin fagayu tagsanya.