Ebreu 11:4 - Fanawbuid tagsibaliwas Fakayabian

⁴ Aroro Abel gafanud tua sas Dius, at fanggalangun amasine yap tua Kain at fanggalangun. Ay aroro kanya gafanud tua, Dius natap anya te, sik taw matuyan aroro naylat at ngay fanggalangun. Ay Abel dewa anbul wan, e fagfoyungun yay sa antam, siginan at fagafanudun sas Dius.

Ebreu 11:4 ပူးပေါင်းရင်းမြစ်များ

Fakasigadan 4:10

Ay Yawi nalong sas Kain te, “Nataw am nafakamulun? Am arian at taguk guro sa angku siginans daga, glong te, ‘Faurianani at nafabul angku fag taw.’

Fakasigadan 4:15

Dewa katanya, Yawi nalong sas Kain te, “Duan, wa ban kafasludan sa emu takatanya! Aroro nusnga sinu ban at nafabul emu, gfasud kban fitu ginan.” Nu katanya, Yawi nafae fakatoglagan Kain laman nusnga sinu ban at lumag anya, wa gfabul.

Fakasigadan 4:25

Adan nadog yay nafataladan at bubay, ay at bubay gdog yay anke sisian sik munama. Ay Eba glong te, “Yawi nafon yay angku sik sisian at fantubus Abel, Kain at nafabul. Nu katanya, gfangayan au anya te, Set.”

Fakasigadan 4:8

Sik menit, Kain nalong sat arian te, “Gewan, sa wata sgamasun.” Ay nu ndasug wa sanya, Kain nafabul at arian.

1 Fun 18:38

Ay ginanya yay, afuy andasug siginans banwa, ay nairug fanggalangun, famaygang, gang, ay lutuk, ay nafalanggang tagsis alian fag mamam.

Ub 8:10

Ay dungugani kanya fagayu nu glong sa emu at ngay fagsafulun.

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Fangatulun 21:27

Yawi kauri way taw mauri at fanggalangun, kaugat wan at algan nu mauri way.

Mateu 23:35

Sumugu kban kafag ngay taw sa ayu, laman Dius at nafalganan fag faurianan sas fagayu at nafabul at matuyan fag ngay taw kadasug yangay ban fia sa ayu, siginan ebi at faurianan sat nafabul Abel, sitsigon at nafabul Sakaryas, Barakyas at baguama. Kanya ebi ay nafabul gina sisad wabilug Dius at bale ay at fagirugan fanggalangun.

Lukas 11:51

siginan ebi at faurianan sat nafabul Abel anggan at faurianan sat nafabul Sakaryas. Kanya nbul sis wabilug fagirugan fanggalangun ay Dius at bale. Matuyan, glong au ayu te, e faurianan ban am aroro takatanya fag fakamulun.

Titu 1:16

ay glong te, “Toglag wami Dius.” Dewa katanya, we famatuyan sit fakamulun, ay maksvn nu mauri ay kamabo ay fagayu at fakamulun we masine.

Ebreu 11:2

Dius maksvn nu guseganan ebi taguna fag ngay taw, aroro gafanud tua sa anya.

Ebreu 12:1

Nu katanya, dakngani maligung tam ngayuk taw tagfatuyan, gubun watam fagayu tagsalag antam ay tam asalanan tagfatawad gugat antam, ay gugatan tua tam gfataglayun gafanud, kata nu ggudgunan tam.

Ebreu 12:24

Ay andasug wam sas Isus, Tagwabilug sat Bagu fag Nasadian. At taguk at kinbusbus gfalyam asalanan, ay di kata Abel at taguk taget famasud.

Ebreu 5:1

Fagayu tiba tungud fag tagfon fanggalangun, anfili siginan sangay taw laman nanwabilug sas Dius ay sa sangay taw. Kanya gfon fanggalangun famalyam ngay taw at ngay asalanan.

Ebreu 9:22

Gfaning Muisis at Faugali, arvs fagayu nusnge wain nafasine sas taguk. Taguk nu dway anbusbus we mafafalyam asalanan.

2 Pedru 2:8

Lut maksvn nu kabalu aroro siginan at nalag ay at nadungug fag ngay fagmauriun kayu menit, gina gbanwan magamut kafag ngay taw at mauri.

Udas 1:11

Afanyuan kafag ngay taw! Aroro kanya fagayu nafaning Kain at fakamulun; ay maksvn nu galabian salapi kata Balaam; ay kamabo kata Kura. Nu katanya, kafag ngay taw umfaurianan yangay ban.