Ebreu 11:1 - Fanawbuid tagsibaliwas Fakayabian

¹ E fagafanudun tua tam nu gtuyan tua tam te, tam ngay fagfanyaun kadasug ban fia, ay nu gafanud tua tam te, lumag ban tam tam nayud yay batang glag.

Ebreu 11:1 ပူးပေါင်းရင်းမြစ်များ

Alubad. 27:13

Yawi, gafanud ktua te, kaduge kban gleleg stes fagdaul daga, lumag au am fagmatuyanun.

Alubad. 42:11

Wain yay ku fakabaluun ay ku fagafanawaun? Umke fagsegun ktua nangus sa emu. Ku Tagfalangfe fag Dius, gdog kyay gfauseganan emu.

Fakamulun 20:21

Ay nafoyung au sas taw Udyu ay sas taw Gresya sabaliwa nu gubun at ngay asalanan ay nu gfaning Dius, ay nu gafanud sa tam Fun Isus.

1 Kurintu 13:13

Ay tuy fag tulu sanya tua gugat: fagafanudun, ay fagsegun ay fakesugun, dewa katanya, tagtungud, fakesugun tua.

2 Kurintu. 11:17

Nu kamatungudun au nu sa way baliwa ku sadili, ku aringang takatanya bunwa siginan tam Fun, nu bunway kata way sik yud mamatanganan fag taw at aringang.

2 Kurintu. 4:18

Ay em fagfanyaun katsi bundi tagste swa daga takalag, aroro fagayu tagste swa daga e fakatabuan way ban. Ay dewa katanya, at yud kalag, kanya tua ban at yud e fakatabuan kabavn.

2 Kurintu. 5:17

Nu katanya, nusnga sinu at kinsadi sa tam Fun Isus kanya sik bagu tua fag taw. Naubun wan ebi ataw at ugali; katsi at ugali bagu wan.

2 Kurintu. 5:7

Gugali ami gfaning em fagafanudun, bundi ste swa daga takalag fagayu nusnge wain.

2 Kurintu. 9:4

Aroro tiba ro ktaw Masidunya nu nanangalo angku sanya, ay nu nalag ro te, yam nafalganan ay famonun, kapla ban tam aroro maksvn wan nu gafanud ami sa ayu.

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Titu 1:1

Au, Pablu, Dius at fagsuguan, ay tam Fun Isus at nasugu. Nasugu angku laman gfaksvn au Dius at nafili fag ngay taw at fagafanudun, ay gfasaful sa anya fagayu at fagmatuyanun sabaliwa nu gugali tua gfaning Dius.

Ebreu 10:22

Nu katanya, masinei tua tam amatanganan nu kakbang tam sas Dius aroro tam ngay basad ansine wan, ay tam ngay bilug anfegus wan, kata nu nfegus tam sat malyo fag mamam.

Ebreu 10:39

Ay itam di tam katap sa sangay taw at natalyuyan ay tagafaurianan ban, nu bunway katap tua tam sa sangay taw tagafanud sas Dius ay at kumlangfe.

Ebreu 11:13

Kanya fag ngay taw anggan anbul gafanud tua gugat sas Dius. Ay kanya fagayu deyud yay nabul Dius at nafatuyanan, gtuyan tua te, mul yay ban. Ay natuyan sat ngay sadili te, sik ngay betaw way kaduge ste swa daga.

Ebreu 11:27

Ay siginan yangay at fagafanudun, kanya naubun wan talun Igiptu, ay wa kalimu kafag talun at fun dewa kadotama anya. Kanya maksvn tua at amatanganan aroro kata wa nu nalag at yud kalag fag Dius.

Ebreu 11:7

Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Ebreu 3:6

Ay dewa katanya tam Fun Isus matuyan tua nu gfunan Dius at ngay taw, aroro sia wan Dius at baguama. Ay itam wan Dius at sisian nu maksvn tua tam fagafanudun ay gbakvd tua tam fia tam fagsegun.

Ebreu 6:12

Nu katanya, dangay am momuy, nu bunway faningi tua ngay taw at nabul Dius at fatuyanan siginan at fagafanudun ay at fagagwantanun.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.