Ebreu 10:6 - Fanawbuid tagsibaliwas Fakayabian

⁶ Wo kaylat ngay fagirugun fag famonun ay ngay famalyam asalanan fag fanggalangun.

Ebreu 10:6 ပူးပေါင်းရင်းမြစ်များ

Alubad. 147:11

Dewa katanya, kanya guseganan tua ngay taw tagsuyu anya, ay tagafanud te, mafangesug tua.

Alubad. 40:6

Wo guseganan nusnga setaw fag fanggalangun. Ay wo naet nusnga setaw fag fagirugun fag fanggalangun, ay fanggalangun famalyam asalanan, bundi mangaro tuy fagayu am fagetun. Nu bunway nagubuk o angku laman gtogdungug au am longan.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Mateu 3:17

Ay e naringang siginans banwa te, “Tuy wan ku fakesugun ku Baguama. Maksvn nu guseganan au anya.”

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

Filipus 4:18

Aroro siginan ay fanggubukun, Epafruditu at nafosuk sa angku, nasawe yay sa ku day fagayudanun. Ay famonun sik mabebanglu fag fanggalangun, at maksvn nu masine ay nu maylat sas Dius.

Ebreu 10:4

Aroro baka tama at taguk ay kambing at taguk wa mafafalyam taw at ngay asalanan.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.